حيا بلي جانا ملقي هروله = حيا بليهو قال شاعر ما سأل
أنستنا ياسهول راعي لوله = لي طول الغيبات باقي له محل

المشاركة الأصلية كتبت بواسطة يسهول (المشاركة 361381) عوده حميده بعد غيبه مطوله=وشتاق لك ياحيد البأس الوعل يارب توبه ماتفيد المنعله=نخزي بليس اليوم يكفي من زلل نترك نوايا الشر واهل العرقله=نسلك طريق الخير وصلاح العمل

الفين ياحيا بشيخ القبوله=حيا بيسهول الذي ماله بدل
مالليله الا زلزله في زلزله=قد قالها راعي المقوله والمثل
الفين مطلوقه وخمسه معقله=ماباتخارجنا خلاف الا الحيل
بانطلق الحيله لحل المساله=والتاليه يالله على باب الوكل

ماذا السنه حزمي براس البنقله=يضحك على من زل عقله وأختبل
ويقول لازم باتشوفوا البهذله=والنقص للناقص وللوافي ذبل
اما القبيلي لو براسه قبوله=مابايحط السيف يرضي بالفشل
ولي فتن ماغير جاب المشكله=ويقول هذا سوق كل من شل شل
مول البلا موج الكواسر جندله=من هو مع الرحمن يسري عالوكل
قد قال شاعر خل اهل المهزله=مالك وماله ذي مغرز في الوحل

وين الذي ملقي علينا قروله = قده له سنه غايب وياريته دخل
ابغاه يتعوذ ويقراء البسمله = ويطعم الثيران في وقت العمل

ذا فصل والثاني قلبنا القافية=سمعوا كلام الشيخ لي جاء من بعيد
يهل الحصون العالية والنايفه=يهل السلا واهل المغاني والقصيد
نحمي القلوب الفاجعة والخايفه=من لي سكن رخيه يفلون الحديد