|
|
قل لبوطارق الليله وعندي بشاره = جاتني قال ابوفيصل في الحال هالحين قالوا الحصن قد فكوا شفهم حصاره = لي كان ماكن بكم قرصه وسبعه كوالين |
اقتباس:
|
لي حلف قال ابوفيصل يدور خصاره = لي كان اول يدور عالغنى والتلاحين قال بنقض يميني مانهاب الخساره = وبانكفر ثلاثمائه لخمسه مساكين |
اقتباس:
لي شرب بالقلن قله قنع بالغضاره=وقله الصيد في حضن الشهم باصويطين لا تحاول كما ذي هم مسوا في المغاره=سبعتعشر قتُل منهم وعشره مصابين |
اقتباس:
|
ليه ودك نذبحه
|
اقتباس:
|
وين الشعار الليله ؟؟
|
اقتباس:
|
في انتظاركم بفارغ الصبر
|
بغينا قصيد لكننا لاتبتون بالموضوع في بانجي مابانجي يابن احمد بوفيصل يقول لكم اهلا وسهلا وصوت سيبان يتحداكم تجون ياله خلونا نشوفكم
|
هت فصل يابوفيصل بانسمر والا بانسري شفنا بنا برد هههههه
|
الف حيا وسهلا يابو نمر وهذه الساعه المباركه
|
عليك الفصل يابونمر
|
ايام عشقي في الصغره=حبيت سيحوت والمهره لكن وادي قضاعه غير=لارض الوطن شلني ياطير من حيث ما ريحة الخضره=غطت على نفحة البتره عطر اليمامه وعشق اجبير=لاض الوطن شلني يا طير |
اقتباس:
لاسريت في الليل بالقمره = الصبح وانته في المهره لكنك الاعبر خرخير = لارض الوطن شلني ياطير ذكرتني ياعمر سقره = عديت شفني على بدره ياريتني ياعمر باسير = لارض الوطن شلني ياطير |
ماشي قفى اليوم لابكره=بنحط كانون في الحجره يبن العمودي مساك الخير=لارض الوطن شلني ياطير |
اقتباس:
لو هي على حلقي الشفره=اوسير وادحق على جمره ما القيت شي ياعرب تقصير=لارض الوطن شلني ياطير لسيحوت ياريت لي نظره=البار بالعزم والقدره الا ان وقع ياعمر تغيير=لاارض الوطن شلني ياطير |
اقتباس:
يالذيب قلبي نفذ صبره=ماعاد لي ياعمر قدره من زايد الشوق ودي طير=لرض الوطن شلني ياطير هرجك لقى ف الكبد حسره=خليت صاحبك في زره اثرت في ياعمر تاثير=لرض الوطن شلني ياطير |
اقتباس:
قايست حوره كما الجفره=يالمخشني جوّد السهره وصوت كما صوت بدوي زبير=لاأرض الوطن شلني ياطير . والشيخ لا زيّن السفره=له قدر عندي وله جبره والجود عزه سوى التقدير=لاأرض الوطن شلني ياطير |
اقتباس:
باسير شونا قفاء لثره=وعالرمل بانطرح البتره موتر معي مايباء تدفير=الا ارض الوطن شلني ياطير |
لو أعجبكم تسمروا عليه
يابو نمر ماباك من خاطري شل قشك وهب = واكف العرب خيرك وشر = خل البلد لهل البلاد =والرزق ع رب العباد من يوم ماولوك كل صالح على يدك خرب=هل عاد لي منك مفر =ذاك المنى لي والمراد =والرزق ع رب العباد |
اقتباس:
ماشي مفر ماليوم ياخنتوب من مانا شرب=والي شرب مانا بشر ماجات شربته الجراد = والرزق عارب العباد وان شي معك حجه قويه لا تبت عنده غلب=قل له ان تباء عندي ظهر والا ترك نحن بعاد= والرزق عا رب العباد |
اقتباس:
ريت الجهاء والهتف يقتل كان بتموت ا لذيب= ولعاد بايبقى غبر في الشحر وضواحي سعاد =والرزق ع رب العباد كثر التماني لاتماني لاقصب جابت وحب= كل الذي هو في الوصر يالخنتبي قسم الجراد=والرزق عارب العباد قولوا لبوخنتوب قل تبت يدا الخاين وتب=ذي بدل الفرحه كدر وانشر في الأرض الفساد=والرزق ع رب العباد |
