بوربيع في زواج آل بامطرف في مدودة

 

مبدأ بوربيع

لا شمس تشرق ولا ظل كفوء بانشبع ظلال
الله يعين أمة محمد لا تصادمن الجبال
اذياب كل واحد كما البرميل ردتهن بحال
لو ما أمريكا في الوسط وش بايسوي باغزال
يا ويلكم لا عاد هتلر يامقاطيب الحبال
والقو عرس يا طم عرس شربو كرع صافي زلال
والضبع سوا له عزومه للذيابه والفيال
ولعاد أبو واحد في الأسرة تمثل به مثال
والخال قام ابدور لاكنه طلع يا خس خال
والقو لهم حفله وهانوهم نهار الاحتفال
قربتهم قايستهم عقال وأنثرهم شبال
وآله وصحبه لي في القرآن يفتون السؤال
كلام قوله صدق ما هو مسرحيه أو مثال
عند ال بامطرف مصانع للدحاميل الرجال
قالو مبدَّل صالح ربيع كلامه حق بدال
لا قلت لواحد زادت الأسعار لقالي جدال
رجال عبرو محترم ما هو من أخباث العمال
أنت الجديد اما الديار الباقيات الا دوال
والعقل بالتفكير ما هو بالطويله والعقال
لطلعت ريمه باتشوف اتريم هيا باعلال
كذها مقاله ما يهزون الثقيل الا الثقال
ما حد يشط في خوه كل واحد بيدَّه راس مال
ما بعظهم لا قال كلمه قال ذلا ذاك قال
سيبتهم يسنون والمعجل يحكحك في العيال
باشرح لكم بأوصافهم لكن نشوف الليل طال
الدين والطاعه وحسن الخلق فيهم والجمال
رجال في العدة عليهم رحمة الله والجلال
واللي بجنبه له سنه يرغى صرب ولعاد كال
خل الفواكه لأهلها ما هو لمن جاء قال قال
أنا في ذراعن كاره وأنت متعمم بشال
وأنا نبيت ننتفض في الدار من برد الشمال
وفوق ذا عادك ملقى للسلى خاطر وبال
راح البريطاني وعوَّد بايجدد لحتلال

 

ب س بسم الله خالق شمسها وظلها
يا خالق السبع السماوات العلا وجبالها
دنيا قليله خير تتقلب علينا أحوالها
غزال بالمكشوف هايـيـتي سرى واغزالها
غزال ذيل الشرج لي قطب عصوب احبالها
حلفو على بياسين واذا زلزلت زلزالها
وبعد ذا كله انقلبو عالاسود وأفيالها
وأم السقل جاها الشلل من شافها يرثا لها
لا في لبو بركه ولا في العم ولا في خالها
استغفر الله العظيم الدق وقع في اطفالها
يالله بحسن الخاتمة لعبو علينا أشبالها
صلو علا أحمد عد ما سأل ساءل بسؤالها
سلام مني عابلد ماشي بلاد أمثالها
نعرف مدودة من زمن عز الرجال ارجالها
كم قلت لهم ذهنو بها من قبل شي يبدالها
لو كان ما في الواسطه بوسعيد يتحدالها
ايضا وبن محفوظ لا دارت يدير أعمالها
سلام لك يا دار شامخ عالجدد ودوالها
يا دار كلك نور فيك أتجمعو عقالها
دار الكرم والجود والعز والشرف يسعا لها
وسلام لأهل الموجبه لي يحملون أثقالها
وسلام للعم هود وأخوانه رؤوس أموالها
وأحمد مبارك من خلق لا قال كله قالها
يا بوسيعد ألشانكم سبت المرة وأعيالها
وعلى المعاريس الثلاثه مجدها وأبطالها
صلاح وحسن هو وسالم حملو جمالها
وسلام عا عدة سلا كلا من أرضه جالها
يهنا لبو محفوظ ذي ثاني كياله كالها
شاف الغلا يزداد قفلها وشل أقفالها
قل دان يايسلم مدودة عممتك ابشالها
كننّك بامطرف وسوا لك غطا لشمالها
صوتك يهز الأرض يا قهمان هي واجبالها
قم يالفتى بوزيد واشرح للجماعه حالها