المشاركة الأصلية كتبت بواسطة الغازي 2007 بن مخشون متأكد منهو المشتري = كأنه في البيعه وقع من قداه المؤتر الفنان يمشي لولي = ساعه بألتعشيق وساعه في خلاه ناس حساده ودها ينتهي = حطوله التغريز وربي قدحماه ماطور يترنم على ماتشتهي = يعبر في الرمله وعاكوره وراه

قد كان وادي العين يسقي الهابطي=واليوم مأرب فر به ماهو زحاه
وسيل وادي العين رحمه تنبغي=وسيل مأرب جُهِل من ذي هو بغاه؟
قد دمر السد الذي ما ينبني =مثله وحال أهل الزراعه لا حفاه
ويغزهم شوك السمر ما شي حذي=والناس يا بو شيخ في الوادي حفاه
كم من كريم الأصل زين المحتدي=وعشاه هذا اليوم ما يلحق ضحاه

الساس ماكن بالحجر يالمخشني = كل من قمس قدام لايرجع وراه
بيني وبينك خط ماهو منتسي = نحنا شراكه يامحمد فالحياه
وان كان باتبغى على ماتشتهي = كل من تمنى شي مايلحق مناه
تهمه وراء تهمه ونا منها بري = قصدك تبا ترجع لماضي مانباه
واليوم مستقوي بجارك باجري = يفتن عباد الله ربي قد بلاه
فكر ودقق لاتصدق كل شي = والا تقابظنا وكلا من قداه

يابن مخاشن لتلبس كل يوم زي=ولايغرك من تدغشر في كساه
شيذرك مامثله وشالك كابلي=وبندقك بومقصين عاده في غشاه
حط فيه خمسه من رصاص الذايبي=وحطه على كتفك لأن ماشي كماه
والاصل بايأهلك تقمس لولي=وخل الحثاله كل واحد في خلاه
وان كانك اتناسيت ذيهو من بطي=لابد ماذكرك بيام الطغاه
ايام لاتذكرتها يدوي دوي=فكري وحس العقل يالعقال تاه
ايام عدت السوي ماهو سوي= والفسل حصل يامحمد ذي بغاه
هذا الذي بينت لك واما الخفي=اكثربجم لكن ذكره مانباه
وختم هذا القول صلوا عل النبي=صلاة ربي عل النبي ازكاء صلاه

ماشي قنع مادام عادك وحــــــدوي=ولا قر منام العين في ليل الدجاه
عابات فكر كيف في هـــذي وذي=ولي قده سابر كيف يغير لتجـــاه
كمين ضدي وكم لي عدهم معـــي=وهل بايطول العهد لاناسي معـــاه
شي ذكر رماه العهد ذاك الأولي=أصبح سبب اليوم عانقطــف جــزاه

المخشني شوفك ماضنك غبي = كنك نسيت أول ومتشوق لقاه
ليام لي مرت صعبه تنتسي = منه قليل الخير وليهم معاه
يأمرعلى ربعه وكأنه برمكي = وبلجيك ذا عمك على كتفه لقاه
قد بهذلوا فينا عيال المفرجي = من جاء بايشكي على راسه كواه

والله يخواني ذُ كُـر مالا عِـني=آقول ( زَح ) وإقصد بـ ( زَح ) وقّـف و ( حـاه )

المشاركة الأصلية كتبت بواسطة مجمل واليوم مستقوي بجارك باجري = يفتن عباد الله ربي قد بلاه

الناس تحسدني على الجار الذي=من ما دري بايقول: يا ربي رعاه
قلبه كما الجلمود لا هو قد قسي=وإن كان هو قد لان قلبه كالحصاه

المشاركة الأصلية كتبت بواسطة ثابت بن ماضي وان كانك اتناسيت ذيهو من بطي=لابد ماذكرك بيام الطغاه ايام لاتذكرتها يدوي دوي=فكري وحس العقل يالعقال تاه ايام عدت السوي ماهو سوي= والفسل حصل يامحمد ذي بغاه هذا الذي بينت لك واما الخفي=اكثربجم لكن ذكره مانباه وختم هذا القول صلوا عل النبي=صلاة ربي عل النبي ازكاء صلاه

ولْد الهلالي شوه ما يدري بشي=التابعيه بلكرم ربي عطاه
يرفل في النعمه وغيره مصطلي=بالنار ذي تكوي المؤخر والجباه
أندر قدا الأوطان يا هذا العني=يا كم هرم فرعون بالسُـخره بناه
ذي لقاه صاحبنا القديم الأولي=والله ما يبلغ عشُـر ذي هو لقاه
واليوم ما دافع عن إبن الشاذلي=لكنني مبغى حرامي جاء كماه
وختمها بصلاه جم عا الهاشمي=ما ورّث إبنه أو علي أو من يباه
ما هو كما حسني ومعْـمَـر قاذفي=با يخلفوا لك بعدهم ( وِدْ ) أو ( مناه )

المشاركة الأصلية كتبت بواسطة المخشني إخواني الشعار المبدعين ... مجمل وثابت بن ماضي والغازي: أبدعتوا وأمتعتوا. والشعار لازم يتضادون في السمر لكي تحلى الجلسة. بمعنى آخر ... لو قلتوا يمين سأقول شمال ولو قلتوا شمال سأقول يمين وإلا سنصبح كالقطيع يمشي في إتجاه واحد. و......... ( ألا ترى أنهم في كل وادٍ يهيمون وأنهم يقولون مالا يفعلون؟ ) صدق الله العظيم. والله يخواني ذُ كُـر مالا عِـني=آقول ( زَح ) وإقصد بـ ( زَح ) وقّـف و ( حـاه ) محمد بن سعيــد بن مخــاشــن

ذا فصل يالهاجس خرج ولادخل= ولا الحليله عايميني واقفه
ومادامني في مشكله عجل بحل=عجل بحل ان كان عندك سالفه
المخشني بالشيش في الضمنه قفل=مسكين مايعرف زقل بالطارفه
ويقول ثابت قد غفل مابا غفل=بحكم بعقلي ماحكم بالعاطفه
لاتقول لي حسني ولا زعماء الدول=ما حد مثيله في المناطق كافه
وحد ومافرق ويضرب به مثل=وسجل له التاريخ بعض امواقفه

يامرحبا بالقول ذي طعمه عسل=صاحبه يعرفني وطالب عارفه
قلوا لثابت ذي يدحق في العمل=ذكروك خالفته وانا باخالفه
يالمخشني ثابت في القسمه عدل=وانتوا رضيتوا تنقسم بالناصفه
واحنا وشعار السقيفه في الجبل=تعصف بنا في كل ساعه عاصفه

ثابت في القسمه شوفه ماعدل = يمكن هالايام حواله ناشفه
الزح لبن مخاشن لازم يكتمل = حسب العوايد لوله والسالفه
مكتوب في خطه ياثابت قبل = ورثه من ألأجداد ماهو عايفه
غلطان ياطالب خلك مستقل = تشهد مع ثابت شهاده زايفه

ان كانني زليت قبلي الشهر زل=وماباتلفظ بالهروج الجافه
على سبيل البسط بينت الخلل=ولصواب ماتاذي اذا هي طافه
انته جبل وش بايرقل بالجبل=ماترتقل مثل الحيود النايفه

ذا فصل والثاني صحابي وينهم=افين رحتوا قل لحمران العيون
يرتاح قلبي يوم ضلي بينهم=لو زعلوني الزعل منهم يهون

لو ماتعين الربع من بيعينهم=ازهم عليهم قل لثابت تليفون
وانك على دينك وهم عالدينهم=كلن يروح والمقدر بايكون

سيل الشعاب المروسه شل طينهم=وقطب جربهم قل طالب والدفون
وان كان ماعرفوا حذر تحكي لهم=للاه في خلقته وبخلقه شؤون
سددت ديني ولي تبقاء دينهم=باينقضي في يوم تتقاضاء الديون
وان كان سمحوا ايش باتلقي لهم=وان كان يبغوا حق منه يطلبون
ان كان جاهم حقهم هذا المهم=وان ماعرج للحق يرمون الزبون
وباتدخل الجاويد فيما بينهم=وبانكون نحنا خشم مابين العيون

المشاركة الأصلية كتبت بواسطة ثابت بن ماضي ذا فصل والثاني صحابي وينهم=افين رحتوا قل لحمران العيون يرتاح قلبي يوم ضلي بينهم=لو زعلوني الزعل منهم يهون

ثابت وبو راضي حرقنا بنّـهم=لا قد ذكرنا الحق منّـه يحنقون
غشمان عا الكزمه ولا با حِنّـهم=من بعد ما إنفطموا بغوا با يرضعون
قد كنت أنا جاهل وأنا في سنّـهم=وبغيت با خلّي عدب مثل القطون
لُمّـا عرفت إن أهل حدرى دلّهم=ما هو كما دل العوابث في الحصون

المشاركة الأصلية كتبت بواسطة ثابت بن ماضي المخشني بالشيش في الضمنه قفل=مسكين مايعرف زقل بالطارفه

المخشني ند القناصل والدول=قلبه تعوّد ما تجيه الراجفه
قال الحقيقه لو زعل من هو زعل=وقال الخلايق عا الصراطي واقفه

