لنا مدّه ونحنا قل لولْد الذيب نتدكّس=بطى وحدَين ظالمني معا حمُّدِّه وبن سلمان
ونا بالحفن نشرب من قساوة بو حمد بحلس=ولا حد ينكر المنكر من إمقاريم أو روضان
وعَتْبي بس على بو طارق إللي معاد يتنهّس=وهو قد كان يعوي مثل ذيب أسحم في السيطان
يعاين مكرمه من بو محمد ذيه يتدحلس=ولا لوم الذي يغبش لرزقه لا الشفق قد بان

يبعرث فالدفاتر قالو التاجر اذا فلس=ولا ينفعه تجميع الهلل لا زرّه الديّان

يبعرث فالدفاتر قالو التاجر اذا فلس=ولا ينفعه تجميع الهلل لا زرّه الديّان

البيت شف ساسه قوي لكن ستره امشرّقه=محتاج لا ترميم ومعلم في الشغله خبير
ومن سباب اهل القور يالسبع واهل المحذقه=كل ماتقدمنا شوي عدنا الى الصف الاخير

من كثرة العدّي دهلنا ع الترف والبعزقه=نصرف بدون احساب كل واحد حسب نفسه امير
الاولي لي فالخزائن قام في يوم انفقه=والثاني اهبل حب رقّاصه وقده الا فقير
والثالث الزنديق ما نفعته حتى الزندقه=وحده تقوده بعد ما جاه العمى واصبح ظرير

عاد في راسي هواجس من قدا بن عمر عامر=مانبا نغلط كما غلطة حميد
قبل نقطع با نقيس الميح من واحد لعاشر=والليالي مقبله يابو سعيد
مانهم في البث لو عشره كما يسلم وداعر=في ثواني با نضويهم شريد
يعرفوني كلهم لقد السمر حاضر با حاضر=وانت تعرفني ويعرف بو وليد
مثل غيث الخرف باشر اهل صاعد واهل حادر=واسقي احو يره وعوره والرشيد

يالمخشني دائم شعارك =الوفاء والود والكلمه الصريحه=منته منهم لي يحبون التفاخر والمديح
كل من جاورك زارك=اللبن تسقيه من ضرع المنيحه=في أباريق الذهب تسقيه ما هو في سفيح

عمر أيش غيّر أسمك وانقلبت اليوم لا حمدي = وبكره خاف تتغير ويدعونك هنا حمدون
أنا من عمد مابى القاهره جنسيّتي عمدي = وردولي جوازي باعمد من حيث متعمدون
ولي أمم حقوقي منه ياضيمي وياكمدي = أنا مكمود لكن العزاء جم ناس مكمودون

عمر أيش غيّر أسمك وانقلبت اليوم لا حمدي = وبكره خاف تتغير ويدعونك هنا حمدون
أنا من عمد مابى القاهره جنسيّتي عمدي = وردولي جوازي باعمد من حيث متعمدون
ولي أمم حقوقي منه ياضيمي وياكمدي = أنا مكمود لكن العزاء جم ناس مكمودون