|
|
ما بترك الصاحب ولا بشناه=والعاد حد يزعل من الغران وان جا غلط من طفل سامحناه=الصبر للصاحب وللجيران |
اقتباس:
حـــيــا وسـهـلا عـد مـا خـلـناه *** براق يلـمي ســـيل الوديــــان ناغوص اسمه عكس يا مـهناه *** نطقه ذكــي وينظم القــيــفـان يـــالله بـلـيـله نتـفــق نــا ويـاه *** وسط العضيده سعفة الرمـيـان لــقــد بــدع جــوب عـلى معناه *** ندبس بغيه من عسل جــردان |
|
اقتباس:
كلاااااااااااااااااااااااااااااااااااام يالاشتراكي العين ؟؟؟؟؟؟؟؟؟؟؟؟ هههههههههههههههههههههههههههههههههههههههههههههههه |
اقتباس:
اهلا ببو شايع ولاحد يجهله=شاعر محنك له سلامي مرتين كامل وبيت الشعر عنده كمله=فوق النقاط الحاصلة له نقطتين يعرف مثايلها ولاحد مثله=شاعر ولد شاعر يرد بالزين زين يالموت خله في حياته ومهله=ذي سلبته رشاش من زين الخزين والغازي البداع ماحد يجهله=هو فارس الميدان بيده حربتين ابن الاكابر الوفاء يستقبله=لاجيت رحب بك ولا يسال منين كلام له فالمخيرة والمرجله=قمه على قمه كلام الشاعرين |
حيابكم ماحن راعد مسفله = والترحبه مني لهذي القشعتين خصه لبوشايع وليهو كفله = مره قفا مره ردفها مرتين منساك الا ياشيخ راعي الاوله = ياولد بن قطمان شيخ الفزعتين ذكرك على بالي ولابانزهله = يومك مقدم فوق كتفك نجمتين كل من نشد منه بوادي حصله = للضيف فاتح باب ليهو درفتين شو مثل بن قطمان مابابدله = حطه على يمناك يسوى دولتين |
يهل المغاني وسعو لي فالوله=لاشبو القطني بوخذ دارتين يوم الصفا يطفي النيار المشعله=كل من فرق خله مسا عالونتين يمسي ويصبح مثل شارب لنجله=صباب دمعه من عيونه ثاجيين تمناه شوفه فالليال المقبله=يارب تمناتي تجي في ليلتين مرة ليالي سود ضلما مذهله=وامسي كما المجنون دورله فيين ماشي دوا لمراض قدها معضله=لن كان مضنوني عطاني حبتين باقول هذا بايحل الشكله=يشفي فوادي طين مدة ساعتين مثل المطر ذي فالطهوب المرسله=تحيا به الوديان برض الجنتين بنسا السهر ذي فالليالي لوله=باقوم باصلي تجاه القبلتين وانتو معي صلو وانا صليت له=صلو على المختار واهل القبتين |
;كلااااااااااااااااااااااااااااااااااام يالناغوص
انت الطيب المعالج وابياتك الجميله والجزله دوا تشفي القلوب الموجعه انت الطيب وليس الناغوص |
الليل ياشعار ماشي معذره=كلن يبدّع في قصيده والمقال الغازي الليله مسوى عتوره=عينه على الجمّال مره والجمال |
العود باجيبه وجبت المبخره = بادخن الدسمال والرادي وشال باقول للشعار أهل المخيره = يكفي من الزلات عابعض الرجال هاتوا الكلام الزين خلوا المسخره = بنشدك ياطالب من اصحاب الرمال العتوره ماليوم ماشي عتوره = وان حد سعف ماعذر كلل به كلال |
البارح الجزار سوا مجزره=وامسا يقطع تحت لدقام الطوال ان كان حد مفتي نشد واتخبره=حد بايحرّم ذي وقع والآحلال |
[QUOTE
=طالب باتيس النعماني]
الليل ياشعار ماشي معذره=كلن يبدّع في قصيده والمقال [/QUOTE]الغازي الليله مسوى عتوره=عينه على الجمّال مره والجمال البارح الجزار سوّا مجزره= وامسا يقطّع تحت لدقام الطوال ان كان حد مفتي نشد واتخبره=حدبايحرّم ذي وقع ولا حلال |
