كل من زل حده وجار=با ينقلب ضده خساره
طال السهر والنوم طار=وينها شمس البشاره
النار شبت في الديار=وسبابها جور الحراره
لامتى والجو حار= وين السحب ترش مطاره
بختم ياناس الحوار= وهاجسي صدر قراره
ماللكلب هو والحمار= غير السفر هي والحجاره

كل من بطا في الانتظار=باتلتهب عنده الحراره
الصقر بعد العول طار=والطير قد اعلن فراره
واللول في قاع البحار=مقسوم في قاعة بحاره
قسمه ولا هي بالخيار=بالغصب ماهو باختياره

ياويكم ياهل البطون الواسعه =يالي تنهبون اليتاماء والضعاف
دنيا دنيه ما بظني نافعه=فيها الشياطين الخبيثه والعياف
اما الذي هم بالعقول الضايعه=مافكروا في يوم مشهود الوصاف

جيت با شارك بحجه نافعه=اهل المعزه والرجاجيل الشراف
دايم يخلوا الخواطر واسعه=كل من دخل معهم يحصل اعتراف
يا اهل المعاني والهروج الرافعه=لاحد حضر منكم بلقيله مضاف

محتار خالد ياعرب محتار=ماشي اعترف في وقتنا المقلوب
الناس رجعوا كلهم شعار=حد منهم عنتر وحد شيبوب
وحد بغاء منهم كما المحضار=متعوب حالي منهم متعوب
تميت واقف عند باب الدار=يانوب وينك ماتحن يانوب