[حسن محمد سالم باقديم]

هذه القصيده ل حسن محمد باقديم حررت في 1/4/2012م

( بعنوان )

قمصتها ليكم بكسوه جديده = لا اربابها العشاق يامن بغاها
يقدم يغازلها ويسخن حديده = كلين بشطارته يمكن عراها
واما الردي لو رادها ماتريده = لو يملك الدنيا ويحوي حواها
ترفضه وتهينه وماله تبيده = متدينه ربك بفضله غناها

غزوا الشعر قبل الامس صفه جديده = شله على الساحه تدفق بلاها
ناس اعترت من نهجها والعقيده = باعت وراثتها وباعت حياها
اوباش وزنادق وشله بليده = الشعر لم يعرف ويشهد كماها
( سؤال ) لا ارباب العقول الرشيده = هل النوادي في الفضاء تم بناها
لحماية الموروث هو والقصيده = والشعر والنقاد يحموا حماها
هل اسسوها عاالصفات الحميده = وتجل وافدها ويزخر عطاها
بحوار وعبارات جمله مفيده = يرقى بها الحلان لا مستواها
ام اسسوها للسلوك التليده = وتدمر الموروث عامبتغاها
تتوعد الباحث بقبح الوعيده = واديبها مشتوم في منتداها
هل اسست والنهج هذا تريده = او شي دوادع في الخفاء مانراها
( ام هي مصالح ) كزمة الفسل بيده = وامر التسلط لا يفارق رباها
واربابها اهل العلوم النضيده = ( منها خلوا ) من باسها ذي غشاها
ياقوم افيدوني فكاري جهيده = والعين مانامت وعافت كراها
ياقوم جيبوا باالردود الاكيده = دعوه من الداعي اجيبوا دعاها
الشرح ينقح والعول في العضيده = والمروسه تنعش وهم في قداها
والادمي فعل المحاسن تزيده = وقصيرة العقده تبت في خلاها
تفحق عملها والرداء والمكيده = من معصيتها سمها زاد ( داها )
ربك يمحصها ويحرس عبيده = ويعزهم ويهينها من رداها
ضلت لها بعداً وتبقى وحيده = ماجاء لااهل الرجس والبغي جاها
ياقوم فيقوا والمواجع شديده = في راس قايلها وكل من قراها
فيها رداء عاكور واجواء نكيده= ولا عرفنا صيفها من شتاها
والصدق صدقه في اللواح المجيده = ونفاقكم مايجيركم من لضاها
تباً وتب حبل المنافق بجيده = يصلى لهب نيرانها من عصاها
كلين في التاريخ يودع رصيده = مراتب اهل المجد يصعب رقاها
المجد غالي والمراحل بعيده = بعد المرير القار تشرب حلاها
قمصتها ليكم بكسوه جديده = لا اربابها العشاق يامن بغاها
يقدم يغازلها ويسخن حديده = كلين بشطارته يمكن عراها
واما الردي لارادها ماتريده = لو يملك الدنيا ويحوي حواها
ترفضه وتهينه وماله تبيده = متدينه ربك بفضله غناها

......