|
|
اقتباس:
المخشني لا سار لا وادي عرف=حيث العشب والهيل واشجار البشام كل ماقرب ضيع طريقه واكترف=وامسا يدور في دجا داجي ظلام من قبل مايبلغ على المقصود لف=واصبح بوادي ساه والا في شبام لو شل معه بن حيد والا باطهف=بايوصلونه حيث قصده والمرام |
جور الزمن يا ناس خلاني قذف =الكذب هو الزور في شهر الصيام
شكواي برفعها لربي في ملف = بحرم عيوني النوم في حل المنام |
ذا فصل بانغصل على المثمون = ان حد معه همه قويه شونا بغينا الضرب بالمرشون = بالميم طا والنامسيه |
بلغ سلامي خاص بالمليون=على الوعول المعشرية ان حد خرج عالشرع والقانون=بتغيب شمسة من عشية يالغازي اعقل لا تقع مجنون=خفف حمول الدوسرية شفني قفلت الباب بالكيلون=واقفولها دائم عجية |
ان شي سدد عالقصر حق سيؤن = بدخل لها بالمدفعيه وانك تبى زاهر كمى نفحون = تحتاجلك عالقرن كيه ماحد ينافس شاعر المليون = في التاليه والاوليه والهيج لي يهدر وهو مرصون = همله في خطمه خليه |
اقتباس:
حيا وسهلا عدد مالبراق رف=واسقى مثاويها الاجاويد الكرام جبست العيدان وحف الوقت حف=تسوق المطريارب يسقيهاالغمام وبعد يابن عمر ماشي بايهف=ماشفت في غزه على المعبر زحام ماشفت كيف البرد ع الضفة يلف=والناس في الغدرا تبيت ثم تنام |
اقتباس:
حب الوطن إيمان لو تدرون=لا يا الوعول المربعيه بنموت دونه ما نباه إيهون=والحبل باقي فيه ليّه مهما حصل أو كان أو بيكون=ما نلشع ألا الطالعيه محمد بن سعيــد بن مخــاشــن |
كلاااااااااااااااااااااااااااااااااااااااااااااااا م ياشعار
هكذا والا بلاش قصيد بدون سب ولاشتم لامجال للذين يريدون تعكير صفو ا لحلان |
اقتباس:
اذا شفنا الصفو وبعدوا الاخوان عن السباب بانشارك معاكم |
البيت بيتك يالكعكعي متى ماشئت تفضل
|
ميزان قلي عن خبر قيدون = ليهي حصونه معتليه قالوا سقط ماحصن بن هيدون = هذي خباره الاوليه |
اقتباس:
اخبار هم عيفه نكد وحزون =ماشي خبر يفرح شويه كن المقدر لابدان بيكون =يالله عسى ساعه رضيه بالعافيه ندعي وجم يدعون=لفخامة الريس بنيه من قلب صادق ماتجيه اظنون =في ادمي شروعه وفيه |
يالكعكعي شوفك صبى النون = ياوعل وقرونه حنيه لمى متى ياهيجنا مرصون = نبغاك تهدر كل شويه بعد السجاره تشرب الغليون = شوفك ومتكبر عليه الله يشفي عمنا المعيون = يعطيه له صحه قويه |
اقتباس:
حسفه على الوجه الذي مزيون=لا إنصاب بأمراض (ن) عصيه لو به قطيب أو صابه الطاعون=أو جته حمى قرمزيه (( بالعافيه ندعي وجم يدعون ))=يا الله تِجْنُبْه البليه ] محمد بن سعيــد بن مخــاشــن |
اقتباس:
مجـــــرد إعادة تنسيق لهذه القصيدة. |
اقتباس:
تكفون يهل المعرفه تكفون =تكفون ردولي شويه شو عادني في صاحبي محنون =مبغيت له سهم المنيه ابغاء خبر واقع يجي متقون =مافيه شي لفه وليه الله يقدر كل مافي الكون =وتكون له لقياء رضيه |
اقتباس:
يالمخشني نسق لنا المضمون = يومك من اصحاب القديه عضون اسم غيل في الشعبهوان بك ضما بسقيك من عضون = بسقيك من شرب هنيه وأنك تبى ترحل قد سمعون = ليهم طرقهم ملتويه لابد تصبح منهم مطعون = أهل الطرق الهابطيه |
ماشي خبر من شاعر المليون = شو عادها ربغه ونيه وتولهوا مبغيتكم تبكون = لمان يحكم في القضيه وان رحت ياهمان جا فرعون = شف كلهم عينه سويه اما المخيله سيلها مسهون = بارق وراعد في النشيه |
كلام جميل جدا
نسال الله ان يشفي الريس القائد على عبدالله صالح |
الله يعطيكم العافيه جميعا أشعار ممتازه والجميع ينصح بالحفاظ على التراث نعم يجب الحفاظ على تراث الأنسان اليمني لأنه عز وفخر لنا وطابع يميزنا عن غيرنا من الشعوب |
ذا فصل ساهر والخلائق راقده = سهربي الهاجس وخلق الله رقود قال العمودي والمشاكل واجده = وين العرب ان عادشي نخو وجود ماشي حراره شوف بقعا بارده = من ماعجبه السوق روح بالبرود لي ماحسب للصادره والوارده = ماعذر ماتجيه المنينه والورود |
اقتباس:
خل الحليله يا العمودي قاعده=الناس في همره على الدكه قعود وأما التجاره كل أبوها راكده=والظن با يبطي الغلاء هو والركود قد مات ذي قاوم وسلموا اللابده=حاز السلامه من تربى عا اللبود كل من خضع لأمر السويداء الناكده=بيعيش في راحه ولا يحلم نكود بس يترك الشعب الأبي في مكابده=وأوضاع عيفه ذي تحوّش بالكبود ولعاد تتوقع مدد وِمْعاضده=من با يبزّك بالسواعد والعضود؟؟؟ محمد بن سعيــد بن مخــاشــن |
لاشكر على واجب يامولى الحنو
مرورك يسعدنا ويشجعنا اشكرك جزيل الشكر |
يوم الحليله وسط راسي عامده = مايختفي من كان أهله بوعمود كله من السمراء علينا حاقده = لعبت بنا والناس لي معها حقود لاتشتكي بالبنت لي هي عاقده = هي وقعت من سمح بتوثيق العقود ماليوم يامحمد ظهرت ناقده = من صبح لمى الليل تفرز عالنقود |
اقتباس:
اليوم شف ( يعرب ) فصيله هامده=وش حدّها عا ذي المهونه والهمود؟ صاروا لغير الله فرقه ساجده=ما يجوز هذا الإنحناء وألا السجود عدّى زمنها يوم كانت صامده=أيام ذي فيها التصدي والصمود وغيثنا مبعد يدمدم راعده=البرق ما شفته ولا أوحيت الرعود وين الشعار؟ ظميت آبارهم من فصلك هذا يا بو عمود! محمد بن سعيــد بن مخــاشــن |
اقتباس:
البنت قدها اليوم هي الوالده=وعاد الليالي بالنكد حبلى ولود كل القبايل في وتاها موادده=كلن يدوّر بِرّها طايع ودود عا السيل ذي يروي جروبك رابده=با تكسر الوادي ولا يشل الربود وكل الأمم تمشي قفاها حاشده=يا زينها لُمّان تأمر عا الحشود من با يقاوسها التي هي فارده=إزنودها والسيف معها والفرود؟ محمد بن سعيــد بن مخــاشــن |
يالمخشني جم ناس ظهرت حاسده = يالله يقع مسمار في عين الحسود ان كان حدفي ضيق نا باساعده = مادامني في خير بارض البن سعود اما المشاكل شوفها متصاعده = وان حد محدر بايردونها صعود يالمخشني يالله ضربه جامده = وتحرك العربان لي باتوا جمود |
اقتباس:
إن جاهم الـ ( ماكين ) من بيجالده؟=وإن جتهم ( إكلنتن ) فبا تشوي الجلود وبُصُر ربي أمّته له عابده=إن با ينجي أو يعذب با عبود وأما الولد باراك سته شارده=في كينيا والناس كل بوهم شرود ذي رشّحه ما أعطاه فكره راشده=مغروم يطمر ما معه شي ( بارشود ) بارشود = مظلة القفز من الطائرات. محمد بن سعيــد بن مخــاشــن |
ذافصل صحنا من كلام الزور = جات الرشاوي للوزاره والليل غدر مابصرت النور = وابليس قد ولع بناره ومن البشر ليهي تلف ودور = كلين يقلد باب داره قال الخبر لي في الصحف منشور = النار اولها شراره |
والجمل ذي في المنتاق تسمع هديره=ماتهمه مراحالهاوفي الضرك يشبي
|
احسنت ياجحدر ولكن كن مراجيسك نص كم
بيت واحد فقط يجب عليك تكملت القصيده |
واجمل ذي في المنتاق تسمع هديره=ماتهمه مراحلها وفي الضرك يشبي مايجي الحلي دوب الوقت فوق النصيره =ايش باقول حط الذنب من فوق ذنبي |
اقتباس:
مالهيج دايم هو اللي بايقود القطيره = وللحمل دايم كل هيج ظهره يلبي ولا ركت رجيله كلين يعرف مصيره = بين يدات يصبح لحم عالنار مضبي |
ماتهم القور هي والجبال العسيره = لامتى وانت طالع للقم دوب تحبي شفتك اليوم تحسف عالحجال الخضيره = يومني كنت عزك ودي انته بقربي من تشرقع تقرمع بالكسور الخطيره = ويل كلمن تعدى او مشى فوق دربي وينكم وينكم ياهل الوجيه النويره= ماسلم منهم نخلي ولا دوم علبي |
مرحبا قل لبكري ما تبث الهجيره=ما ظهر النورمن بعد الظم بامر ربي ثاني القول با حييه شيخ العشيره =لي عقدموتمر ما بين شرقي وغربي |
[
p بافحم الطوب باسلم حبوب المطيره =من عصيفوربادفن في الحجل كل حبي الفوادج معي والعين عندي بصيره=والقصوف التي لحكم بها دوب ضربي لادخل الودن يتوقع ويوخذحذيره=قبل مارميه وزقل به لجروان كلبي[/ |
هنا تجد الابداع
في مساجلات الزامل بفضل جهود الاخوه الشعار |
يوم جحدر تكلم ريت عنده ذخيره = مامعه شي مدافع صنع روسي وصربي دوب عامد على قاره بشمس الهجيره = يحسف النخل دايم في شداقه يخبي من دخل بايشل حقه وحق العشيره = مايخاف القطط قل للملبي يلبي نعمل المال دايم حلينا عالنصيره = من معه قصف ظلا تحت شجره يصبي |
فصل ياطالب والاصبر على ماجاك فقد اعذر من انذر
|
اليوم باسافر لبيت الله=بركع وبسجد عند بيته والركن لسعد بخت من يلفاه=يارب حقق ذي بغيته |
| الساعة الآن 06:07 PM. |
|
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir