بوربيع في شبواني في مدوده

 

مبدأ بوربيع …

ما يدخل الجنة سو لا صاحب القلب السليم
في الصيف والافي الشتاء يبقى اللئيم الا لئيم
تطرحه في الجنه وهو يطرحك في نار الجحيم
صماً وبكماً ما تحصل آدمي فيهم حليم
مابا العنب كزمتي بكسرها وبكزمها كزيم
لي قلدو السده قمعهم يا سميعاً يا عليم
خلو لسد في وادي الأوهام في الظلمه يهيم
وفوق ذا غارو على الصدقه وعامال اليتيم
لا في الحلا بركه ولا طير اليدامه فيه ديم
مهما طغى فرعون من مكروه في موسى الكليم
وانشاء الله يعود مولا البر في برَّه يديم
صيحت في صيحت قالو صالح ربيع غشيم
من به حرارة منكم يشرب شوى سكر وليم

 

ب س بسم الله خالق كفرها وأسلامها
دنياء لئيمه في لياليها وفي أيامها
مهما عملته فيه بايزقلك في حمامها
دنياء قليله خير تلعب بالحليم أحلامها
توبه من الأقزام لعبو بالطوال أقزامها
والشرج والبندر بغط احبارها واعلافها
كل الهوانش والحبوش السود تبعو هامها
خانو أمانتهم ولعبو بأمهم وأيتامها
والصقر علاَّ ما باقيات الا الحلى وأيدامها
عاد الهوى معكوس والدينا كثير كلامها
عاد المدومه في الوصر لاذا ولا ذا دامها
يالله بحسن الخاتمه لعبو علينا اغشامها
صلو على أحمد عد ما كاتب كتب بااقلامها