|
|
اقتباس:
انا مازلت عا لول معي في القلب حنيه=احبه واعشقه واعشق شموخك ياجبل شمسان واما الثانيه عيفه وقبعاء مالها نيه=خلاف الهوش والسرقه من البسطات والدكان تبيع السم في الشارع وتسرقنا علانيه=تحمل كل شي من قعطبه لا حجر با ديان |
اقتباس:
سلامي قل لبوطارق عمر برسله برقيه=لكم ياهل الوفاء والعز والجوده ألوف اطان عيال ابليس ماخلوا لحد حتى ابسط حيه=وباعوها البقاع الست بالجمله وقل لثمان |
وينكم ياهل السمر تروننا متابعين لأبداعاتكم لاتحرمونا منها
|
سلامي عا لشياذر ذي من الجنبين محضيه = يلبسوها عيال الحضر لما شافوا البدوان في الأسعار تتغالي عليها يومها بهيه= خياطتها وتطريزاتها اشكال جم والوان |
اقتباس:
سمعت الصوت والمغنى وانا براس العقوبيه=وجيتك في عجل مسرع وانا عاشق لكم حبان على ذكر الشياذر والكساء ولبوس أُخريه=لبسنا الشيزر القطني حسن من صنعت اليابان |
اقتباس:
ألا يامرحباء بلي لبس حذوّه وجنبيه=صناعه حضرميّه مالبسها قبل بن علوان نهار العيد يتباها بها يهل العقوبيه=قبال أرجال من نوّح ومن كنده ومن سيبان |
اقتباس:
ذلح بالصوت سيباني وخذ مليون روبيه=وبدّع قالها سبع الليالي وادخل الميدان عيال المشجري في العزم والقوه سنافيه=رجال الليل لا تخشى عليهم صدوا العدوان |
شعار الناس في الماضي نبا وحده يمانيه = وعشنا وقتنا االحاضر يبوا عوده كما قد كان يقول البعض زيدوها حراكات جنوبيه = خلاص الارض قد ثارت ولاسلطه لبن سنحان حذاري يغرق المركب وكلكم بالسواسيه= عباب الموج قد يقذف بالراكب مع الربان |
أسَـف قد فاتني ذا الصوت والأمطار شتويّه وجده غارقه في الوحْل كل شي وسْطها عدمان فيين الهاجس إللي با يجيب أقوال دريّه إذا الماء قد دخل بيتك وغرّق كافَــة الحلاّن محمد بن مخــاشــن |
اقتباس:
|
اقتباس:
سبب لهمال ومصالح يقول الذيب فرديه=جرى ما قد جرى يالمخشني وتعصبت لكفان وكل منهو معه في القلب شي حسره وشقيه=على ماسار يطوي ما جرى في عالم النسيان |
اقتباس:
مكان المخشني مبلي معه جم ناس مبليه = مواقف ياعمر فيها وجدنا المخشني غلطان قرينا في الصحف اشياء وجم اخبار مرئيه = موثق بالصور فيها رئينا الجور والبهتان |
اقتباس:
إذا قد كنت أنا غلطان لكن مخلص النيّه وعندي يعلم الباري سوى البدوان والحضران وولـْــد الذيب هو مخصوص أشوفه بو السنافيّه أمير الشعر في رأيي على عدنان معْ قحطان محمد بن مخــاشــن |
اقتباس:
فساد الأمر قل للذيب والفوضى التهاميّه يقولوا شي ويلقوا شي ولا يخافوا من الرحمن وهو يمهل ولا يهمل ... تجي ضربات قاضيّه على المسجد وأيضًــا قد تهدّم عرشة الجذمان محمد بن مخــاشــن |
اقتباس:
سمعتك يوم تتباها ولك اوقات ماسيه = هذاك اول زمن عدا زمان الرمح والفرسان تريّض عالمهل واحذر تجي ضربات ركنيه = جناحك والوسط بدّل دفاعك من نزل تعبان |
اقتباس:
كلام يابو صالح |
اقتباس:
سمع قولوا لبوصالح عمر خاوى الشباميه=شرفنا زاد بمخاوات شاعر عمد والوديان لانه شهم متواضع وبغضه للكراهيه=يحب الناس من قلبه محبة صدق وأطمأنان انا مديون له بالجود وبثبت بالاماريه=وقف جنبي وشل بيدي وانا وسط الغبب غرقان |
كلام مليان امتعتونا اخوتي الشعار بارك الله فيكم
|
السلام عليكم يارجال المجلس
ومن العائدين كل عام وانتم بخير لكم وحشه كبيره بصراحه كنا في البلاد ولاقدرنا نتواصل معكم السموحه |
بطي كنا نجيد الضرب بفلنطات جاويه = زمن ماكانت الجبهه عليها مؤتمن قحطان وحالت بعد ماحالت وقدها اليوم شرعيه=وحد فرحان بالوحده وحد قع منّها طفشان |
