|
10-05-2011, 06:59 AM | #1 | ||||||||
عميد شعراء سقيفة الشبامي
|
وانا سعيد كل السعاده بمرور مشرفنا العام على متصفحي
مرور ابوصالح ودعمه لي شي كبير دمت سلمت يابن الاجواد دمت ذخرا ابعث لك شكري وتقديري |
||||||||
07-23-2011, 07:01 PM | #2 | ||||||
شاعر السقيفة
|
تعظيم سلام يابو الجويد
معطر عذب القوافي بكلامك الراقي الذي مثل الدرر فلله درك على طرح راقي وبديع وجزل ولك احترامي وتقديري يالغالي |
||||||
07-23-2011, 07:18 PM | #3 | ||||||
عميد شعراء سقيفة الشبامي
|
( قالوا كل ارض رمها بحجرها وهذا كلام جديد الوقت )
ذا يوم له بسمه زهيه عامدينة حضرموت = لليوم هذا زفوا الفرحه وباقات الزهور لليوم هذا ياعصافير المدينه والخبوت = فردي جناحك زغردي لليوم هذا ياطيور لليوم هذا يوقف الصياد لا يصطاد حوت = لليوم هذا يعلنون الناس في خفض الاجور من باص ولاتكس ولا باخره ولا يخوت = لليوم هذا كل بايع عطر يرخص في العطور في اليوم هذا عطروا كل المرافق والبيوت = واغلى ملابس ياالاهالي لبسوها للزقور
اليوم هذا يوم غالي يوم عيد = قد هلت انواره واشراقه سعيد تضحك له الاطلال والبسمه تزيد = وكاانها تعلم بشي يحدث جديد
فليهجع الطفل الصغير = ويهبط الطير المطير= والموج يهداء في الغزير=
ونسايم الافاق تتكلم معا القلب الاسير =وتقول له انك اسير
المتبقي من هذا القصيده سوف نلحقه خرجنا للظروف
|
||||||
07-23-2011, 07:21 PM | #4 | ||||||||
عميد شعراء سقيفة الشبامي
|
حياك ياالشيخ بارك الله فيك كنا في ذكرك في عدن
يشهد الله بذلك وكان بو عمر بايتصل بك وبانكلمك هاتفيا ولاكن جواله خرب لنا الفخر بك ياشيخ ربنا يجمعنا بك في خير |
||||||||
07-24-2011, 09:30 AM | #5 | ||||||
عميد شعراء سقيفة الشبامي
|
( قصيده لحسن باقديم )
نسالك باالاسم ذي موسى فلق به بحور = ونجي براهيم به من نار حمراء تفور
وشفي به ايوب من كثر المرض والضرور = وغتاث به كل مؤمن في الزمين القفور ياراحم ارحم عبيدك واسقهم ماء طهور = ماء السحب والمناشي ذي سبلها غزور صباب يروي ويسقي كل ضامي صبور = ثم قال من بات يتقلب يدير الفكور واحوال تالي زمن والمحدثات الامور = معاد تدرى بها لاديفت عاالفقور ان جيت تسكت وتنعس االوقاء ماتثور = نقدوك نوح وسيبان الجبل والحسور وان قمت مال الفرح منك ومال السرور = ودخلت دوامة الهم والغثاء والنفور من ذي تشوفه عيونك صعد وانه حدور = وين التراحم ووين العطف ذي له جذور ورث الجدود المدون في الكتب والسطور = داهمه عصر الفضاء وشبابنا والزقور ذي عينهم في الدشوش معاد جاها فتور = تنصلوا من عوايد اهلهم والذبور ومن عرين الاسد كم من غضنفر جسور = ياباسط الريش شل خطي عبر به عبور اجواء اليمن فخرنا وابنه بااسمه فخور = صبح عمر ذي عتومه باالمحاسن سبور لا قال لك علم قل له علم حالي يفور = من اخر الوقت ذي فيه انفلات الامور يحير العقل وحكيمه يريد القبور = وباطن الارض اخير له ولا بغا الظهور بين الحسد والنميمه وانغلاق الصدور = معاد للطيب فيها زرع ولا بذور |
||||||
07-24-2011, 09:48 AM | #6 | |||||||||||||||
مشرف سقيفة المناسبات
|
السلام عليكم ورحمة الله وبركاتة الحنكة الشعرية التي تتمتع بها أخي الشاعر حسن محمد سالم باقديم نالت أستحسان الجميع اتقدم إلى مقامكم الكريم بالشكر الجزيل على المجهود بجمع هذه الدرر من قصائدكم الجميلة في متصفح واحد لكم مني فائق التقدير والاحترام,,, |
|||||||||||||||
10-07-2011, 08:37 AM | #7 | ||||||||
عميد شعراء سقيفة الشبامي
|
جمعه مباركه اخي بن الساده ويسعدني مرورك
اشكرك ولك مني الشكر والتقدير وفائق الاحترام |
||||||||
07-25-2011, 07:50 AM | #8 | |||||||
شخصيات هامه
|
ديوان قيّم سيكون مرجعا ذات يوما للمهتمين بالشعر . صاغته لنا انامل شاعر كبير الا وهو العملاق حسن باقديم فالف شكر لك سيدي الكريم على هذا الجمع الموفق ... تحياتي
|
|||||||
07-25-2011, 09:00 PM | #9 | ||||||
عميد شعراء سقيفة الشبامي
|
هذا الابيات لها قصه وبااختصار كان مار في سوق المكلا حسن باقديم فااستدعاه المنصب العطاس وسلمه قصيده لشاعر ثاني عنوانها ( الحب من نظره ) فحاول الاعتذار باقديم فلم يعطيه المنصب العطاس العذر وحيث ان العطاس له اجلال وتقدير عن باقديم فقال باقديم قلب الورقه يامنصب وكان الجواب من باقديم على العنوان ( الحب من نظره ) لان القصيده لم تنال الاعجاب واليكم الجواب حق باقديم
ياذي تقول الحب من نظره خطاء في ماتقول = قد باالنظر تعشقه وتحبه وهو عيف الدلول
كم من سلب مجراه يلمع يذهل الناظر ذهول = وعند تقلوبه يعيفونه رزينين العقول ان المحبه شعب والرامي على الاودي يجول = بنقول عجزه من كراعه عاالشوابي والسهول والغيث يتدهل على الوديان وبنادم دهول = ذي داهل الوبران ماطير بقشعات الوعول لون النصايح غيث عاحجر الزبينه والحلول = ماحد رعضها خاطري مجروح ودموعي سيول جارت على العاشق حياة البؤس وسقته الكلول = وسنين هذا العصر عاالفرسان جارت والخيول خنه وذر في العود ياحزن المصانع والجزول = حسرات تتكالب علي خيفان نتهيم وزول دنيا عمارة كون كل صاقط وله لاقط يجول = والكون له حكمه من الحكام قسام العقول يافالق الحب والنوى والصبح وغلست الليول = لاتحدني من ورث اهلي ورثهم مافيه تول ياالهاشمي داعيك قد حاز الاجابه والقبول = لنا بكم علقه قديمه والروابط لن تزول ملزم بها مادام عدني شوف ودحق عاالرجول = دخلتني وادي ولا لي فيه رغبه للدخول لاكنني بادخله في مقدار هل بيت الرسول = سمعه وطاعه ذي في الشيبان ورثوه النسول فكوا صراحي شو معي مهجوس متذمر كسول = من ذي علي مهمور ياالعطاس عدني ايش قول نومي كما الحبحب مقطب من غثاها والشغول = وش يلحم الوصله بوصله يااهل دارات العقول |
||||||
07-26-2011, 08:31 PM | #10 | ||||||
عميد شعراء سقيفة الشبامي
|
محاوره شعريه بين كلن من الشاعر الكبير ثابت عوض بن ماضي و حسن محمد باقديم البدع ثابت
خرج ذا فصل عاريح الزبد حنت نوابك = وباتلقي بغيه قل لبقديم وقابلت الخضر باالآه او هو دق بابك = وحطك وسط جنات النعيم حسن باقديم
مواهب داخل السر البهي تعكس حسابك = كما اهل الكهف وصحاب الرقيم على سر العرب يابن عوض وش ذي دهابك = ذكي الفطره ومستدرج حكيم تناوطني على حبي وحبك في جرابك = خطير المزح ماقلبك رحيم بن ماضي
وخايف عاالزون عالبئر عاغفله تشابك = وانا لا زلت في المنهل قسيم وان سافرت ولاغبت باغطي غيابك = وذي تتركه بايبقى سليم باقديم
سمعتك ياالذي تنقح على عودك وطابك = وانا عقلي معي مانا غشيم تقاسمني بلى حجه ورافع لي حرابك = بعيده حجر عالغناء تريم ثابت
انا المحضار في الغناء وانت ايش جابك = وذا المنصوح لك من غير قيم وذا التوضيح وايضا الامر يرجع لا جنابك = بحكمه رد مادامك حكيم وحط سرك بيدي لجل تتهناء شرابك = ونستاهل الى انته كريم باقديم
وياالمحضار هذه تعزيتنا في مصابك = ونرفع لك ببرقيه وسيم غزوا قبتك ياالسيد ورعدوا في سحابك = وشربوا عاالمفور والغميم ثابت
وياالبدوي خزه الشيطان لا تفرت شنابك = وسر عاالدرب خلك مستقيم ولا تكابر ولا تعاند ولا عاندت جابك = عنادك لا جنهم والحطيم تبانا نختشر ننهال بانسرح وشابك = وبانضوي لكم قشعه وديم باقديم
رجع ياسيد القبه تصفح في كتابك = في التفسير والدين القويم ولا تشل ثوب مالك فيه شي تنفي ثيابك = ومالك باالبريثم والبزيم ثابت
انا ناصحت ثم وجهت وتوجب عقابك = عقاب اليوم والفعل القديم ولا تاخرت وتراخيت باتستن نيابك = لان النصح لا امثالك عقيم محاوره اخرى ثابت
على دار الشريره عاد بو قاسم مركب قصبة المدفع= وفيها لا صبح حلانها ماظن بها يمسون = باقديم
عنيد الدار قولوا له رفع مدفعك قبل القطع يتوسع = ونحرسها خزى حاسد وشاني ايش بايلقون = بضني قلة الرحمه جفاف الارض شد والوعل يتلذع = ولايموت المطر والغيث عاالظامي وعاالمزمون = شهد ياعمد عاثابت بغاني بوح سري والعرب تسمع = هداك الله قع انسان طيب لاتقع مفتون= ملقين البدع فيه شغلتوا البال ذا يسحب وذا ينتع = ولا باسامحه ذي جاب صبعه في الصباء والنون = ثابت
سلامة نون عينك ياحسن من القذاء والعود والاصبع = اذا قد لافت اعيونك قطعناها بحد السيف ذي مسنون = ولا كن النظر احيان يرمي للمهالك باك تتوقع = ولا تبخل عليه يارفيقي والفلك مشحون = باقديم
درك يابن مسلم بايخذني خوك ملقي لي نزل واطلع = عدل مابيننا والرطل خله في الكفف موزون = تربعنا بدار العدل وبروق الظفر والنصر تتلمع = على الحساد جري مالبستي واملي الماعون = ثابت
يضيق الواد باالقانص وكل ماقد صعد يحسبه يتوسع= وقدامك عكل بقعه دقف يابوحمد وقرون = يضيع ماجمع كلمن طمع وانت طمع ولعاد تتطمع = يقولون الطمع فضاح عود وخزه الملعون = باقديم
خطاك الغيث ياثابت طهوبه والقزع يدقع = شربنا من فروعه الناتره صافي قرع مشنون = كفاك الله كل ماملت من ثنثين منك جبت لي اربع = طماعتكم عنيه ياصحابي والعصاء مدفون = ثابت
هنا سر الذهب والماس لاكن مابغا سبره ولا مخلع = وعاد اللول ماشفته لذيهوا في الصدف مكنون = وان ماقول تنقصك التجارب لا كن المخلوق يتوقع = ولا يدفعك حبك للذهب وتقولي مضمون = باقديم
لنا باالعروه الوثقى مقابض نايفه كلن لها يخضع = رمقها لا وصل مخلوق جا نحنا كما المجنون= ثابت
انا من قبل تدخل سوق مونبي كنت تاجر وسطها اصقع =
ولاكن بعد ماانكسرت تجارتها لقفنا بون = وداخل بون شفت الميج والميراج شي يهبط وشي يقلع = وفيه اشياء كثيره شفتها مامثلها في الكون= |
||||||
التعديل الأخير تم بواسطة حسن محمد سالم باقديم ; 07-26-2011 الساعة 08:41 PM |
|||||||
مواقع النشر (المفضلة) |
|
|
|