مساجلات الزامــــل الشعبي

[سبع الليل]

اقتباس : المشاركة الأصلية كتبت بواسطة المخشني [ مشاهدة المشاركة ]

ما إحتجي قل لبو جمعان با جي قداكم=شوقكم في فؤادي دوب ملقي زويله بس دغرنا لوادي عمد لا ذيب شاكم=لي بخشمه ... يغنّي تحت ظل العسيله وإنبسطنا شويّـه طيّب الله مساكم=يومه الدان بلسم للقلوب العليله كن ذيبي شرد والظاهر إنّه مزاكم=أو عريسه لقيها وإفترسها بــ ( غيله ) محمد بن سعيــد بن مخــاشــن

بارك الله مساعيكم وسلم خطاكم=وقت لزمات كلين بايساعد زميله
نغمة الدان زينه ريتنا الا معاكم=بنبسط بينكم وبنسى الهموم الثقيله

[محمد سعيد بن مخاشن]

اقتباس : المشاركة الأصلية كتبت بواسطة سبع الليل [ مشاهدة المشاركة ]

عاد لي شور ثاني باقبض في لحاكم=يالرجاجيل ياصحاب القوال الثقيله ردوا العين عالمجرى وصبوا حلاكم=واحصدوا البر لحمر والذره والبليله

قل لمحفوظ كل حسنه وحُسْنى جزاكم=شمل لخوان قصدك يجتمع ..... حق ليله
ليه تركوك في الحلبه لوحدك تلاكم؟؟؟=يومه السبع لا زمجر شرد با الثعيله

محمد بن سعيــد بن مخــاشــن

[محمد سعيد بن مخاشن]

اقتباس : المشاركة الأصلية كتبت بواسطة سبع الليل [ مشاهدة المشاركة ]

بارك الله مساعيكم وسلم خطاكم=وقت لزمات كلين بايساعد زميله نغمة الدان زينه ريتنا الا معاكم=بنبسط بينكم وبنسى الهموم الثقيله

في القعيده تشوّقنا بغينا لقاكم=خير سمره لقيناها بليله جميله
بحق ذي نزّل ( القارع ) وبعده ( لهاكم )=فات نصّه ترى عمرك ودوّر بديله

محمد بن سعيــد بن مخــاشــن

[محمد سعيد بن مخاشن]

تصبح علــــــى خيـــــــــــــر يا بو جمعــــــــــــــــــان

[أحمد العمودي أبوفيصل]

فصل ياشباب

[الطامع]

فصل ان شاء الله يعجبكم والمعني به يفهم

الجبر هو والجود كلفني سأل = عن صاحبي لي هو بطى في الغوبه

برسل نا مرسول لاعنده يصل = فيه التحيه داخله مكتوبه

وبتخبره عن باب شفته انقفل = وحبال صبحت بيننا مقطوبه

ان قد ظهر باقول هذا الشهر هل = وان غاب نا باقوله يادذنوبه

[الطيف المهاجر]

اقتباس : المشاركة الأصلية كتبت بواسطة الطامع [ مشاهدة المشاركة ]

فصل ان شاء الله يعجبكم والمعني به يفهم الجبر هو والجود كلفني سأل = عن صاحبي لي هو بطى في الغوبه برسل نا مرسول لاعنده يصل = فيه التحيه داخله مكتوبه وبتخبره عن باب شفته انقفل = وحبال صبحت بيننا مقطوبه ان قد ظهر باقول هذا الشهر هل = وان غاب نا باقوله يادذنوبه

يامرحبا بالي عليا قد سال= الطامع اللي كلمته محسوبة
بالورد هو والعود واوراق النفل= والبن لشقر والجفل مشروبة
هرجة كما الميزان ما فيه الخلل= هرجة كما المشنون شغل النوبة
هذاك يخطي في وهذا با يزل= سبو وشتو احبالهم مقطوبة
لكن ضني خاب فيهم يا بطل= انتو عرفتو والعرب يدروبة
حبو التسلط على العرب منذو ازل= يبغون كرسي الحكم ذي طمعوبه
يبغون كل الناس في صف السقل= كل من قدم با يكسرو عرقوبة
وبعد ابعث لك رسالة في عجل= لوضاع يالطامع ترى مقلوبة

[سبع الليل]

من شاور اصحابه وربعه ماقتل =ماغير يتقلب على مركوبه
ذولا عرب لكنهم ماهم دول=الديوله للسلطنه المرغوبه

[خالد بن مهنا]

احنا اصدقاء واخوان يسقينا جبل=وعلى العدوء نيراننا مشبوبه
ولانبيع العز في سوق الدلل=من شان حجه واطيه مسبوبه
سلام يانعمان يارمز الدول=لي صيتكم كل العرب سمعوا به
واحنا بني مره نجيكم في عجل=بعهود تمت باالدماء مكتوبه
ولانشل بندق على زبن العول=والجار نسقيه الكرع وعذوبه
والخصم نلقي السم له وسط العسل=ويعبّر الايام في غيبوبه

[عمر الذيب]

اقتباس : المشاركة الأصلية كتبت بواسطة خالد سالم بن مهنّا المري [ مشاهدة المشاركة ]

احنا اصدقاء واخوان يسقينا جبل=وعلى العدوء نيراننا مشبوبه ولانبيع العز في سوق الدلل=من شان حجه واطيه مسبوبه سلام يانعمان يارمز الدول=لي صيتكم كل العرب سمعوا به واحنا بني مره نجيكم في عجل=بعهود تمت باالدماء مكتوبه ولانشل بندق على زبن العول=والجار نسقيه الكرع وعذوبه والخصم نلقي السم له وسط العسل=ويعبّر الايام في غيبوبه

جاني الكلام الجزل والمعنى جزل=من راس شاعر دائما مصلوبه
في كل مهذر دوب نضربه مثل= والعقل والحكمه نمط اسلوبه
ويطرز ابياته با نواع الثقل=تظهر بصوره رائعه مرغوبه
شاعر وفي ابيات شعره معتقل=ضد الكلام العيف في تركوبه
ولكل مشكل جاد شا عرنا بحل=فك الكياس المبطيه المعصوبه
طير بقيرها وبالحا لي وصل=يعرض على التجار شغل النوبه
وعسى التجر تا خذ بما يعطي قبل=بالمفردات الطيبه المحسوبه
با قول عيدي يوم شهر العقل هل=بين الشماليين واهل اجنوبه

عمر الذيب