قصيدة للشاعر ناصر سالم محمد بن جبهه بن حيد

[التبع اليماني]

ادعيك يامعبود يارب السماء=يارافع السبع السماء المطابقات
ياخالق الانسان تفعل ماتشاء=ياالواحد القهار رب الكاينات
انته اله العرش لك كل الولاء=تغفر ذنوب العبد لاغيب ومات
ويقول بن جبهه صعدناللفضاء=فوق الكواكب والنجوم الزاهرات
قضيت ست ايام في كبدالسماء=بين الحدايق والعتوم الجاريات
فيها المناظر حاليه فوق الحلاء=فيها العنب والليم والسكر نبات
فيها غزال البر واريام الفلاء=فيها النمارة والوعول الكابرات
فيهاالذهب واللول واطلب ماتشاء=فيها الحواري والكفوف محنيات
من نورهم ماعرفت صبحي والمساء=ول عاد بعرف كل من روح وبات
ولعاد باتحسف على ما قدمضاء=مادمت عاشق في بنات الحوريات
هذا رياء وانتو فتوني في الرياء=يامالكين الجان في راس الحوات
وانك بغيت الجر واحروف النداء=والهرج ذيهوصدق من طيب النيات
صادفت لي حوري رفيع المستوى=سبحان رب العرش كمل في الصفات
اشرت باالكفيين يا سيد الملاء=لحظة توقف لاتفوتني فوات
اول سوالي انت روحي والمناء=وانته عروق القلب ذي هي ماكنات
والثانيه باقول اسمك يافتى=واصلك وفصلك ينتمي لاايا الفيات
والثالثه على الجودواطباع الوفاء=ارجوك لاتحطم جميع االامنيات
والرابعه باللقي العوجا سواء=يا باهي المبسم ويا زين الصفات
والخامسه شفنا كما سكروماء=خل الكفف ما بيناء متساويات
والسادسه القلب بالشوق امتلا=يوم التقيناء قلت يالله بالثبات
والسابعه عيني وراسي لك فدا=لاجلك غطسنا في البحورالطاميات
والثامنه عهدي وعهدك على الوفا=لما توطى في اللحود المغدرات
والتاسعه لامت والعمرانتهى=ماعاد باتبقى سوالاالذكريات
والعاشرة من خان يصمده العما=من يومنا هذا الى يوم الممات
يقضي حياة الويل مطروح الوقا=ويذوق طعم المر من بعد النبات
لاقد تعقد وضع ناصر مادعاء=هاجس معه فلعشق درس جامعات
هاجس معي ع صح ماجافلخطا=ملقيه للعوزه وحل المشكلات
جارت علينا امطارفي فصل الشتا=كلن شرب ماله وانا مالي سنات
والصيف هو الخرف قدروح سوا=ولعاد باتحسف على مافات فات
العشق يبغى زقر بارع في الذكا=ويبند النيه من الي ناجحات
لابان ضوالشهرعلى الموعدسرا=وامسى يدحق ع الحناش الضاميات
وان قدشرب من عذب مكن بالوكا=والقى على الشنه حلق متلمضات
ماهولذي يخدع ويطلع على الفناء=وامسى يحوس في مطارح داثرات
العشق له قانون ماهو بالعصاء=ماهو لكم لاياخبيثين النيات
شو عاد بن جبهه في العشقه بدا=العشق عاده حي لاتقولون مات
ياقلب زدت الون من تحت الغشا=مااليوم فالعشقه حمولك جاريات
عيني بكت بالدمع من كثر الجفا=لاذكرت نوبي في الحيود النايفات
ذا ذي حصل والي تصدروانتشا=مابخلط القير معش ياالحاليات
والعفولاشي بان في قولي خطا=عاد المراحل بينا متقاربات
والكل يتبعني ع الحروف الهجا=فالعشق حققنا جميع المنجزات
والختم بختم ع النبي المصطفى= شفيعنا في يوم البلاوي والشماتِ

[ابو صقر..]

كلام يامولى الحزمره كلام لولا التكرار في بعض القوافي لاعدمتك.

[ابوشحوف]

ايوالله ان هاجس بن حيد يدرس جامعات كلمات قمه في الروعه والابداع والتسلسل ولاننسى نشكر شاعرنا التبع اليماني على النقل موفق بإذن الله ... لك مني أجمل تحية .

[التبع اليماني]

((ابوصقر))(ابو شحوف))مشكــــــــــــــــــــــــــــورين على مروركم

[طالب النعماني]

كلااااااااااااام من العيار الثقيل
قصيده رائعه وفي غاية الروعه والجمال

[علي بن طالب الحامد]

صح الله لسانه بن حيد
وشكر لك ايه الملك اليماني

[التبع اليماني]

اقتباس : المشاركة الأصلية كتبت بواسطة طالب النعماني [ مشاهدة المشاركة ]

كلااااااااااااام من العيار الثقيل قصيده رائعه وفي غاية الروعه والجمال

اسعدني وشرفني مرورك يابو راضي وتسلم يمينك على الرد
واشكر الشاعر الحامد على اطلاعة الدايم لمتصفحي
والتوفيق للجميع ان شاللة

[صبي العول]

التبع اليماني هل انت بالفعل بن جبهه نفسة ام انك معني فقط في نقل روايع بن جبهه كل مشاركتك تقريبا نقل عن بن جبهه واحسب ان بن جبهه نفسة التبع اليماني ويريد يشوف انطباعات الاخرين عنه وهو خلف ستار اعلم ياصديقي ان كل قصايد بن جبهه من الطراز الاول ولاعليها كلام ولو تدخل باسمك الحقيقي راح يكون رد الاخرين مغاير عم تنقله لان الناس هنا يودون ان يتحاورو مع الشاعر نفسة ويوجهون له الانتقاد مباشرة سوى كان سلبي ام ايجابي اذا كنت مخلوق اخر انقل تحيات الصبي لعمة وان كنت انت نفسة غير المسمى برساله خاصة للمشرف العام وراح تشوف صحة كلام صبيك يابن حيد
سمعت او لا

[التبع اليماني]

صبي العول شكراً على الاستفسار هذا اما بن جبهه احيانا يكون متواجد عندي فيسجل مشاركتة واحيانا يراسلني بالتلفون فهو قريبا يسجل في هذا الموقع باسم بن جبهه
ولو سمحت اطلع على مشاركتي في قسم عذب لقوافي التي بعنوان سمرة دوعن