|
|
ماقول انه شرد ولامن حصنه تشّرد = وان تعذر بمشرد نا ماظنه شرودي في قواله وعد والقول اهداف تبعد = وان بقا مبتعد يلزمه حكم الوعودي |
من حضر بايسد قناص ضربه مسدد = مايدك عالسدد يشرب كرع من سدودي مرحبا لي ورد مادام صدر ورد = فوق عتمي ورد بهديه اجمل وردي |
اقتباس:
لا يا طالب .... فضلا إستمر وجيب أصعب ما عندك على شأن بو فيصل يستمر في إتحافنا بأغرب ما عنده مثل ( مبنى جُـدُد!!!!!! ) . الصحيح أن يقول ( مبنى جديد ) ولكن في هذه الحاله سيختل عليه الوزن وهذه مسئولية الشاعر أن يجيب الكلمة الصحيحة مع الوزن الصحيح ثم أهم من ذلك أن يكون هناك معنى ذا قيمة. الضرورة الشعرية لا تبيح أن يكون الموصوف مفرد ( مبنى ) والصفة جمع ( جُـدُد ). أي لازم يقول ( مبنى جديد ) أو يقول ( مباني جدد ). يا بو فيصل خلنا نعرف رأس ناقة العمودي موخذ وين. جاوب بشعر له قيمة وزنًا وقافيةً ومعنى:
قل وجاوب وزد . لك قسم عندي مزيّد=شفتها شهرزد . صارت تبع للزيودي يا حسافه قِدَد . ما اليوم قلبي تقدد=كل أبوها المقد . هي والمسيله قيودي نبغى جواب ونبغى شاعر فحل يحكم على البدع والجواب. محمد بن سعيــد بن مخــاشــن |
اقتباس:
ما شردنا أبد * لو حكمنا بالمؤبد=يا عمر قم تبد * وألطف بنا في البدودي جيب غرضه و شد * والوضع شوفه تشدد=للبلد با نشد * حِكْموا وزروا الشدودي البــدود = إسألوا طالب عنها ( يقول بو عامر لقيـت ........؟؟؟؟؟؟؟؟ ) محمد بن سعيــد بن مخــاشــن |
اقتباس:
نعرف البد وجوي بالحضاره تلبد = عفت بدي لقينا فيه حشره ودودي انت جبت الحدد لازم على الكير تحتد = عيفه عندي تحدد ملك داخل حدودي ياكم شفنا اسد عالقلب ضربه مسدد = ماحصل من يسد من بعد قتل الاسودي في سطوره محمد قول والفعل يحمد = متا حامد واحمد يخلصوا من حمودي من حسبني وعد حنان قرشي وينعد = مانتقص في العدد الفين هاتوا عدودي |
حضناء منقرد . يوم العنب قد تقرد=حاسبوا من قرد . لافك عليكم قرودي في كلامي مجد . يوم الامل قد تجدد=ساعة الجد جد . بقدم وبثبت وجودي |
خيب وسط المهد قولوا لطاب مهدد = ريته اليوم هد واحرق ثنعشر يهودي في زمان النكد كمين واحد تنكد = نكدوبي نكد اهل الحسد والنكودي |
ياهاجسي مالك ومال الناس خل العرب كلن وشانه = ان باتبني حط البناء عالساس شفها خواطر ملانه لمى متى ياصاحبي حساس الهيج بانطلق رصانه = شل الثقيله ياجمل باداس كل من غلط بقطع لسانه |
اقتباس:
في كلامه فَـرَد * با تيس شوفه تفرد=في القُـبُـل منفرد * يعشق قروح الفرودي والعمودي أسد * لكن علينا تأسّـد=خل حبل المسد لنته تبا با تسودي محمد بن سعيــد بن مخــاشــن |
قولوا لطالب هرجهم عساس شوفوه مايشرى بعانه = ياصاحبي أبعد من الوسواس كلن يفكر في زمانه المخشني يشبه أبونواس جاب البقر خلا حصانه = كل ماحصل في كليب من جساس خاين تربى عالخيانه |
المخشني منه كمى المحتاس جاب العسل لي في صيانه = معروف مامحمد شبيه الماس ماحد شبيه في وطانه كل يوم أبقرأ سورة الخناس ماشي كمى طعم الزيانه = في الخبز ليهو حطلي بسباس لي غش حتى في ألأمانه |
[ لاتشبه العبسي على العباس 00والفرق واضح في عيانه =
لاهو من مراكش ولامن فاس00من شوفته عيني ملانه0 لاهو بن البيتي ولا العطاس 00 حافظ خصوصية كيانه= بين الخبل عامد وبين الحاس 00حريته دائم مصانه |
