ما يجيك الضماء والغيث فوقك يسبل =ترتوي من كرع في كل وادي سيوله
يوم ضاقت على الحلان كل باب قفل =قفلو الباب يا محمد وشلو قفوله
يرجع اللوم عا لربان مركبه ميل =ضيع المال والركاب ساعت ميوله

انت يا شيخ اعرف مننا وانت اعقل = عارف المال هذا العام ما لقى سبوله
وان بقينا كذا عا القات هو والمعسل = وصفنا في الرداعي والمريسي وطوله
لا تلاشى الرداعي بايجيبون مطول = في المباراة با يشلون كاس البطوله

السلام عليكم ورحمة الله وبركاته
حنيت للوطن وارجوا ان تنسموا على حالي بالرد الجميل

شلني يامسافر بالله تجمل لاتفوت=حيث ماخلي سكن باشللي نضره وصوت
ماتهنى في منامي قال بوعمار وقوت= شلني بالله تجمل يامسافر حضرموت
بازور خلي دي هجرته لي قرب اربع سنين=ماتحمل نا فراقه والبعد قاسي وشين
لو عاد لي نضره تكفي قبل لافارق وموت= شلني بالله تجمل يامسافر حضرموت

مني سلام الف والفين كلين يسمعه = من بابحر نعمان حمران
باهدي سلامي للرضي بن الرضي = باتيس غالب ذي جمع كل الفنون
بو راضي فارس على جواده معتلي = رافع الرايات من كل شكل ولون
فارس نعمان بيمينه سيف وباليسرى = قلم يرفعه على كل حاقد ومغبون
نعمان معروفه في الارض من شرقها = الى غربها برجال للمنيه يعشقون
تشهد بذلك شبوه وقبايلها وما حولها = وتشهد لهم قارة الملح والقرون
وشهدت لهم ديار العرب والعجم في = قندهار يوم العوالم يطاحنون
واسأل البحر عنهم واسأل السماء = واسأل وحوش البريوم يقاتلون

ياالي خلطت الحلو باالقار=أفهم كلامي والعباره
المعصره شف قطبها دوار=والهيج في وسط المداره
وايش عادنا باقول وأختار=والفقر يغلب عاالتجاره
ذا بحر ياصاحبي غدار=ياما سفن دقت قشاره
ماغير بانطفي لهيب النار=ولعاد با تقبس شراره