ويقول بن قطمان واسمي حيدره=حسفه على الدينار ياصرف الريال قد كان في صرفه يعادل بعَشرة=واليوم لاناقه ولا خمسه جمال والشعر يالشعار يعرف مصدره=والملتقى يبقى معزة للرجال جنا زمن عنتر وروح عنترة=واسم العروبة شاع من ثورة جمال واليوم كل ابطالنا فالمقبرة=واحنا على الذكرى نحركها جبال كلن عمد دارة وماسك دفترة=يقراء على تاريخ رواد الفعال المجد باقي والعرب باتظهرة=تعال يامجد العرب واظهر تعال |
مولى الصحيفه مايحل الكندره=وان حلها باقول هذا شي محال والعودباقي ياخوه في المنجره=والبيرمهما طال عمقه له حبال دقموس يهدرفوق قطب المعصره=والغيث من فوقه يهوطش با السبال والشهرلاطول غيابه تنظره=بعداالليالي السودبي بان الهلال |
لاتشتكي ماليوم شفها مدبره = أبليس في غزه متغتر بشال يوم السليط الزين لي في المعصره = غشوه بالرانجيل وزنولك رطال قولوا لبن قطمان سووا مجزره= والتيس لي مذبوح لحمه عالتفال لمى متى وأبليس ملقي كركره = دايم سأل نفسي انا هذا السؤال الرقص هو والهز وسط المخدره = والناس تتراقص وخلق الله قتال لاجاهم الشيطان وسط المحضره = حتى المحرم عندهم اصبح حلال في القدس والضفه وغزه مبعثره = باشلا كثيره منها كم عقل مال |
«®°·.¸.•°°·.¸¸.•°°·.¸.•°®»ابليس بغيناه يحط الشال يا الغازي«®°·.¸.•°°·.¸¸.•°°·.¸.•°®»
|
اقتباس:
يا ريت بن قطمــــــــــان مره ينظره *** بايذكر الســــــادات والريس جمــال واليوم قدنا في ربـــــــاع المحشره *** ولا عاد حد كـــــــامل ولله الكمــال ذا رمز من شـــــاعر قوافي مشفره *** با لهب ما يعرف قبــــــاء لذن بـــلال والبيض سوالــــه جمــــــال مشوره *** واهل العواصم مـا يقودون الجـــمال ما شاف بو راضي قوي في مهذره *** مشرف على الموقع يدقق عالسـؤال لعمــــــــــار بيد اللــــه قدها مقدره *** ولعــــاد بنخلط حرام (ن ) بالحــــلال شف حيدرة شــاعر ويعجب مسمره *** محسوب عندي مثل بو زيد الهـــــلال |
اقتباس:
يا مرحبا بقوال جات امسطره=من رجل له تقدير مابين الرجال يبدع على القافي لسانه حرره=يبني على مبنا الرجاجيل الدوال واليوم بوشايع خطب من منبره=اقوال حكمة سطروها لي مثال والتيس ذي جابوه وارد بربره=محال يرجع لاقدا داره محال ماعزه الا الذبح فوق الحنجره=مادام عاد الشهر فالقبله هلال عداء زمان البحتري والشنفره=والزير سالم واخوته وابني هلال |
بن قطمان وبوشايع
مشاركاتكم الرائعه منوره السقيفه اشكركم جزيل الشكر على التواجد الدايم |
ابديت بك لا ياالاهي ياصمد=تغفرذنوبي ليلة اضوي فاللحود يامطلع المنشي وله ماطر جمد=ويش عادني باقول لا لعضا جمود بلقا ذنوبي ماتقدم ورتصد=ماشي ثمر من مال والقاعه رصود عساك تغفر لي ذنوبي فالشدد=ياواسع المدات يالرب الودود ذا فصل والثاني على القافي ورد=هاجسي جا طربان ويقسم ورود والبخص بايضوي على بدو المقد=لا قدطرح منشيه والماطر يقود واحنا نخيل غيث في نزله برد=والناس قدشافو بروقه والرعود والقول باعده على القافي عدد=ماشي غلط بيسير في عد النقود |
يالمعاني بوصيك بلغ حيدره=سلام بالمليون واعداد السبال معروف واصله من رجال المخيره=زين النسب فالناس من عمن وخال وان قدنشد مني فته واتخبره=قله علوم الخير ساكن كل حال ذكرتني ماضي وانا بتذكره=وامسي كما الحيران في سود الليال مايعذر الدينار ولا بانعذره=لابانت الفرصه وحصله مجال والا وسط لسواق وقعت محشره=لما تقع قسمه بميزان القفال |
اقوال من عندي تجيك مسطره = أقوال موزونه بميزان القفال ماهمني شوعي ثيابه مشعطره = لمى متى واحنا نحمل عالثقال مسكين مايلتام ملقي قسطره = كله من الايام ليام الدوال لي كان متعجرف وملقي بهتره = كل مالحق له بسط ماحصل قيال |
