اهل الدواير بايرفعون الحجاب=ان عاد شي همه بغيناها تعود
البربريه مابغت بين الركاب=خافت من الحاشي ومن راس القعود
كل مالها الا باتقرص كل باب=لكن عيال ابليس شدوها شدود
وايش بايجيب الدوعنيه من رحاب=واهل الطماعه مكنوها بالقيود

كل من كثرن اذنوبه استغفر وتاب=ياغافر الزلات ياالرب الودود
اغفر ذنوبي كلها يامستجاب=ياعالم الاسرار ذي هي في الوجود
يامسير الاكوان ومغيث السحاب=ياباسط اليدين ماغيرك يجود

المشاركة الأصلية كتبت بواسطة بن احمد (المشاركة 350860) مادام عادك للسلا والصفو حاب=لاتومي ابراسك لنا مثل الهنود الخير مقبل والدعا دايم مجاب=ادعي لنا الله يحفظ الام الولود

من يوم ما غبنا ونجم الجاه غاب=بقعاء عقارب قابصه وحناش سود
بو زيد شغلني ولا عطاني حساب=كنه سوى ما للقرود الا قرود

المشاركة الأصلية كتبت بواسطة عمر الذيب (المشاركة 351097) من يوم ما غبنا ونجم الجاه غاب=بقعاء عقارب قابصه وحناش سود بو زيد شغلني ولا عطاني حساب=كنه سوى ما للقرود الا قرود

انته تحذى في مراحك والذهاب=وامشي على حدك ولا تعدى الحدود
واسري كما مسرى النماره والذياب=تسري وتقنص والعرب عدها رقود
خل شغلك الحالك نته باقي شباب=والشاب ياذيبان مفتول الزنود