اقتباس:
قل للعمودي ما عليكم باس * قالوا سقط من فوق تانه=نقلت خباره شو وكالة تاس * به هون معْ قل الصيانه مكسور ساقه ذي بغا جباس * ولا نفع جاهه وجانه=الشيخ ذلا جده العباس * مثل الوزيري العلم زانه أما الذي عنده ذهب ( فــ ) أكياس * رويان والأمه ظمانه=هو ذيل والله ما يقع لك راس * لو كان طوله طول زانه محمد بن سعيــد بن مخــاشــن |
اقتباس:
حيرتني يا خوي يا إبن الناس * فيك العيافه والزيانه=تقبص وترقى وتسوق الشاس * وأحيان تتكشّم عدانه خلك صديقي ذي أبد ما خاس * وبا نغني دان دانه=وألا عدوي وبا لقي حراس * وبا خلي الخزنه ملانه الخــزنـه = خزنة رصاص البندق محمد بن سعيــد بن مخــاشــن |
لابأس ثم مابينكم لابأس =عندي لكم اكبر مكانه
ومن ضمي بامد له بالكأس =كوثر مصفى من قنانه المخشني شاعر وله احساس =مرهف مميز في لوانه والغازي الشاعر كما فرناس =لاطار بايكسر ركانه |
المخشني يمشي بلا مقياس شوفه يدورعا كفانه = باقول له يكفي من النخاس شفتك تنخس عالعدانه ياهاجسي بين الخبل والحاس كل من دخل فرقز عيانه = كل من قرا في صفحة الكراس يطلع سمي في كل خانه ذري العمودي رافعين الراس والقولهم مرجع خزانه = يشهد لهم حتى الخضر والياس باقولها هذي امانه والي يعسس في الدجى عساس الثور بايحسبه ضانه = ومن غلط بعمده بالمرجاس ان ماكفته الخيزرانه |
|
يا المخشني لتساير الأنجاس
في صلحهم ماشي ضمانه العقل شف ماشي معه في الراس أعمى البصر صقعه أذانه أقطع عليه القوت والأنفاس من بعد ما تقطع لسانه مخلوق ذا ضاري على المساس جاب العافيه في خوانه |
مادام قد جانا ولد بن محماس جاب الحنش داخل ثبانه = السم لي جابوه لي الكاس لابد مانقطع لسانه شوفه ومتعود على الرفاس يجني على نفسه لعانه = وان قد طمع طامع في الكباس من سمح مقطوبه اذانه |
كرر على القوافي وانتقد غيرك
لي ما كفاه الضرب والدعاس والنفس لي عنده مهانه بضرب على يدي خمس واسداس من باع شرعه والديانه |
ليهو دخل علينا بغى خلاس قله يحرب له كفانه = غلفود جانا من وسط مدراس أبغاه يدرس كيانه لاباس عليكم ياعرب لاباس السيل عادني في سهانه = باغطس الطامع انا غطاس لمان يعرف مكانه لمى متى مايعرف النوماس مسكين مايعرف بيانه = أبغاه يرجع عندنا كالناس من قبل منكسر سنانه شفني أنا من خيرة الاجناس معروف ماحب الخيانه = منهو غلط بارطسه رطاس لمان يعزفلي كمانه |
صح الله لســــــــانك اخي الغــــــازي
ويعطيـــــك ربي الف الف الف عافيــــة |
ياذي رفعت الكاس حط الكاس يكفي كفى حط الامانه=راسي غلب يامن رفعت الراس والحق يرجع لامكانه والدار مبنيه طرحت الساس والعسكري عدا زمانه=ان مانزل بسن حد الفاس والنفس من ظلمه مصانه يالحضرمي عداك كل الباس لأنك من اصحاب الرزانه=دعس على روس القمم دعاس وانته من اصحاب الديانه جاهد ولاتشكي سنين الياس والعاد تقبل بالاهانه=في البير ضاع الدلو والغطاس ونا طرحت اليوم زانه اخوكم بن قطمان |
اقتباس:
باكعيكعوه هو الورد وألا الآس * يا الله لا شاف المهانه=شاعر وناقد يعجبك لا جاس * بين العرب ... ثابت جنانه بالعدل يحكم ما فقع عا الطاس * بين لنا بفته وطانــــــه=با إصبر على التلميذ ياباداس * لمان يتعلم قرانه محمد بن سعيــد بن مخــاشــن |
