ونا بسمي وعن نفسي مع الجاويد بانافس=وباتوكل على ربي عساها تصيب ولّا تخيب
وباجيب العلوم اليوم من برقه ومن قابس=وباورّد دلايلها بحسب الدور والترتيب

لابس صبيغه كنت يالبدوي ولاشي مسدره= تسرح قفا بلك تخب زي الوعل منصوب القرون
واليوم شوفك محتبي عاطول وسط المحضره= مايشغلك شاغل خلاف إلاّ رموت التلفزون
وتعدل المرزاب كل متمر قبال المنظره= والشيذر المقرون زاقلبه ولابس بنطلون

لابس صبيغه كنت يالبدوي ولاشي مسدره= تسرح قفا بلك تخب زي الوعل منصوب القرون
واليوم شوفك محتبي عاطول وسط المحضره= مايشغلك شاغل خلاف إلاّ رموت التلفزون
وتعدل المرزاب كل متمر قبال المنظره= والشيذر المقرون زاقلبه ولابس بنطلون

تردّي وضعنا يصنع من الفرسان كم فارس = يشلّون الثقيله وقتها مايقبلون العيب
لهم ماضي مشع في حرّها او بردها القارس = سمر يالفحص هت لي وش حصل بين الاسد والذيب

وبسم المشجري والواقعي بانادي الهاجس = لبا سمره معاهم عالصفاء ياخواننا والطيب
وهم عزوتي في المجلس وانا من اجلهم جالس = متى قدموا علينا قمت بارحب بهم ترحيب

قيايستها بالطول ماجت عا قياس المسطره=واتخالف التمتير فألستره وحتى فالركون
كل ما نفضنا عود يغدي هبو ياهل المجمره=ما شي كما عود السمر يامن بغيتو تجمرون