البيت قد شله وشل الحوش =فوق الشجر كثر عشوشه
من بعد ماهو بالقطف مفروش=فالسطح قد نصب دشوشه
و ع صاحبك قالو حموله عوش =قد قصدهم يعطوه نوشه

يامرحبا با القول لي منقوش=فوق الحجر تعجب نقوشه
كل من يبا نفسه مثيل العوش=فزعان ليّعدوا بعوشه
وان قد لقاء عاراسه الطربوش=بتجيه وسط الكّبد حوشه

البعض من افعاله كبرت لكروش= البعض يهبر و يتدرب على الهوش
صفقات جلجلت بالسوق لي مرعوش= والسهم يتمخطر بفرحة المبشوش

يامرحبا بالكلام الزين ذي قد تصدر=من عند بو طارق غريب المعاني
كلام ماله مثيل فالبحر هو البر=والبلاجيك وباتيده والعيلاماني
صح لسانك لا بو طارق عمر=ياشاعر لجاويد في هذا الزماني
لا هريت بي ابد ما باعتذر=عدك مثل الكبير في خواني
والعفو لاشي من لساني قصر=شف الهاجس في لخبوت خلاني
ولعاد شي قوت في حلقي عبر=بعد ماقد فارقت خاتم يماني
هو في الدنيا سمعي والبصر=وفي نهار الشاره عده كناني