<<هنا المدروف الغياضي والساحلي <<الدان >>

[البكري]

جروح في القلب خلها دفينه = يكفينا وبس كل ماوقع منه
خلاص منه قرعت باب التوبه = ومن الحب كله باقول باتوب

[برق المشقاص]

شوقتنا للسمر يابونمر وينه =دورت له عند لي هم يعرفوا فنه
للدان عندي طرب باحط تطروبه =وعسى هواته يجو لاسمعوا التطروب

[البكري]

كل من يهوى السمر ماتنام عينه = لا سمع صوات الدان يردف الونه
مهما بعد السمر ماهمته ادروبه = كم سلكناها لجله طرق ودروب

[أبونمر]

اقتباس : المشاركة الأصلية كتبت بواسطة برق المشقاص

شوقتنا للسمر يابونمر وينه =دورت له عند لي هم يعرفوا فنه للدان عندي طرب باحط تطروبه =وعسى هواته يجو لاسمعوا التطروب

مرحيب بك للسمر مابين هاوينه =باسقيك لابك ضماء من بارد الشنه
هرجك بغيه عسل جردان مصبوبه =ماحد يعتبك ياصافي عسل مصبوب

[أبونمر]

اقتباس : المشاركة الأصلية كتبت بواسطة البكري

جروح في القلب خلها دفينه = يكفينا وبس كل ماوقع منه خلاص منه قرعت باب التوبه = ومن الحب كله باقول باتوب

مخلوق ضايع علي ماعرف عناوينه =ايام عدت معه عالدان في قنه
ذي يعرف الشعر ومعانيه وسيوبه =يمشي بحكمه معه وسيوب

[البكري]

مواثيق ذا يابونمر بيني وبينه = روحت نا وياه الليله في جنه
جنة الشعر له فيها علام منصوبه = ويعيش معنا والراس منصوب

[أبونمر]

إن كان مديون خلي باقضي دينه =لايحط حاجه على باله وفي ظنه
الناس للناس والأيام محسوبه = ماشي مضيع كل شي محسوب

[البكري]

كل شي ياصاحبي بايبان في حينه = وصاحبك مشطون وفي القلب حنه
يبا يدبس عسل قبصته نوبه = حلف معاد يقارب جبوح النوب

[برق المشقاص]

اقتباس : المشاركة الأصلية كتبت بواسطة أبونمر

مخلوق ضايع علي ماعرف عناوينه =ايام عدت معه عالدان في قنه ذي يعرف الشعر ومعانيه وسيوبه =يمشي بحكمه معه وسيوب

صاحبك يابونمر حل في مقاطينه = يابخت كل من يحل ويعيش في الغنه
يسرح ويضوي مثيل النوب عا علوبه =يجني الزبد من شذب لعلوب

[أميرة الوادي]

هذا لون جديد أول مرة أشارك فيه بس با أحاول :

يرتاح راعي الهوى لا كذ قضى دينه = ما يدري ألا وخله كذ عفا عنّه
بالهجر ياما جناها ذنوب مكتوبة = واليوم قدّم رصيد الوصل بالمكتوب