اقتباس:
سوى يالمطلع قولك طرحته عالبخص كيه=وهذا لي حصل فينا وقعنا في عرب غشمان فرحنا بالدواعي والخبر ووعود وهميه=وضعنا في وسط غبه غزيره كنها طوفان |
اقتباس:
على جبهه يساريه وعا جبهه يمينيه=ترى قحطان مشّى الناس ف الرمضاء بلا حذيان وبعده جو قلال الخير في حضن الشيوعيه=وتالي سلموا بقعا لقبضة طاهش الحوبان |
اقتباس:
سماهم تعتكر قالوا بغيث امطار صيفيه = ويبرق راس منشيها عسا لطفه عظيم الشان مكان اسعيد في غيّه يعيش احلام ورديه = متا ذا اسعيد بايعقل ويجلسله مع الشيبان |
اقتباس:
سعيد الدوح متعثر قبض بذيول سعديه=دخل وسط المداره واحتجى في شرحها والدان ولكن المعّرس مابغاء الا بنت تركيه=فسح في بنت بو جابر وخذ بنت الشقي كربان |
نتابع في صمت
طبتم وطابت الأقوال |
سمعني وانتبه يا حضرة القاضي=وقل فيما تشوفه مانبي الاهمال حسبت السوق لي هذي السنه فاضي=طلع في سوقنا اربعماية دلال يقولو ما جرالي من تعراضي=لاني رشنت في شيذر طويل اذبال |
اقتباس:
سعيد الدوح له غايه وله آمال مبنيه = على بنت الترف يعقد ويصبح صهر للسلطان نزل في بحر مايرحم وجات الريح عكسيه = وجاه الموج يتلاطم نذف به في غبب سيلان |
اقتباس:
يصح البيع لا البياع هو راضي=ولاشي غصب في وقته بذاك الحال وفي شأن الدلل شف حكمهم ماضي=يعين الله من قد حملوه اثقال زقلته بالنجس حل الوضو واضي=عمامه فوق راسك لقها والشال |
اقتباس:
اظنك ياعمر عن ماحصل راضي = جمال الشعب تبغاها بلا جمال ذكر لا ياعمر وارجع الى الماضي = امير الشعرمجدك ياعمر مازال |
اقتباس:
غريب الصوت لا حدري ولا اغياضي=وبو ناصر مكانه يغزل الدسمال وقد عنده مقص والفين مقراضي=بغينا بشت شف ماحد يبا السروال |
اقتباس:
لاني رشنت في شيذر طويل اذبال أخي أبو طارق ... كلهم مجاملين ولا واحد قال لك أعد صياغة هذا الشطر!!!!!!!!! |
اقتباس:
...وحياك الله..وماعليش.اعذرنا لو دخلنا عرض:tasty: |
اقتباس:
تدهور صحتي من كثرة امراضي= وفي المجلس ترى كل هرج ما ينقال تنفس والهوى من بين انقاضي= صروف الدهر ما تركت سوى الاطلال ونجم الجاه نوره في السماء يأضي= ونسأل ربنا تصلح لنا الاحوال |
اقتباس:
غريب الصوت لا حدري ولا اغياضي = وبو ناصر مكانـه يغـزل الدسمـال ( الواقعي )وقد عنده مقـص والفيـن مقراضـي = بغينا بشت شف ماحد يبـا السـروال ونا في المعترك با كون خيّاضي ولا بنسى مواجيبي معا الأشغال وجاب الواقعي أستاذ آباضي من إقصيعر وهم بيحققوا الآمال عمر يا الذيب خلك حلو ورْياضي ومن بعد المصبّع جاء مكعّل حال حـــــال = حلــــــو محمد بن مخــاشــن |
طيب..ياعم محمد..اللي تشوفه..لكني لازلت اقول ان الشطر مابه شي.,..:tasty:
|
اقتباس:
عطوني وقت ودي لملم اغراضي=وبحسب خطوة المطلاع والمنزال نشوف القاضي ارسل شهب وشواضي=ونا عارفك ياقاضي وسيع البال حمدت الله روى نخلي من احياضي=ولا عندي طمع ف الريس السلال سوادي ماتعرفونه من ابياضي=وحلنا قال بن هاشم في الجهال |
اقتباس:
أتراجع في كلامي فقد قرئ لي هذا الشطر ووجدناه موزونا. |
اقتباس:
|
اقتباس:
قصدتك بن حمد خليك بعراضي=وساعت مانصل بزهمك عالجوال تراى ماشي كما شغل الترياضي=تريض وخلها عالواحد المتعال |
هذا الصوت ذكرني بشي ماضي = وذكرني بخلي لي معي عالبال شبيه البدر نوره لابدأ ياضي = ولاقد غاب عيني دمعها سيال |
| الساعة الآن 08:48 AM. |
|
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir