(((((الدان)))))

[الوزيري]

صوت جديد وحبيت اكتب لكم القصيده المشهوره على شان تذكرونه

(صحابي قسمو اليل السود واعطوني الاخر=وراحوكلهم وابقيت فكر في سواد اليل)
وهذ الفصل &&&&

نهم بصوت سمعني لحونك انت ياشادي =وخلي من حظريسمع وترك فرقة الانشاد
بغينا للكلام الزين موقع عند حسادي= ونا مليت من وصف السفر لي هوعلينا ساد
فتحنا باب في العشقه بريحة مسك والكادي=عسى نلحق دوا للي يبيت في زعل ونكاد
ومرو مثل غيث الخرف لاتكونون نقادي=وكل واحد يخيل غيث من فجه اذا قد قاد

[ابوهارون]

يا ولدي يالوزيري الله يهد يك ويسلمك ! بين الاصوات ! اذا كذ المغني يهنهن او يشرب شاهي يوخذ نفس! خل لاحد معه نكته او كلمه زينه في نطاق السمر يضحّك بها الحاضرين ويلطف الجو ويحرك الشعّار، ما هو كله السمر مغنى وقصيد يقع له خلط يحليه ويشبّه !! ولازم في السمر من حضور! وللحضور تعليق ! وبدون الحضور ما تحلو السمره يا وزرآن طال الله عمرك ، وهذا كله من حرصك على الهدو في السمر .

[البكري]

من بلي بالعشق على الناس ماينادي = والحيد مكانه حيد مابدا حيد ناد
عشق اللسان ما هو كما عشق الفؤادي = وينه اليوم لي يعشق بالفؤاد
العشق اصله عطى وكله تودّادي = ماعرف للعشقه لي ماعرف لتّودّاد
والعاشق لا قده من اهل التردادي = مامعه عشق مافي العشق تردّاد

البكري

[ثابت بن ماضي]

في وادي انا والعشق يابو شيخ في وادي=لأني عفت ابسبته طعم الشرب هو والزاد
سهرت ايام واليالي وحسيت السهر عادي =نحل جسمي وعظمي رك وامسي في تعب وانكاد
وقلت ايهون عل المضنون باحافظ وباحادي=لأن الحب مثل السيف ذي هوي الوزيري حاد
ولكن بعد ماحسيت انه قصده اعنادي=مسحته من دواويني ويوخذ بالعناد اعناد

[الوزيري]

صبر مثل الذي صبرووخلك انته البادي=بكلمه لاسمعها بايعود لك على المعتاد
وباتلقيه يالباشق على كتفك كماالرادي=وباتنسى همومك يارفيقي في مساءوابراد
وبتشوف الفرح افراح وكل ايامك اعيادي=وبيعود الحيا فالروح والماضي عسى لاعاد

[ثابت بن ماضي]

بوخذ بالنصيحه باصبر وبلجم اجوادي=مادام النصيحه جاتني من جيد ابن اجواد
معه خبرات جم متراكمه واسلاح واعتادي=ويدخل في حروب العشق ملقي الزاد والمزناد

[الوزيري]

نعيش احنا على الامال ونطفي كير وقادي= وقفلنا بواب الياس لي تدخلك يالوقاد
ولكن صاحبك معبد بغى يصطاد صيادي=صبح مسكين في لحظه وسط ذاك الشبك مصطاد

[ابوهارون]

ملقي الزاد والمزناد: ياولدي شفك اقبع !!! ماشاء الله عليك منين تجيب الكلام ذا هههههههه

[ثابت بن ماضي]

ترى معبد ذكي بنص راس المال بايفادي=وبايقول الخساره واجده لكن ماهو جاد
مؤكد قد معه ما اليوم عضويه في النادي=ومن افعال معبد يالوزيري حس راسي ناد

[ابوهارون]