بوربيع في شبواني  سيوانا في المحجر

 

مبدأ بوربيع

كل حوت يؤكل حوت يا حافظ من أمواج البحار
من هود لما العاصمه صنعاء وهي تقبس شرار
الليل ظلمه والوحوش تهوش في ظهر النهار
لوبن دحي حي كان ما واحد من السرقان غار
ذا موجز النشره وبعطيكم تفاصيل الخبار
لو كان منتو كان معرفنا طريق الانتصار
راعو حقوق المحترم شو عاد ذي جنه ونار
ريته سلم والبرمكي هو لي سقط ولعاد ثار
دنيا تلف وتدور والا ما الحمار الا حمار
ما جابها بالعنف ذلا كلها شغله غدار
جالولها دغشه همي لعبو بها لعبة  قمار
طعنو مطيتنا وزقلو بالحقيبه والشوار
مالي درى بالسر في لحظه طوى فرشه وسار
هاتو لنا عمَّار يعمر يا طويلين العمار
ما باقي الا قات واجد والجنابي والشفار
بشكي لمن والشر من المأمور هو يالمستشار
الالف والالفين ما بتجيب لك علبه بزار
والضغط لا قد زاد عاحَّدة يسبب لنفجار
أوصى النبي بالجار حتى لو وقع يا خس جار
لو هي معه كان ولاها القوافل والقطار
أثمه كما أثم الفيل كله يشربه بارد وحار
بغيت والا ما بغيته غصب نتجرعه قار
غابو من اليمن السعيد اللي يزرون الوتار
لونا معي ناضور باسلم عليهم دار دار
سلامهم مخصوص لا مرة ولا أربع مرار
حتى بدون اسحاب بااذن الله تصل نحنا المطار
صالح ربيع ما يعيش الا مع الناس الكبار
الله فسح نحنا جميعاً بالفرح والازدهار
الحارثي لا قام بايسقيك من حالي وقار
ياريتهم يرضون في كل يوم بلقيهم مزار

 

ب س بسم الله خالق برَّها وبحارها
كثرت دواوين الفتن وأحقادها وأشرارها
نسري ولا ندري أنا في ليل أو في نهارها
غارة ورى غاره ومن حصل غنيمه غارها
صلو على أحمد لي نزل بعلامها واخبارها
مسَّاكم الله بالرضا ياامجادها وانصارها
وانتو طفيتوها وانتو لي شعلتو نارها
قومو بواجبكم معه واتحفوضو عا أثارها
باذيب كله الذيب والفارس رمحه احمارها
بالكيد والحيلة نهب بنت العرب غدارها
كانت سمانا صافيه بنجومها وأقمارها
لو بالرضا ما بانسلم للبغوش أشوارها
والدق وقع فينا وفي لي ما دور بااسرارها
البير يا طم بير كنه صاعها عمارها
قول آه سبر باه كل واحد بسن في شفارها
حتى آل بقطيان كل واحد نشر منشارها
لسعار تلهب نار حتى ثومها وأبزارها
لو شي رقابه صارمه باتنتبه تجارها
ريت امنا بلقيس في الازمات تبعد جارها
الجار لي بيده زمام القافله وأقطارها
جابو لها طباخ متوحش شرب محارها
له عوق ما كن لي خلطها حلوها في قارها
يالله بحسن الخاتمه ما حد يزرعو تارها
سلام مني عابلاد أحسن ديار ديارها
وسلام لهل أسعيد هم اسادها ونمارها
أنتم سمانا وأرضنا وسحابها وأمطارها
يا بوحسين العفو منكم يا كبار اكبارها
غن يا ولد هادي شجارك دندنت بزهارها
جيته على وعدك وشفته حلوها من قارها
قم قل لبو اكرم حسن سلَّم على زوارها