اقتباس:
شفهم كثار اليوم لي حلقوا اللحايا والشنب=وذي خلوا الجذنه طيّر والبيض قلبوهن سواد=والرزق عا رب العباد لو شي مروه كان حطوها البواري عالرشب=غلق محّرم جاء صفر والنار قدها الا رماد= والرزق عا رب العباد |
اقتباس:
يالسبع ماشي صدق شفنا طول من هرج الكذب =كلين عا قرصه جمر ويحب دوب الأنفراد =والرزق ع رب العباد بعض العرب ماشي معه غيرالمنابر والخطب =والفاتحه هي والسور الذي عليها الأعتماد =والرزق ع رب العباد |
اقتباس:
يامرحبا بالهرج لي جاء من رفيعين الرتب=اهل المعاني والفكر غصبا قداه الراس ناد=والرزق عا رب العباد سنيت فاسي با حطب يابو نمر ماشي حطب=في ارض ما فيها شجر تعجب من امات الفناد=والرزق عا رب العباد |
اقتباس:
قل كيف باتحطب وهي صحراء يشوتها المهب=خليّت من اعواد العشر لي ماتفيد الناس زاد=والرزق عا رب العباد وانك تباء تحطب دخل غابه تجد عز الطلب=وان شفت مرصوص العيّر خل لك حياده بالرصاد=والرزق عا رب العباد |
كل الشكر لك
|
ايش رايكم في هذا الفصل
يالذيب حد ينكر النكره= مخلوق من بوه يتنكر شوفوه ذا ياعرب منكر= لاماتنكرون شي منكور ماهو بحسه معه سكره=الظاهر إلا إنه يتسكر شكل الولد مؤخذ المسكر= مابيرمي بوه لاالمسكور |
اقتباس:
باصحي من النوم بالبكره=من شأن من نخلي اتبكر نخله معي في الحجل تبكر=فيها بدأ شوفه التبكور |
اقتباس:
لابد ماتجيه شي عثره=ياما دحاميل تتعثر حتى القويمي مسى يعثر=والبرمكي عد به معثور وذي هو يخب ضيع الكسره=خايف على الساق يتكسر اكبر على بن عوض لكسر=لي ماجبر ساقي المكسور |
اقتباس:
يابونمر مامعي قدره=مكتوب عالناس ومقدر لا نا ولا انت بانقدر=يالله بنا نوخذ المقدور النخل قطعوه من جبره=سالم علي ضار يتجبر لي يخرب الساس ماجبر=ما قال انا ياعرب مجبور |
اقتباس:
لاتحط يالسبع من قدره = ماكلها الناس تتقدر حد غير قادر وحد يقدر=والبرمكي خاف له مقدور هدته شفها في الغدره= دهن من الليل لاغدر لاعدك تسعف وبك يغدر= وتقع لنا الأولي مغدور |
اقتباس:
يالسبع كل من نفد صبره =عدنا بغيناه يتصبر ولاهو خسران من يصبر=فيده مع من هوصبور وش بايدخل معه قبره =شفنا الذي مات وتقبر لوحد ذكر يوم مايقبر=كل يوم بيزور القبور |
تصبح على خير
|
اقتباس:
القاء لنا ياعمر قصره =والحبل لا طال يتقصر لما متى حبلهم يقصر=يكفي من المغث والتقصور لو جاد بنقوم له نصره=لكن ضوت سوقت امنصر لي في المداره دخل نصّر=والشرح في حوش بامنصور |
|
اقتباس:
حكمني الوقت يابو صقروايامي =معدها مثل ما عدة من الايام حجاني الوقت بين الجرح والامي=ودكتوري بعد وتكاثرت لالام |
اقتباس:
يموت الوعل فا الخطمه وهو ظامي= ولا كنه غلب ينذل ولا ينظام و حادي يا عمر عا جرحك الدامي=ولبعد ليل مهما طال قالو دام |
| الساعة الآن 01:28 PM. |
|
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir