اندري كلهم عينه ولاكن وجه يتفند=ولا وجه االمصيبه ذي نهب ثروتي ولأوطان
نهب حالي ومالي ماترك لي شي في المنجد=وخلاني مهستر فحّس اليسرا على ليمان

قلال الخير ياكرمان لي هم شاوروا مسعد=عطوها مال من مالي وخلونا مسي طفران
معد شي فايده من صاحب المنشار والمبرد=وباب المنجره مخلوع لا دوله ولا سلطان

عيال البرمكي ضلّوا طريق القطن والمشهد=عور ماهو عور فيهم ولا هو غدر واستهوان
تراهم بالعمد غاروا على المصقاص والمحفد=وبكره باتقع غاره كبيره حول بن عيفان

لاتلوموني اذا راحت علي نومه =نومي كوابيس ماشي نوم
ذي مايلوّم علي والله مالومه =لوّم على ذي يخاف اللوم