با فصل لاجل تتورخ هنا الالف صفحه= ورخو واكتبو يا مشرفين السقيفه
وادعو الله للامه بعزه ونفحه=بالتقدم وبالعلياء لامه شريفه
واشبعو القوت قال الذيب من خير ملحه=لا تجيبون شي نيه وربغه وعيفه
من يجيبه يقول الذيب بيحل ذبحه=لو يقع بوش واوباما المغفل حليفه

بن حمد عاد شي نظره قدينا وكلحه=الخشيني سبق نحن وشل المظيفه
مابقى غير طير العول يقفز بجنحه=حلقن به النسور الجارحه والمخيفه

لنت شاجع دخل يالذيب غزه ورفحه = ترك الصرمعه وانت بوادي حنيفه
كان تميت عاذلدل بتجيك نقحه = بيفصولنك وباتتعتب تتدور وظيفه

يالعمودي عمر داوى صوابه وجرحه=عامد الدان في المجلس فرش له قطيفه
جنبه الورد ومن حوله بساتين شرحه=نسمع الصوت والمدروف نسمع دريفه

ليه تحسد عمر ياسبع وتريد كبحه=ما معه غير قرافه وكربه وليفه
تحسده عا غواء ما ظن شي فيه فلحه=وبيني وبينه اذلاق الحيود النويفه
وان طلع حسب خبرك كيف سوي بذبحه=ما بغيته نته والشيخ سووه ضيفه