كم لي ونا شوف القمر مخسوف = واليوم قد شوع هلاله
بلقيه نا من فوقها الأكتوف = يسلم ولا بدل بداله

الليل يالشعار عالمدروف=برسل قدا الفاهم رساله
مختمه في داخل المضروف=فيها جوابي عن سؤاله
وبالنضر يومه بعيد الشوف=والفهم واحد من رجاله
مابيننا شف كل شي معروف =اعرف سعيد هو وحاله
ماشي معه غير الفزع والخوف=ذللا يباها رد قاله
غلق عليه القرش والمصروف =في المدرسه صاحت عياله
حتى قلمهم مايخط احروف = والجهل بايجيب الجهاله

شف صاحبك كم له وهو موقوف = واليوم يدور له وكاله
والحبل عاحلقه صبح ملفوف = لا ذا ولا هذا رثاله
مابا نعده فايده المهتوف = ولعاد نرغب في وصاله
ربك يعدلها على المألوف = لاقد قبضنا في حباله

ان جبتم البسره مع لقذوف = باقول رميان الجماله
بكتب لكم تاريخ في نفنوف = برسله من عندي حواله
من يوم قل السمع هو والشوف = معاد عندي شي دلاله
صابر وصابر عالمرض والخوف = وهاجسي قصرت حباله

ذا خرج فصل بانبدع بيوم السعاده = قل لطالب وصالح شاركو فالمسيره
وان طرح غيث من ذمرون لا باشداده = كل واحد من الحرثان يحبك ضميره
من رعض ذالسنه لابد يبلغ مراده= قبل مايدخل المرزم مزونه غزيره
وانتم اهل المعاني وانتم اهل القياده = بر منصوع صافي ماختلطبه شعيره
مانبا السيف دايم منكمش في غماده= بايصدي عليكم لابطى في جفيره

ذي السنه قل ليسلم طيرها بارماده=حسبي الله على ظالم يتم او فقيره
منهم خمستعشر شفتهم في العياده=غير ذي هو مرقد حولهم عاسريره

المشاركة الأصلية كتبت بواسطة يسلم صالح بن عكعوك (المشاركة 352886) ان جبتم البسره مع لقذوف = باقول رميان الجماله بكتب لكم تاريخ في نفنوف = برسله من عندي حواله من يوم قل السمع هو والشوف = معاد عندي شي دلاله صابر وصابر عالمرض والخوف = وهاجسي قصرت حباله ................... فصل جديد ذا خرج فصل بانبدع بيوم السعاده = قل لطالب وصالح شاركو فالمسيره وان طرح غيث من ذمرون لا باشداده = كل واحد من الحرثان يحبك ضميره من رعض ذالسنه لابد يبلغ مراده= قبل مايدخل المرزم مزونه غزيره وانتم اهل المعاني وانتم اهل القياده = بر منصوع صافي ماختلطبه شعيره مانبا السيف دايم منكمش في غماده= بايصدي عليكم لابطى في جفيره

مرحبا مرحبا مولى الوفاء والرياده=رائد الشعر بن عكعوك مافيه غيره
في الميادين لاقسموا يشل الزياده=لا دعيته وصل يسلم بشره وخيره
قل ليسلم بغيت الصدق شف بارماده=ذا السنه قد عيونه بالصقور الكبيره
والصناديد كل فارس ركب عاجواده=بايجيبوه لك في ضرف مده قصيره