09-25-2017, 07:32 PM
|
#7810
|
شاعر السقيفه
|
ابدع قصيدي بعد ذكر البسمله
وبعد ما اصلي على طه الحبيب
بااكتب قصيدة كلها ضرب امثلة
واحاول اجعل كل متباعد قريب
فالشعر حكمة والعرب تتداوله
واهل اليمن في الحكمة الطارف أديب
باقي علينا ذي نقوله نعمله
ونراقب الله المحاسب والرقيب
وانا اشهد ان الرمح يطعن بااوله
والحر يعرف ذا وعاده في العسيب
والعلم مفتاح الأمور المقفله
والجهل يعمي والعمى دربه صعيب
والداء لاقد حل مايستأصله
إلا الكلام الزين والفعل النجيب
والعنف عمره مايحل المشكله
والقوس الاعوج مستحيل انه يصيب
ياصاحبي اسمع لشعري وانقله
وخذ نصايح طيبة من أصل طيب
روي الحليم النجد مرة وازهله
والثانية لااحتاجها واترك وسيب
واياك تسمع للكذوب او تقبله
الكذب يفضح صاحبه بأول تريب
واعفي وسامح والسفيه اتحمله
وكل سيئ بادله باالسوء طيب
والباب ذي بايجلب الشر اقفله
باتؤكلك لذياب لاما كنت ذيب
واذا استشرت انسان بأية مسألة
نصيحتي لاتستشير الا لبيب
وفي الامور القاسية والمعضله
أسأل مجرب قبل ماتسأل طبيب
ورزقك المضمون لاتستعجله
اصبر على عوش العنب تلقى زبيب
واياك تتندم على شي تؤكله
دنيا عجيبة والطمع باطل عجيب
وذي يناله صاحبك هو لك وله
لاتحسده وتعامله مثل الغريب
وان شي وقع لك لاتقلد ديوله
وتحاكي العالم من اخشام القصيب
والشخص ذي ماتعرفه لاتجهله
وفي المعارف كل واحد له نصيب
هنيت له من هو غبي هنيت له
يعيش طايش في شبابه والمشيب
لا قلت له مخطي ضرب لك أمثلة
بين اخوتك مخطي ولا وحدك مصيب
لايعرف الصايب ولايرتاح له
ولا دعوه اهل المصايب يستجيب
والشيخ من يملك صفات المرجله
وتحصله دوما" من اصحابه قريب
إذا حضر تضمن حلول المشكله
وان غاب تضمن طلعته بعد المغيب
رجال عاقل مايحب المعقلة
والصدق ذي خلاه في قومه نقيب
والحر مايرضى لحد باالبهذله
والجيد في وقت الشدايد مايخيب
والفسل تبقى نظرته بين ارجله
مايذكر امه ذي رضع منها الحليب.
( منقول )
|
|
|
|
|