المشاركة الأصلية كتبت بواسطة المخشني ثابت وبو راضي حرقنا بنّـهم=لا قد ذكرنا الحق منّـه يحنقون غشمان عا الكزمه ولا با حِنّـهم=من بعد ما إنفطموا بغوا با يرضعون قد كنت أنا جاهل وأنا في سنّـهم=وبغيت با خلّي عدب مثل القطون لُمّـا عرفت إن أهل حدرى دلّهم=ما هو كما دل العوابث في الحصون محمد بن سعيــد بن مخــاشــن

اذا أنته تبا العلمه تعلم منهم=في مدرستهم كم وكم ذي يدرسون
ادخل وجرب وأستفد من علمهم= من شان تعرف ايش معنى فاء ونون
الشعر ما هو شعر لامايفتهم=ولا هو قوافي يامحمد أو وزون
ابغاك تبداء بالأهم ثم المهم=وان كنت تضحك الضحك يبغاء سنون

المشاركة الأصلية كتبت بواسطة طالب باتيس النعماني قلوا لثابت ذي يدحق في العمل=ذكروك خالفته وانا باخالفه يالمخشني ثابت في القسمه عدل=وانتوا رضيتوا تنقسم بالناصفه

الجرب صالب قل لبو راضي و كَل=وزايد جراد الصيف عادك كالفه
ما شي عمل حتى يدحقه السقل=كل الزراعه والحراثه تالفه
والبير عورت كل شي فيها إنزقل=زانه على العجله ولكن ناشفه

سلام عالشعار وثابت منهم = من عروس البحر من أرض الزيون
ثابت بيغني وحده عالنغم = قد ضيع المدروف والي يرقصون
كله سبب الذيب بو مخشن نعم = لي ضيع المحراث مابين الحصون
راحوا الرجال الي يمصون العجم = لي يحكمون الضرب مابين العيون
ماباقي الاالعبد يرعى بالغنم = يلعب على كيفه وأنتم تنضرون

ثابت وطالب لاتخييب ضنهم=يالمخشني ماباك توخذك الضنون
عيّد مع ربعك وشارك عيدهم=شوا العيد قرب قل لحمران العيون

المشاركة الأصلية كتبت بواسطة طالب باتيس النعماني ثابت وطالب لاتخييب ضنهم=يالمخشني ماباك توخذك الضنون عيّد مع ربعك وشارك عيدهم=شوا العيد قرب قل لحمران العيون

كل العرب والمسلميني كلهم=يا الله في الأوطان دايم يأمنون
وعوّد الأعياد وإفرج همّـهم=وكن لهم يا ربنا ناصر وعون
ولوها المشاكل ذي بداخل دارهم=قد جاتهم يوم إنهم يستأهلون
يستغفرونك وإنت ما ترضى لهم=ألا بكل زينه ... عساهم يِعْقلون

المشاركة الأصلية كتبت بواسطة طالب باتيس النعماني حياكم الله لازم من قصيد العيد ياشعار

سلام يهل الدين وأهل المخيره=جملة بني لحقاف من سر لا سعاد
من العايدين وِعْسى عياده ميسره=فيها الموده والرخاء والإزدياد
والكبش سمنّاه نبغى ننحره=ولنا عوايد من زمن ( إرما ) وعاد
و شو من قبض بالسهم ... سهم المحضره=ما عنكره عود العجامه في الرقاد
والعسر بعده يسر ربك يسره=والمنسلم يا ربنا عيد العواد
في حال ثاني بلكرم إتقدره=يحزن به الأثعال ويسر الجواد

واجب علي هني رجال العسكره=بالعيد باهني الرجاجيل الشداد
واعسى عيادة خير ياهل المحضره=واتعود ثاني عيد واحنا في البلاد
مادام قد جونا جمال المعصره=من واجبي جهز لهم كل العتاد
كل من يقدرني وجب باقدره=والمخشني قدره وعزه في ازدياد

باب الزعل في العيد نبغى نصكره = يالله عسى أيامنا كلها عياد
ويعود هذا العيد بصحه وافره = الله يبلغنا أعياد جداد

مشكور يا طالب وقدرك نذكره=يا ذي ترد السيل محري في سناد
دام النسم يجري بوسْـط الحنجره=والغيث عا الوادي مسى رايح و غاد
وأزحى عكيمي من سبولات الذره=رحمه من المولى رسلها للعباد
يا ريت كل شاجع تقلـّـــد ميزره=عن تركة الأجداد دافع في عناد

المشاركة الأصلية كتبت بواسطة الغازي 2007 باب الزعل في العيد نبغى نصكره = يالله عسى أيامنا كلها عياد ويعود هذا العيد بصحه وافره = الله يبلغنا أعياد جداد

سلام يا الغازي سليل الهوبره=يا شيخ نلجأ له إذا حان الطراد
الرأي من قبل الشجاعه مفخره=حن دوب في شورك ونبرز عا إنفراد