لا حول من مولى المشط والمنضره=لا جيت بتكلم وقع لي فالقبال بشكي على العقال واهل المجوره=من منكم ذي بايسكت لي بلال والابحد السيف بقطب منحره=ماهو عسر عندي ولا عاصي وفال لما يحط الشال هو والمسدره=يندر بلا رادي ولا غتره وشال |
اقتباس:
حيا رحب بقوال من شاعر تعد=عديتها عدة كما عد النقود بدو المقد شدة عليهم لارعد=والبرق يبرق بعد حنات الرعود واهل السواحل بخصهم حوت الثمد=لاشدو البدوان من صحراء ثمود يوم الاسد ماعاد فكر فالاسد=ضاع النمر بين الذئابه والاسود حتى النجر ماعاد يبغون الحدد=من بعد مازاحو براميل الحدود جيت الضليعه قد لقيت الباعبد=وعبيد عادة مايفكر في عبود واهل التجارة ضيعونا بالعمد=لاقلت نبغاعود جابو لي عمود هذا كلامي لك وياشاهد شهد=ماينظلم مظلوم والعالم شهود والجو بارد بس حالي مابرد=وبعضهم بيجر نفسه بالبرود |
ذا فصل مالشوعي بوادي تاه = مسكين من ضيع دروبه يذكر زمن عدا ولاينساه = والناس تتذكر حروبه واليوم نا شفته على المعداه = والغيث يرعد في طهوبه محتاج له كيه على المحلاه = لي كان يكوي عاشعوبه |
هل ممكن نشارك معكم ياشعار وبدون اي احراج اذا لنا مكان بينكم والا بلاش
|
اقتباس:
الباب مفتوح والسقيفة تتسع للجميع واهلا بالجميع |
اقتباس:
عزاه ياشعب اليمن عزاه=عزاه ماشي في جيوبه لوكان بيدي خاتم التمناه=بلقي الابو يرجع لنوبه وكل مبنا يرتفع مبناه=ورجع ايام الشبوبه لكن ضاع الحق من مولاه=وفينهم ذي يدعوبه |
اقتباس:
ابديت بالواحد كريم الجاه=يستر على عبده عيوبه كل من طلب ربه ويترجاه=لاتاب يغفرله ذنوبه وان ضاق عبده بالفرج نجاه=يفرج همومه والصعوبه عنيت للغازي وناصحناه=يسكت من السبه وغوبه جبته على اليسرى وعايمناه=لاكن عاده في غيوبه برسل له العاني مع التعناه=بطلعه في عقبة حروبه كمن مهجر بالكلف جبناه=مغصوب يندر من غلوبه |
|
ارقب صرر عالي نثر مجناه = لابد ما لطعم طنوبه جاب الجنى من حيث لا تلفاه = داويت به قلبي وصوبه من لحج صدرته لوادي ساه = وحلان في صنعا دروبه لاهل العسل هذا ومن يشناه = يبقى على حلبة وروبه |
تحيتي لك ياابن الاجاويد تنقاد اصايل في حوض جودك مواريد وتحيتي للربع من غير تعداد تحيه بالشعر والشعر تحديد عسئ لكم بالتحيه افراح واسعاد ويشمل دعائي كل هاك الاجاويد
|
ابوراضي نشكرك علئ هالابداع ونامل ان نرئ منك الجديد
|
ذا فصل نبغى بانحل المشكله= وفينكم لا يارزينين العقول في شاشة التلفاز اشيا مذهله = ومنها مدريت وش عادني نقول |
ابدااع ما بعدة ابداع
|
اقتباس:
عاد المشاكل يارفيقي مقبله=والصدق عند الناس ماله شي قبول من بعد ماضاعت شروع القبوله=وايش عادني باقول وانته لاتقول هذا الزمن لبواب فيه امقفله=وان جيت بفتح باب حطو له قفول هذه سنين العيب شفها موحله=ماباك تشكيلي ولا عندي حلول |
لا حول من مولى المشط والمنضره
لا جيت بتكلم وقع لي فالقبال كلاااااااااااااام يلاشتراكي ماهو المقصود من هذا البيت ؟؟؟؟؟؟؟؟؟؟؟؟؟؟؟؟؟؟؟ |
اقتباس:
قل لمرعي بغيت اخبار موجز ونشره=ليش قله يجي فاللوم يضلم نشيره والحقايق لهاعادات عشره بعشره=كل دعوا وتقوا عند شيخ العشيره |
|
اقتباس:
|
| الساعة الآن 07:09 AM. |
|
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir
