ركن البدع والجواب

[الجوهي*]

السلام عليكم , إخوتي شعراء ومرتادي السقيفة , هذا موضوع أردت من خلاله العمل على توثيق قصائد البدع والجواب سواءً المنقول منها والذي بين شعراء السقيفة فآمل من الجميع ألّايبخلوا علينا بمالديهم , شاكرا للجميع تفاعلهم ومشاركاتهم المرتقبة.
وهذه أول مشاركة مني في هذا الموضوع:
هذا بدع وجواب أومساجلة على الأصح , بيني وبين الشاعر/ محسن بن صالح بالماح المشجري حيث دخل الأخ محسن بسم مستعار ولم أكن أعلم حينها أنه الأخ محسن.

=الــــــجــــــوهـــــــي
يارفيقي دحق*من مادحـق صـار مدحـق=بالقـدم يندحق*والنـاس تولـف دحيقـه
جبت حقـي وحق*لاجنـب حقـي تحقـق=بالقنا والدرق*كـل خصـم نشفـت ريقـه
ماعرفت القلق*من كان به ضعـف يقلـق=وأنت منّـي تلق*يالـي بغيـت الحقيقـة
ماتعسّروشق*عالنفـس تابعـه وألـحـق=من تصبرسمق*وارسـى قواعـد عريقـة
=الــــمــــشـــــجـــــري
عذ برب الفلق*وارجع الـى ربـك الحـق=ذي خلق من علق*واشكره في كـل دقيقـة
هـو وحـده خلـق*آدم وحـواء وخلّـق=ثم ذرا ما خلق* وارسـل نبـي للخليقـة
وصفكم فيه حـق* بيـن القبايـل تفـرّق=عند كـل الفـرق* كليـن يمـدح فريقـه
من زمخ لاعتق* غرب صديقـي وشـرّق=جاب حقه وحـق* شلـه بـلازا الحقيقـة
=تـعــقــيــب الـمــشــجــري
شفت بارق برق* وارعـد وبعـده تفـرّق=مثل نور الشفق* خلف الجبـال الشهيقـة
حاسب انه دفق* بالودق والسيـل طـرّق=لكن السيل دق* في الحيد واهتـف دقيقـة
عاد سـده عـرق* وجبـال مـا بتطـرّق=قل لمن هوسمق* يرجـع يـدور طريقـه
=الــــــجــــــوهـــــــي
بالقـي لـي مـرق *ببحورهـم باتمـرّق=والمحيـط الـزرق* ماشوفـه إلا مريقـة
كل شامخ برق *مـن بعـد ماكـان أبـرق=بيتحوّل ورق* من نفـث هجسـي بريقـه
من يهاب الغرق *يبعـد ومـن راد يغـرق=بايذوق الغـرق *ولحـاق بأمـة غريقـة
لاتمر في نفق* ياصاحبـي خـاف تنفـق=والمحب لا نفـق *يوجـع محبـه نفيقـه
=الــــمــــشـــــجـــــري
من غلق لا غلـق* وش بايفـك المغلّـق=يارفيقي تبق* شـف ذه مهـاري غليقـة
لا تقع لي بشق* في ثـوب بالـي مشقـق=فيه ستين شق* كل شق كبر مـن شقيقـه
ما قريت العلـق* والقارعـه قبـل تعلـق=إن كل من صدق* فالصدق فيـه الوثيقـة
والذي ما صـدق* بيكـون دايـم محـرّق=عيشته في حرق* والموت بعـده حريقـة
=الــــــجــــــوهـــــــي
طحت في المنزلق* ماليـوم تـوّك تزلّـق=ياتقي من زلـق *فـي المنزلـق بانذيقـة
من صديد العرق *بجعلـه يمغـط ويلغـق=يجتـرع مالغق*والنـاس تسمـع لغيقـه
بايظل في الوهق *من في شراكـي توهّـق=وانت جيت الوهق *ودخلت في عمق ضيقه
مثل ناغـق نغق*لمـا شبـع قـام ينغـق=جاه سبع الحطق*وقضمه واسكـت نغيقـه
=الــــمــــشـــــجـــــري
لـو تحـط الحلـق* عالـدار والا تحلّـق=في السما بالحق* باجيـب دقنـك حليقـة
الجمل لا انطلـق* والقيـد حقـه تطلّـق=بايشـف العـرق* ذي كانـت اول تعيقـه
هاجسي لا نطق* بايجيب لي خير منطـق=من تعدى النطق* بجعلـه يشـرق بريقـه
من تمدح سحق* تحت السنابـك تسحّـق=يسحقونه سحق* والناس تنظـر سحيقـه
=الــــــجــــــوهـــــــي
لي تحمّل طبق*من فـوق رأسـه تطبّـق=جابها في الطبـق *مـن شـل مالايطيقـه
انطهى واحترق* في نار حمـراء تحـرّق=من بغى ينحرق *يدخل يشـوف الحريقـة
قلت لـه مـن دهق*ياصاحبـي أوتدهـق=بايجـي فـي رهـق *مابيتحمّـل رهيقـه
بايبيّت ينـق *فـي قعـر موحـل ينقّـق=مثـل ضفـدع ينق*كليـن يسمـع نقيقـه
=الــــمــــشـــــجـــــري
هاجسـي مانبلـق* مايعـود للـي تبلّـق=شي معك ما انبلق* لاباس بالقـي عقيقـة
خل عنك الحنـق* يالجيـد لاعـاد تحنـق=لا دخلك الحنق* بايجـي براسـك شقيقـه
قول منـي سبـق* جبتـه تبـا بالتسبّـق=خيلكم في السبق* خلف الخيـول السبيقـة
شفـوا هـذا رفـق* وانـا بكـم باترفّـق=باسكنك الحدق *في قصر له كـم حديقـة
=الــــــجــــــوهـــــــي
مانربـي سرق*نابوحـسـن لا تـسـرّق=عادتـي ماسـرق*ولا تقـبّـل سريـقـة
منطقي متسق *زي عقـد لؤلـؤ منسّـق=منتظم عانسـق *واحـد توالـى نسيقـه
والمعالي عشق *والنـاس كليـن يعشـق=بايون مـن عشق*لمـا يلاقـي عشيقـه
بالحصى يرتشق*في شان خلـه ويرشـق=بالمشوّك رشق*من شاف طيـف الرشيقـة
=الــــمــــشـــــجـــــري
مايهم من زعق* بالصوت خلـوه يزعـق=ما صدق من زعق* في الناس واكثر زعيقه
ذي يحل بالسلـق* جانـا بغـى بيتسلّـق=جاب فرشه سلق* وقـال انـا عالسليقـة
ليل جانا الغسق* وعيون بالدمـع تغسـق=مثل وبل الغسق* ذي حط بليلـه غسيقـة
بو حسن ما زهق* من هرج اصبح يزهـق=والملـل والزهـق* ينثـر علينـا رحيقـه
=الــــــجــــــوهـــــــي
بوحسن ماانخنق* عادات له دوب يخنـق=من تعب واختنق*يطلـب يخفـف خنيقـه
ضغط عالي صعق*بالقول والفعل يصعـق=من قربـه انصعـق* لوماتعمـد صعيقـه
مانطق غير حق*ماشرب زجاجـة معتّـق=وانتشى واختلق* منطـق يجافـي حقيقـة
والــذي مااتفق*معـنـا ولابـايـوافـق=منطـقـي مانطق*مابانـلاقـي طريـقـة
تجمع المفترق*لـي مـن جـذوره مفـرّق=فرق بيـن النبق*وألمـاس يلمـع بريقـه

[سهيل اليماني]

ماشاء الله هذه ليست قصيده فحسب بل عقد من احجار كريمه منظومه في سلك من التبر الغالي عيار 99.99 قيراط فياليت يبقى ركن البدع والجواب ويتثبت للحفاظ على القصائد الجديده والقديمه لان بعضها كنز ثمين وتعتبر من كنوز ودفائن الشعر الحضرمي اكرر الشكر الجزيل للاخ الجوهي

[الجوهي*]

اقتباس : المشاركة الأصلية كتبت بواسطة سهيل اليماني [ مشاهدة المشاركة ]

ماشاء الله هذه ليست قصيده فحسب بل عقد من احجار كريمه منظومه في سلك من التبر الغالي عيار 99.99 قيراط فياليت يبقى ركن البدع والجواب ويتثبت للحفاظ على القصائد الجديده والقديمه لان بعضها كنز ثمين وتعتبر من كنوز ودفائن الشعر الحضرمي اكرر الشكر الجزيل للاخ الجوهي

أشكرك أخي سهيل اليماني على مرورك وتعليقك الذي أثلج صدري وأنار هذه الصفحة , بارك الله فيك ولاعدمنا أمثالك.

[الجوهي*]

وهذه محاورة دارت بين كلٍّ من الشاعر / سالم البدوي بلحمر والشاعر أحمد عمر قرزيز والشاعر أمين المشرقي وفيها من الإبداع والصياغة ماليس بخافٍ على متذوقي الشعر:

=سالم البدوي:
ياصاحب الهاتف إذا الارسال تم=عدل كلامك واتكل عالباري
وإن ماعدلت الهرج ووزنت الكلم=بتجيبها صاقر ولانته داري
=أحمد قرزيز:
بعض الكلم في الثقل فوق الوزن جم=وتصم رأس المستمع والقاري
وحروفها واجب يدونها القلم=بخيوط صنعة صالح العماري
=أمين المشرقي:
ياصاحب الإرسال لوفاد الندم=مايحزن البائع ويسلا الشاري
ماذا يقول المرء لو حس الألم=ياأيها الأخلاق لاتنهاري
باابقى على عرش المبادئ والقيم=لن ينتقص وزني ولامقداري
باقولهالايرحم الله من ظلم=ومن تقلد ثوب غيره عاري

صالح العماري /صائغ ذهب بحوفة -دوعن.

[صبي العول]

استمر يالجوهي في توثيق البدع والجواب شاكرين جهودك

[الجوهي*]

=الجوهي =
حيران لا صاحي ولانا نيم = من شوق في قلبي ولوعة
لربوع مايرعى بها إلّاالريم = وجبالها جنه وروعة
فيها الفواكه والعنب والليم = من حمل قد دنت فروعه
ومروجها تبهر بلا تقليم = وعيونها تجري بطوعة
وطيورها تسمع لها ترنيم = والورد ينفحها بضوعه
والظهر فلعادة سماها غيم = وسحابها تهمي دموعه
فيها الوفاء والعلم والتعليم = يرضيك في كمه ونوعه
فيها نشاما ينكرون الضيم = كلين قد تمت شروعه
يمشون عامبدأ وعا تنظيم = هانين وانفسهم قنوعة
لاعندهم فوضى ولا تعتيم = والحقد مافي والقطوعة
بالشكرعاشوا في رخاء ونعيم = والشكر ماتيبس زروعه
=السبع =
يامــرحبا بك مايـسبّل ديــم = واسقى الوطن واخضر ربوعه
واعداد من يجلس ومنهو قيم = خاشع لربه في خشوعه
اهتز وجداني لذا التجسيم = طراز تجسيمه بروعة
زلزل فوادي حطمه تحتطيم = حتى انطفت اضوا شموعه
اول سطوره ابدع التصميم = مثل القمر ليله طلوعه
هاجت بي الذكرى بلا تقييم = واحتار دمي في فروعه
كل شي كسره قابل التلحيم = والقلب من يبري قطوعه
ياديرتي لك شوق جيم وميم = والقلب لك يامل رجوعه
اهلك صـلاب الروس والترغيـم = للقاسي العاصي ونوعه
اذا ركع واحــد ركع تعظيـــم = تجليل للمولى ركوعه
دوب التواضع شرعهم ويديـــــم = اقوام بالنخوة طموعه
فــقــيرهــم مــاضــيع الــــتكريم = يكرم ولو يمسي بجوعه
=الجوهي=
احســنت ياشــاعر ذكــي وفـهيـم = صبت الهدف وبلغت شوعه
حـــاذق بــعــلــم النــحو والترقيم = والفقه ماهر في بيوعه
منـطــقــك لــه مــعــنى ولـه تقسيم = مثل العسل ذي في شموعه
مايـشــتـرى بالــفــلـس والـمـــليم = وغلاوته من طيب نوعه
تــســتاهــل الاجــلا ل والتــكريم = يا الماس منته عود خوعة
=السبع=
كـــلام متسلسل كمـــا التــقـــويــم = تقلب وللاعلى طلوعه
مبنى مســــلح مايــبــا تــرمــيـــم = ضد العواصف في دروعه
غــــرس الاصــــالة طيب التعقيم = تشرب كرع صافي جذوعه
سلام من شــــــاعــر لــكم تعــميم = من ما احتنت فوقه ضلوعه
موشــوم بالعــــطرالشــذي توشيم = ريحانته تسبق وقوعه
كلــما انــبــلج نوره جلا التـعتـــيم = وينور الدنيا سطوعه
=الجوهي =
لك بيـــنــنا مـــوقع وســاس اقديم = راسخ وشامخ في رفوعه
ماهو مطرّف في الــــفؤاد امـــقيم = ثابت ولاشي بايزوعه
وش بايزوعه ذي سكن بصميم = القلب وتملّك ربوعه
ورضيت بك صــاحب وفي ونديم = ماشي في الدنيا يروعه
يلقي خصومه كلهم في صــــــــيم = والجيش يتقدم جموعه
لك بانبــصــم كــلنا تبــــصــــــــــيم = يافجر نترقّب طلوعه
=السبع=
باقول كلمة مابــــهــــا توهـــيـــــم = لك قدر شفت الكون سوعه
عـــمــــري فـــداكــم رهن لتسليم = والروح لقداكم هلوعه
حتى الجــســـد باقـــدمـــه تــقـديـم = في الساعه الظلماء الجزوعة
يـــامـــن لــكـــم عادات بالتلطـــيم = لطم الغريم وكسر كوعه
مــبعد مشــيتو في طــرق تــلــويم = ولا على درب الميوعة
صفوة عــــيال ادم فــي التــقــيــيم = ياقوم بالعليا طموعة

--------------------------------------------------------------------------------

[الجوهي*]

اقتباس : المشاركة الأصلية كتبت بواسطة صبي العول [ مشاهدة المشاركة ]

استمر يالجوهي في توثيق البدع والجواب شاكرين جهودك

أشكرك أخي الفاضل/صبي العول أنرت الصفحة بمرورك وتعليقك بارك الله فيك .

[الجوهي*]

هذا بدع وجواب :

=عوض علي الجوهي:
ماباتعذّر ياعريقين النسب= يااهل الأصالة ياسليلين النجاب
يابالعبيد الفخر ياساس الحسب=يااهل المرؤة ياعزيزين الجناب
يااهل الصدارة والشجاعة والسلب=يااهل الجسارة عالشديدات الصعاب
يااهل البداهة والنزاهة والأدب=والباع الأطول في الفصاحة والخطاب
ياالقبولة ذي كيرها مشبوب شب=ياسنح جنبي والدفى يوم الطلاب
ياباذلين الجود في اليوم الشهب=للخصم ياتاريخ مافيه ارتياب
ماباتعذّر باتحمّل ماوجب=بدلي بدلوي يارفاقي والصحاب
ببدع وباسطّر حروفي بالذهب=من باب واحد بافتح تسعين باب
بزمل على رهوان باشد القتب=ذي قده حاذق بالملاوي والعقاب
باسير معكم من رجب لما رجب=لولا المشاغل ذي اجبرتني عالغياب.
=الشاعر/جلوي السبع باعنس:
بكتب بقول الحق وبما الذهب=وبمنتها قول الصراحه في الخطاب
سيبان يهل الطيب ياكير اللهب=يهل الوفا والجود عالين النساب
يابحر زاجي موج ماعمره نضب=ياحاميين الدار وديان وهضاب
يشهد لكم حاضر وما عدا وهب=ويشهدون الكل شيبان وشباب
نيرانكم للخصم دايم تلتهب=احرار ما تجثون لصناف الصعاب
القبوله ماهي لمن هبا ودب=لامثالكم ياانمار ياالروس الصلاب
=الشاعر الشيخ/حيدرة بن قطمان:
ويقول بن قطمان لاهب المهب=برسل رساله عاجله فيها خطاب
ايلاف حيا بك عدد رش السحب=واعداد ماقد حط ماطر عالشعاب
من عزني عزه وقدم ماوجب=والذئب حيا به وياحيا الذئاب
سيبان ساس القبوله وقت الطلب=رجال قطّاعه وتاتي عالطلاب
والمخيره والجود هم ساس العرب=واجدادهم هم ذي يشلون الحراب
حاسب لهم حسبه وغيري قد حسب=والعز والمقدار ماله شي حساب
والله جمعنا بالقوافي والادب=والكلمه الزينه ولبعد جيد خاب
ومن ذرا له ذري طيب قد صرب=اكيد بايرتاح في يوم الصراب

[عاشق رماله]

استمر ايه الشاعر الرائع فنحن لك نتابع
فقد نلت منا الاعجاب في بدعك والجواب

[ملك اليمن]

اقتباس : المشاركة الأصلية كتبت بواسطة الجوهي* [ مشاهدة المشاركة ]

السلام عليكم , إخوتي شعراء ومرتادي السقيفة , هذا موضوع أردت من خلاله العمل على توثيق قصائد البدع والجواب سواءً المنقول منها والذي بين شعراء السقيفة فآمل من الجميع ألّايبخلوا علينا بمالديهم , شاكرا للجميع تفاعلهم ومشاركاتهم المرتقبة. وهذه أول مشاركة مني في هذا الموضوع: هذا بدع وجواب أومساجلة على الأصح , بيني وبين الشاعر/ محسن بن صالح بالماح المشجري حيث دخل الأخ محسن بسم مستعار ولم أكن أعلم حينها أنه الأخ محسن. =الــــــجــــــوهـــــــي يارفيقي دحق*من مادحـق صـار مدحـق=بالقـدم يندحق*والنـاس تولـف دحيقـه جبت حقـي وحق*لاجنـب حقـي تحقـق=بالقنا والدرق*كـل خصـم نشفـت ريقـه ماعرفت القلق*من كان به ضعـف يقلـق=وأنت منّـي تلق*يالـي بغيـت الحقيقـة ماتعسّروشق*عالنفـس تابعـه وألـحـق=من تصبرسمق*وارسـى قواعـد عريقـة =الــــمــــشـــــجـــــري عذ برب الفلق*وارجع الـى ربـك الحـق=ذي خلق من علق*واشكره في كـل دقيقـة هـو وحـده خلـق*آدم وحـواء وخلّـق=ثم ذرا ما خلق* وارسـل نبـي للخليقـة وصفكم فيه حـق* بيـن القبايـل تفـرّق=عند كـل الفـرق* كليـن يمـدح فريقـه من زمخ لاعتق* غرب صديقـي وشـرّق=جاب حقه وحـق* شلـه بـلازا الحقيقـة =تـعــقــيــب الـمــشــجــري شفت بارق برق* وارعـد وبعـده تفـرّق=مثل نور الشفق* خلف الجبـال الشهيقـة حاسب انه دفق* بالودق والسيـل طـرّق=لكن السيل دق* في الحيد واهتـف دقيقـة عاد سـده عـرق* وجبـال مـا بتطـرّق=قل لمن هوسمق* يرجـع يـدور طريقـه =الــــــجــــــوهـــــــي بالقـي لـي مـرق *ببحورهـم باتمـرّق=والمحيـط الـزرق* ماشوفـه إلا مريقـة كل شامخ برق *مـن بعـد ماكـان أبـرق=بيتحوّل ورق* من نفـث هجسـي بريقـه من يهاب الغرق *يبعـد ومـن راد يغـرق=بايذوق الغـرق *ولحـاق بأمـة غريقـة لاتمر في نفق* ياصاحبـي خـاف تنفـق=والمحب لا نفـق *يوجـع محبـه نفيقـه =الــــمــــشـــــجـــــري من غلق لا غلـق* وش بايفـك المغلّـق=يارفيقي تبق* شـف ذه مهـاري غليقـة لا تقع لي بشق* في ثـوب بالـي مشقـق=فيه ستين شق* كل شق كبر مـن شقيقـه ما قريت العلـق* والقارعـه قبـل تعلـق=إن كل من صدق* فالصدق فيـه الوثيقـة والذي ما صـدق* بيكـون دايـم محـرّق=عيشته في حرق* والموت بعـده حريقـة =الــــــجــــــوهـــــــي طحت في المنزلق* ماليـوم تـوّك تزلّـق=ياتقي من زلـق *فـي المنزلـق بانذيقـة من صديد العرق *بجعلـه يمغـط ويلغـق=يجتـرع مالغق*والنـاس تسمـع لغيقـه بايظل في الوهق *من في شراكـي توهّـق=وانت جيت الوهق *ودخلت في عمق ضيقه مثل ناغـق نغق*لمـا شبـع قـام ينغـق=جاه سبع الحطق*وقضمه واسكـت نغيقـه =الــــمــــشـــــجـــــري لـو تحـط الحلـق* عالـدار والا تحلّـق=في السما بالحق* باجيـب دقنـك حليقـة الجمل لا انطلـق* والقيـد حقـه تطلّـق=بايشـف العـرق* ذي كانـت اول تعيقـه هاجسي لا نطق* بايجيب لي خير منطـق=من تعدى النطق* بجعلـه يشـرق بريقـه من تمدح سحق* تحت السنابـك تسحّـق=يسحقونه سحق* والناس تنظـر سحيقـه =الــــــجــــــوهـــــــي لي تحمّل طبق*من فـوق رأسـه تطبّـق=جابها في الطبـق *مـن شـل مالايطيقـه انطهى واحترق* في نار حمـراء تحـرّق=من بغى ينحرق *يدخل يشـوف الحريقـة قلت لـه مـن دهق*ياصاحبـي أوتدهـق=بايجـي فـي رهـق *مابيتحمّـل رهيقـه بايبيّت ينـق *فـي قعـر موحـل ينقّـق=مثـل ضفـدع ينق*كليـن يسمـع نقيقـه =الــــمــــشـــــجـــــري هاجسـي مانبلـق* مايعـود للـي تبلّـق=شي معك ما انبلق* لاباس بالقـي عقيقـة خل عنك الحنـق* يالجيـد لاعـاد تحنـق=لا دخلك الحنق* بايجـي براسـك شقيقـه قول منـي سبـق* جبتـه تبـا بالتسبّـق=خيلكم في السبق* خلف الخيـول السبيقـة شفـوا هـذا رفـق* وانـا بكـم باترفّـق=باسكنك الحدق *في قصر له كـم حديقـة =الــــــجــــــوهـــــــي مانربـي سرق*نابوحـسـن لا تـسـرّق=عادتـي ماسـرق*ولا تقـبّـل سريـقـة منطقي متسق *زي عقـد لؤلـؤ منسّـق=منتظم عانسـق *واحـد توالـى نسيقـه والمعالي عشق *والنـاس كليـن يعشـق=بايون مـن عشق*لمـا يلاقـي عشيقـه بالحصى يرتشق*في شان خلـه ويرشـق=بالمشوّك رشق*من شاف طيـف الرشيقـة =الــــمــــشـــــجـــــري مايهم من زعق* بالصوت خلـوه يزعـق=ما صدق من زعق* في الناس واكثر زعيقه ذي يحل بالسلـق* جانـا بغـى بيتسلّـق=جاب فرشه سلق* وقـال انـا عالسليقـة ليل جانا الغسق* وعيون بالدمـع تغسـق=مثل وبل الغسق* ذي حط بليلـه غسيقـة بو حسن ما زهق* من هرج اصبح يزهـق=والملـل والزهـق* ينثـر علينـا رحيقـه =الــــــجــــــوهـــــــي بوحسن ماانخنق* عادات له دوب يخنـق=من تعب واختنق*يطلـب يخفـف خنيقـه ضغط عالي صعق*بالقول والفعل يصعـق=من قربـه انصعـق* لوماتعمـد صعيقـه مانطق غير حق*ماشرب زجاجـة معتّـق=وانتشى واختلق* منطـق يجافـي حقيقـة والــذي مااتفق*معـنـا ولابـايـوافـق=منطـقـي مانطق*مابانـلاقـي طريـقـة تجمع المفترق*لـي مـن جـذوره مفـرّق=فرق بيـن النبق*وألمـاس يلمـع بريقـه

ما شاء الله تبارك الله هذا فيض من غيض بحورك أخي الجوهي 0

متابعين ومستانسين بما دونت 0

تقبل خالص تقديري يالغالي 0