|
|
مرحبا بالكلام الزين منضوم نصه=قول فسر لنا في الف قصه وسيره والجماعه لبا كلن يشل مايخصه=فالدفونه وكل واحديطلع شبيره |
اقتباس:
ويش يا الذيب زقره هي قفيه وبحصه=من تنهّـس تناظر له بنظره خطيره وإن تكلم تجي له تو تعطيه نهصه=ما يذوق الوسن ... في الليل يهمر مصيره نا خُـطـُــب ودها وإنته ومريم وحفصه=والعرب كلهم من خلفها كالقطيره هت جوابك مغطـى والعجم دوب مصه=ربنا با الكرم بيجيبها عا ستيره محمد بن سعيــد بن مخــاشــن آنست وأرحبت يا بو طارق. وأرجو أن تدخل على قصيدتي الجديدة بعنوان ( جن من برهوت ) وتجاوب عليها. ولك تحياتي وتقديري التام . |
بكتب الدرس بعد الدرس حصه بحصة=والتلاميذ كل واحد يطلع شبيرة والحصص تختلف باالنص كلن ونصة=والصغيرة علي باشلها والكبيرة قصتي فالهوى والله ياطم قصة=ضاع فكري وتفكيري وبعض البصيرة والسبب صاحبي ذي فص عالقلب فصه=سبب اجروح يالاصحاب منه خطيرة كنت ماهم شي ورص فالحيد رصه=والجمل لااحتجى فاليل تسمع هديره نزلوني وانا الي كنت فوق المنصه=سفروني من ابلادي ويدي قصيرة راتبي كان مش محسوب باليد عصه=وانقلب كل شي وعشت حاله ضريرة من سرق لص بايلقاء ثلاثين لصه=سوق مزحوم فيه اهل العقول الخبيرة |
في سعفكم قال شاعرسيركم بانقصه = بمشي وراكم في الحسور الخطيره مانهم العسر والحيد من سمح أرصه = عندي دواء لاهل الجروح العسيره |
يالذيب وش لي صار معطيني عدن = ما جيتني من بعد و الا من قريب ما خاب ظني فيك عندي حسن ظن = من خلي القير على شانك يطيب خالي ولك تقدير من سابق زمن = بمشي معك لو نارها تلهب لهيب اليوم بتخبرك عاشي رعد حن = والا عواصف ريحها يسحب سحب حد في الزمن يضحك وحد قربع بشن = وحد جروحه مزمنه ما بتطيب وحد حرث طينه وخرس ع الوثن = والبعض ماله قد رهن نصفه صليب وأصحاب وادي العين يشكو من يون = والبدو الي هم فوق عبدالله غريب وانت حذر لا تنام بوطارق دهن = قبل الزواهر ضوئها فوقك يغيب لي كان غالي امس جا من قل ثمن = قد خيبوا ظنك وظنك ما يخيب للبير قد جابوا دليهم والزون = من فوق عين البير ظلو هيب هيب |
صافي عسل يلقي عامجناه حن = واقراص مطليه من شاعر لبيب من سمح ياباني نا خذني السهن = نسهر نا وياك والزاهر يغيب الذيب في شعبه وفي الصحرا ورن = والوعل بقرونه تصيب او ماتصيب |
خالك ياباني قاتله السهن = ليام في الدنيا يسحبها سحيب ماشي على العدان قله من زمن = الناس تتغرض وكل واحد يصيب من حكم المشواف بايضرب بفن = كلن صبح ينقص على ذاك الغريب الحصن قد باعوه بأرخاص الثمن = مسكين راعي الحصن ذا أمره عجيب |
الذئب وينة يا عرب قد له زمن=الذئب له تاريخ ماهو من قريب
كلا عرف شرعة ولاساعة يون=يمشي بليلة دوب ينكر للغريب حارس الوديان والشعبة عدن=ذا ذئب مخلابة ينكبها نكيب |
الذيب ياباني يبا يلعب بفن = مسكين مايلتام ذا طبعه غريب يبغا هويدافع وبالهجمه يشن = يبغى هنا وحده ولاحوله رقيب خلك مع غيره لي قرشه يحن = لاقد دعى الداعي بسرعه بايجيب |
ذاقرشي الحنان وله قيمه وحن = في السوق له قيمه وفي الاسهم نصيب في البورصه ثابت لدولارك وين = هوذهب يبقا في الوقت العصيب |
اقتباس:
الذيب مدري ويش صابه يا فتى (ن)=ولعاد يسأل عا المحب هو والحبيب كانت مياهه حاليه تملأ الشنن=واليوم مقطوعه في القصبه وشيب البير معموره بها خير الزون=لكن سبب مجهول نضّبها نضيب من زعّله ذيبوب أو سبب إحن=قوموا دعوا له بالجديعاء والقطيب محمد بن سعيــد بن مخــاشــن |
شيبه وفي التسعين عظمه قد وهن = الجرب مع المحراث قد باعه صليب وان نزل في السوق بالجاوي رطن = ماحد فهم رطنه ولاله مستجيب والذيب في وكره وفكره في الوطن= بالوم من لامه عالوضع العجيب |
ذه بير بو طارق سقن منها سقن=ذه بير والغطاس طلّع كم تريب
ذلا قذا في عينها كثر الفتن=وأحوال يعلمها ربك يا مجيب |
قبصه جت للذيب من قبص الدفن = اليوم يسال عالمداوي والطبيب دي مداره وسطها الزافن زفن = من تعلم فيها مابضني يخيب والمستعجل على رزقه قله تان = مايزيد الرزق بالخبه ولا بالنهيب |
اقتباس:
علمت بالبكري بمستشفى ترقد وأن=محبوبنا الغالي طلع منها قريب عساه متعافي لي بقلبي سكن=ويعود الى اهله معافى وخله والحبيب وسلام يالبكري وبعلن لك علن=رن على جوالي برنه اذا ماني غريب اهل الكرم والجود انته ياغالي الثمن=لك ندعي من المولى مشافى تطيب |
باقولها صادق قد خذني الشطن = والعافيه قسمك وربي يستجيب مشكور بوصالح بالحاله علن = مشكور خبرنا باحوال الحبيب الحمدله والشكر قد زال الوهن = في القلب يالبكري ولك خاطر يطيب نحنا وبوصالح وكم جنبك تمن = نفداك يالغالي وكل امرك نجيب |
الحمد للمولى لي بالصحه عليّ من = واصبحت في نعمه من بعد النحيب والصحه ذي نعمه مايساويها ثمن = الحمد لله يوم كتب لي منها نصيب |
ماتشوف شر يالبكري والليله تهن = ماكنت انا اعرف البكري تعيب نطلب من المولى على السيد يمن = بالخير والصحه وسرعه هو يطيب |
اقتباس:
صاحب العقل لا ينظر لشي مايخصة=سد مسمعك واتعامى عن اشياء كثيرة والقط الخاتم المتقون يعجبك فصه=واترك الفالصو لاهل العقول الصغيره |
اقتباس:
في السهل بمشي والشعب بعطيه رصه=مع الشجعان ربعي اهل العقول المنيره وياكم وكم من الناس قد شاف غصه=من اللي سرح يتنقل من ديره لديره |
اقتباس:
مرحبا مرحبا بالقول يعجبك نصه=راعي البوش منه بيت يعدل بسيره قال بيتين فيها الهرج كله يرصه=هرج موزون من شاعر وباعه مطيره هرج نسمعه واجد هرج ماحد يمصه=ويش باقول مسوى قول في الشعر خيره |
قولوا لبو خنتوب يكفي من تعب = لمى متى واحنا بانركض وراه اليوم يالشعار بتشوفوا العجب = لاني طلبت الله وحده في سماه كلن من غلط ماليوم ماضنه كسب = باخليه كما لعور يدور عاعصاه لابد مايعرف ويفهم مايجب = لابد مايعرف أخر ماقراه |
اليوم بتحدى كل شاعر كتب = الجرب لي مصروب منهو لي رعاه وينك يالبكري ياعز النسب = وينه ولد باتيس لي ماحد كماه منهو بطل اليوم يوقف ينتصب = باقوم بادحق شوني في شواه ياكم ولد قاسي روح مرتعب = فزعان لانفص من بطنه كلاه |
يعجبك شبل النمر يومه على صيده وثب = والشعب فيه الذيب يعوي والثعل في قداه عالكتف معه بلجيك والنسل من زين العرب = واخوان معه الفين قناص بروحه يفداه |
هذا هو القناص وله راسي غلب = يستاهل التقدير لي ماحد كماه مقناص يشهد له بضربه والسلب = والوعل بقرونه من حيده رماه |
سلام
السسلام عليكم ورحمه الله وبركاته:
تحيه طيبه, وبعد: يسسرني إن آحتسب عضو في هذه السقيفه وأيضا واحد من آخوانكم كما يسرني إن اشارك معكم, واعذروني على الفصل
|
مرحيب يابدوي وشد الحبل شد = قدامك حسر وعره في رؤس الحيود اليوم يالهاجس على البدوي رعد = هذا الجبل ماليوم بايصبح ينود ليهو بغى يربد وعاده مأستعد= مسكين مايسمع حنات الرعود |
اقتباس:
البهم عالقضب تاكل والقصب = والذيب يعوي ولا حد فزع من عواه والشهم بايلاقيك عا وقت الطلب = قدام بايمشي ولا يرجع قفاه وانت يالغازي تشب النار شب = كلين بايجني مازرعت يداه |
اقتباس:
حنّت رعود الصيف من فوق العند = مرحيب يالغازي عسا العاده تعود
|
ماليوم يالبكري خلك مستعد = خلك هنا موجود وافقهلي تعود ابغاك مالليله تشد العزم شد = لاتصتقر لاسمعت حنات الردود |
دايم عاستعداد قايم ماقعد = وانته يالغازي منهم لي قعود والدم في الجسم فاير مابرد = نفسك قدامي سحبها بالبرود الحضر عرفوني وحلان المقد = ما بانردك شيخ من خلف المقود |
ماليوم يالبكري لاحريت برد = شوفك متعود دايم عالبرود معروف يالسيد دكدك عالسدد = هذه عاداتك من عهد الجدود لمى متى وانته في عينك رمد = كله من الغازي ماذقت الرقود شفني انا ملقي على السده قلد = وانته هنا وحدك تحوش بالكبود |
مسكين بوخنتوب شوفه يرتعد = خايف على نفسه من ضيق اللحود والمخشني له مده علينا مايرد = من يوم ماترك في ورث الجدود |
الوجه السود
اقتباس:
|
رمضان جاء يابخت من له استعد =ماشي كما رمضان ديرة بن سعود
فيها الحرم من كل فج عالم ورد =ماسيب ذي في المملكه قدهم ورود كل من نوى العمره لها شمروشد = للخير خلق الله من بلدهم شدود سنه ومن يحيي السنن هو في زيد =والأجر في رمضان للمسلم يزود |
الوجه السود
اقتباس:
|
للجبل شفني انادايم صعد = والحيد وطيناه وخلق الله شهود ماهمني هذا ولو مثله عدد = لاقمت للدنيا بعصدها بعود |
اقتباس:
|
شهر كريم كل عام وانتم بخير
|
كــــــــل عــــــــــــــــــــــــآم وآنتـــــــــــــــــه طيـــــــــــــــــــــب يآأبــو رآضي
ومبـــــــــــــروك عليــــــــــكم الشهـــــــر الكريـــــــــــــم |
| الساعة الآن 04:09 PM. |
|
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir
