لادنّت الاغصان لازم باجني=انّه شوي وان كان جم
=باشل قسمي دام هيجي دوب يرزح بالبهار
لي جابكم للحصن هذا جابني=قد جيت نرزح بالقدم
=حد بايرحّب او نعرّج صوب مسقط مع ظفار

ذا فصل لجلك يالشبامي معتني=قد جيت من روس القمم
=بدخل بناموسي وبخرج بالشرف والاعتبار
سلام لك يابيت شامخ مبتني=من جاك ينسى كل هم
=مخصوص عاصاحبك بوصالح ذرانا والضمار
ناموسكم يابن ربيعه شّدني=مافاتني منه الدسم
=عجّل لبوعوبث بكسوه ذرعها خمسين وار

حيابمن جاني=وعا نيه دخل من غير ماسلم
ونا جاهز معك ياحنطبه حاضر=وباسّري همومي لجل ينسم حالي المليان
والعمر ذا فاني=وعامافات ياصاحبي لا تندم
ومن ماضيك خذ عبرات للحاضر=تفيدك ف السنين المقبله يافارس الفرسان