اقتباس:
نصيحة الطامع كما الألماس * مخلص معاهم كل خوانه=كم يا قلدنا الباب بالترباس * ولا نبا ريح الدمانه لكن بعض الناس كالخناس * إسبير في داخل ثبانه=يفتح بوابك وإنت منته حاس * يقعد لنا في كل خانه إن ما تحشم شفه با ينداس * با يعض بضروسه بنانه=ما قول عنّه فرد من لنجاس * يا ريت بس يستر سنانه قل له تعلم وإلق لك كراس * وفي المساء مش الزنانه=حشمه لجده ذيه ما تنقاس * أمة محمد بنص شأنه محمد بن سعيــد بن مخــاشــن |
اقتباس:
يا ناس بن قطمان قوله قاس * لا قال يعجبني بيانه=والجوهره يلعب بها النسناس * والمزيدي شل الكلانه حبلى ويتنكس بها نكاس * واليوم يتحسف عوانه=قد ضاعت اللورين والألزاس * وللخين مسوى المهانه عامد أبوهم بو حمد نهّاس * وكبيرهم ضانه ظمانه=يوكل على المندي وهم قلقاس * هذا جزاه الباكبانه ولعاد فكه للذي منحاس * لو با يصل درب التبانه=وإحذر رفيقي لا يطير الرأس * ويصير عظمك كيرخانه الحق للقوه و ( فص إكلاس) * لصاحب الكسعه الملانه=وإنته ركب بالبر للمشقاص * وألا لبد في وسْط حانه محمد بن سعيــد بن مخــاشــن ملاحظة: أخي بن قطمان ... منذ 21/10/2007 م أرسلت تعليق على قصيدتك بشأن القبائل اليمنية وتعليقي يحتاج إلى جواب ولكنك لم تجاوب إلى اليوم 15/11/2007 م أي حوالي شهر فهل هذا تجاهل أم نسيان؟ |
شكرا بن مخاشن على الردود السنعه والطيبه
منذو تاريخ 21/10/لم افتح سقيفة شبام ولو تلاحظ مشاركاتي بالزامل تقريبا من منتصف رمضان وهذا لم يكن تجاهل ولم يكن نسيان بل اهمال للانترنت ولكن لي عودة بن قطمان |
اقتباس:
هاجس معي والبال ماينحاس من مشكلة قل الرزانه = بسمر ونا هاوي في المجلاس مابأسال عامر وشانه نعرف لغة واهداف من رمداس والشر يقبس من عيانه = يجلب بضاعه من بلد مدراس عفنه وتاتي بالنتانه يادي تحمس عالكبد حماس لاحوال شف قدها ملانه = الزنجبيل الحار والبسباس مايروي النفس الضمانه |
الاخوان
المخشني والقناص اسعد الله اوقاتكم بالهناء والعافيه
الشعب اعلن حالت الافلاس ولامعه باليد عانه=من قد لبس ثوبه بدون اقلاس ماضن يبقى في مكانه بعض البشر مايعرف الاحساس ولاكسب للعز خانه=قد كانت الحيله لبانواس روح وهو نفسه ضمانه لاشان لي فيما فعل جساس خله يصرفها وشانه=عادة بيتركها بدون البّاس ولابيحمل خيزرانه ذة ديرة الكندي وكمن ساس رجال تعرف بالشطانه=ربت عرب نخوة وقوة باس وكل شاعر من لسانه |
[ نداء للأخوان الأعزاء للغازي والمخشني حفظهم الله
ياجماعه انتم كبار عن المهاترات والمزح ماهو في النت ارجو ان تترفعون وتمتعون الناس بشعركم ولافي داعي للجدال والألقاب تقرأ اشعاركم الاف الناس هنا لازم نبي شعر يليق بكل شخص ونسبه ومقامه وانتم على مايبدولي من خلال كلامكم من انساب عريقه ومن اسركريمه ويشهد الله ان هذا من باب المحبه وان كان ولابد لكم من مزح بهذا الشعر لعله يكون عبر الخاص او في داخل موضوع آخر بعيد عن الناس وانا اقترح ان تكون لكم صفحه خاصه لهذا النوع من الشعر المزاحي والذي فيه مافيه من القاب وعتاب واللبيب بالأشاره يفهم التمس تجاوبكم واملي فيكم كبير لقبول النداء بكل رحابة صدر وحسن ظن ودمتم في حفظ الله اخوكم باكعيكعوه منكم وفيكم ومش بعيد عليكم والشاهد الله |
صل فرضك ركع مادام صاحبك يركع = خذها نصيحه سمع لاصحت بايسمعونك قل منهو طمع ماباه ذا اليوم يطمع = من طمع بيدفع حذرك لايدفعونك من نزل بيطلع شوكل منزل بمطلع = من شعق بيرقع واهل الحسد لي يرقعونك من بطا اوسرع هاجسي ماببيتسرع = شل فاسك قطع وان خنت بايقطعونك |
قل طالب رجع هاجسي ماطاع يرجع = لحمكم مابتلع في السوق بايبلعونك والذي به وجع من كدمنا قد توجع = صيتكم قد نسع والناس باينسعونك ماعرف للبرع لكنني باتبرع = صاحبك مانفع خل العرب ينفعونك من شبرلي ذرع كل من معه وار يذرع = وان بغيت اللطع شيبان بيلاطعونك |
ونا يبدي زرع وكل مالي مزرّع = من حصاده دفع من قبل تبعد ظنونك من حدودي طلع قبل مالشمس تطلع = سيف عندي ويلمع بايقطّع متونك وان محمد فزع ماحد من الناس يفزع = وان بغيت الطمع ماليوم زادت شطونك |
هاجسي ماقنع فالبحر ينزل ويطلع=ماوقف عالشرع ولادخل في شوؤنك والجماله تقع يامن معه شي مضلع=لاكسرت النصع الناس بايذكرونك من سرح مارجع من ديرة ابليس فرع=شي دواء للوجع يامن تعمر حصونك جرعونا جرع والبرق يبرق ويلمع=والمطر بايقع وخافهم يندرونك |
|
|
راح زام الورع واليوم ما حد تورع
جانا وقت الجشع ولكلهم يمدحونك والذي ما شبع عينه على ذاك تدمع يوم جاه الصرع روح وخابة ظنونك كل من به وجع يكوي بمسمار يلقع وان ما شي نفع قلهم يحجبونك |
إلى الأخ الكريم باكعيكعوه ( الناقد الذواقة ) ... لماذا لم تتدخل؟ ألم تلاحظ أن العمودي لم يقصّـر في بدعه وجاب الربط كله صح 100% مثل ( طمع.يطمع/يدفع.يدفعونك ) وإستمر على هذا النسق الجميل إلى آخر بيت الذي قال فيه (ذرع.يذرع/لطع.يلاطعونك ) بينما من أتى بعده لم يلتزم بذلك!!! وأنا في مناسبة سابقة وعلى قافية أخرى عندما قلت ( سهب.زهابه ) فإنك أقمت الدنيا ولم تقعدها رغم التقارب الشديد بين الكلمتين. هل كلمة ( دفع ) قريبة من كلمة ( ظنونك ) أو هل كلمة ( نصع ) قريبة من كلمة ( يذكرونك ) بنفس قرب كلمة ( سهب ) من كلمة ( زهابه )؟ هذا غير تكرار كلمات القافية فبنظرة سريعة وجدت الكلمات التالية تكررت بين الشعار وهي: رجع، طمع، وجع، طلع. أيضا هناك معاني ضحلة جدا جدا والمعنى الضحل أخس من القافية المكسورة ولا أريد أن أذكر المعاني الضحلة كي لا يزعل علينا أحد. لذلك قلت مخاطبا نفسي:
شو قليبي إفتقع * كلين عا الطبل يفقع=حِذر لا تنتخع * شفهم بغوا ينخعونك يا محمد بدع * والقول جيبه مبدّع=كلهم لك تبع * لا قلت با يتبعونك منّها ما شَبَع * أقوال تروي وتشبع=والضحيله سَبَع * يا خوف لا يسبعونك محمد بن سعيــد بن مخــاشـن ـن |
اقتباس:
هل تقصدني بكلمة شيبان يا بو طارق حيث إني أحذق واحد في المنتدى بعد ما طيّرت بن عكعوك؟
العمودي شكع * تحت المدجّه تشكّع=حبل ودي قطع * يا حبل كم يقطعونك ثوب ما به بقع * واليوم كنّه تبقّع؟=يا صغيّر شقع * والخوف لا يشقعونك عض وألا رضع * شوف السّقل دوب ترضع=قول لك ( حاح زع ) * يا شعل بيزعزعونك محمد بن سعيــد بن مخــاشــن |
جميل منك يا بن سعيد كل ملاحظة تكتبها ولا حد بيزعل من قول الحقيقة
المخشني قد سجع . بالصوت دايم تسجع قوله يشفي الصقع . قلهم لي يصقعونك |
| الساعة الآن 03:28 AM. |
|
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir