الجود من صاحبي ما با نساه =من سقاني قدسقيته
باالروح والدم صاحبي لفداه=ليهو يجي لاقددعيته
دايم صلاب الروس عا يمناه=كل من غلط شفني عفيته
والعودبا لخليه عا محناه=والبيت ماكن قد بنيته

الله يحقق كل ماتمناه = طالب حسن مشهور صيته
دايم وسط رخيه يقع ممساه = فزعان يتخرب ونيته
والايقع له ضرب عالمحلاه = يهوين ماتنفع وريته
قد جيت وادي قط ماحد جاه = وحسر جوهر قد مشيته

ابنيت ماجحدرعلى مبناه = والحرف منك قد قريته
نحن خوه في داخل المرباه = والخصم لجلك قد رميته
والشخص لي فصل على مبغاه = في السوق بعته واشتريته
والشيخ ماشي لوم يتقفاه = كل من تعداني خطيته

المشاركة الأصلية كتبت بواسطة الغازي 2007 الله يحقق كل ماتمناه = طالب حسن مشهور صيته دايم وسط رخيه يقع ممساه = فزعان يتخرب ونيته والايقع له ضرب عالمحلاه = يهوين ماتنفع وريته قد جيت وادي قط ماحد جاه = وحسر جوهر قد مشيته

نوبي برخيه قد عزل مبناه=لاني على السنكر سقيته
من يوم شفت الطير عامجناه=قل للعمودي مابغيته

مادام طالب قدعزم مسراه=مني التحيه قدهديته
باطلب من المولى وبا ترجاه=يحرسه لما باب بيته

من هو وقع له ضرب عا المقذاه=وخمستعشر ( حيت حيته )
جاه الخضر وقال: لك تمناه=فقال: با إلغي ما لقيته
قد كنت أنا قصبه على معداه=وفي عتومي ما إشتهيته
واليوم شريافه بحومة ساه=فيها السّقَم جاني وجيته

الادامي يصبر على ماجاه=وصاحبي ياكم وصيته
ياكم عطيته بن عبيد الله=ولا عطاني ذي عطيته

كل من قبص يالمخشني برقاه = من سمح طالب قد رقيته
بعض العرب في العين حط سلاه = لي ما بغاني مابغيته

المشاركة الأصلية كتبت بواسطة الغازي 2007 كل من قبص يالمخشني برقاه = من سمح طالب قد رقيته بعض العرب في العين حط سلاه = لي ما بغاني مابغيته

صاحبك لوّل كيف با تسلاه=منسيك لو إنته نسيته
غزّك في العرقوب بالسلاّه=نقشة محب ما هي مميته
وبعد منّه جاك عبد اللاه=في العين غزّك بو بخيته
والبُر شلّه ذي في المخلاه=والبيت حقك ذي كريته

لي حط لي سمه في المسقاه = وانا من الصافي سقيته
من عافنا ياصاحبي عفناه = ومن طرق وعره نهيته
بلقيك داخل عيني اليمناه =مالمخشني بروحي قدفديته
باحمسه شفني في المقلاه = ماليوم شفني قد نويته

ذا فصل يالشعار خلوا النوم = شونا نبى زامل شويه
نبغى بغيه من عسل مختوم = ماشي كمى قرص البغيه

المشاركة الأصلية كتبت بواسطة الغازي 2007 ذا فصل يالشعار خلوا النوم = شونا نبى زامل شويه نبغى بغيه من عسل مختوم = ماشي كمى قرص البغيه

مادام حليك قد وصل لسوم=واجبي بعطيك الهديه
قل للعمودي صاحبك مظلوم=فتحوا عليه اكبر قضيه

عاشانكم ماغبت حتى يوم = واليوم بأنعلن شكيه
ابغاك تنصف من كبير القوم = اليوم متكبر عليه
اصحاب عندي شوفهم بالكوم = ومنهم صكه بليه
وضح لنا واكتب لنا المعلوم = من شان ندخل في القضيه
ون بن مخاشن قد صبح مهموم = بسعفه لمى الصيدليه
وان نشبت اللقمه في الحلقوم = يبغى لها روبه طريه

المشاركة الأصلية كتبت بواسطة الغازي 2007 عاشانكم ماغبت حتى يوم = واليوم بأنعلن شكيه ابغاك تنصف من كبير القوم = اليوم متكبر عليه اصحاب عندي شوفهم بالكوم = ومنهم صكه بليه وضح لنا واكتب لنا المعلوم = من شان ندخل في القضيه ون بن مخاشن قد صبح مهموم = بسعفه لمى الصيدليه وان نشبت اللقمه في الحلقوم = يبغى لها روبه طريه

مبعد توفى شف حسن باعوم=وآلاف مثله كامليّه
قل للعمودي با يجي لك يوم=بتخلّي الشعبه خليّه
حمول معنا مثل سيل إعموم=على ظهور الدوسريه
ولعاد با تنفع ولد طرشوم=المشيخه والمقدميه

قال الخريبي وينكم ياهل الزمل=قدجيتكم عاني معي موجز خبر
اخبار ذاعتها اذاعات الدول=قالو على صالح مرقد في خطر

المشاركة الأصلية كتبت بواسطة المنقد باخريبه قال الخريبي وينكم ياهل الزمل=قدجيتكم عاني معي موجز خبر اخبار ذاعتها اذاعات الدول=قالو على صالح مرقد في خطر

ترحيب حاشد يا خيار القوم =بالي وصل عاطيب نيه
يحمل رساله من عدن والسوم=واهل العقاب الملتويه

وفرحت باالراعدونفناف السبل=والسيل عادهفي السواقي ماعبر
الحلي جاهزياخواني للعمل=من كان في المسيال يوخذله حذر

المشاركة الأصلية كتبت بواسطة المنقد باخريبه قال الخريبي وينكم ياهل الزمل=قدجيتكم عاني معي موجز خبر اخبار ذاعتها اذاعات الدول=قالو على صالح مرقد في خطر

ببدي برب الفاتحه واللمتزل=حياك يا هدهد تغيّب ثمْ حضر
شف وقتنا المعيوف ذا وقت الرّذل=لنجيت من دحدور توقع في حفر
ما با يجي بو بكر ذي ما له مثل=أو با يجي بو حفص سيدنا عمر
يا با خريبه ما نظن إنك هبل=فرحان أو زعلان من هذا الخبر؟

المشاركة الأصلية كتبت بواسطة جحدر وفرحت باالراعدونفناف السبل=والسيل عادهفي السواقي ماعبر الحلي جاهزياخواني للعمل=من كان في المسيال يوخذله حذر

خايف يجي مروس ويغرق كل محل=لا قالوا الرعاض كل وادي إنكسر
يخطي قعوضه والقطون وباعلل=لا هود يبلغ بعد ما يغرقه سر

ذاسيل عارم ما سبق له شي مثل=لا شجار بت رده ولا يرده حجر
شف كل شامخ من زويعه قدرقل=قدخاف بوجنحين منه ما ستقر
حتى الثمدفي البحر غيب ماستقل=قدغاب لاساحل ولا حصل مفر
والنوب في جبحه معدصب العسل=من كثر ذاك القطر حل وسط الصرر

ماباتعجل مانحب هرج العجل = وماعبر في الوقت قلنا قد عبر
بعض العرب زمر وجاء لاخر طبل = وبعضهم ميشوف ماعنده نضر
يامخشني خلك على مولا الوكل = شوفك دخلت اليوم لاشعبة عمر
هذا بلاد الشيخ يازبن العول = الضرب لي منك يطف والاقصر
والمشكله واحد لاجانا رحل = يدخل لنا ساعه في عدة شهر
ريته معي عاطول يجلس ميرحل = بيجيه مني ضرب بش يمات جر
بالرئس القايد علي ماشي حصل = ياباخريبه خاف في عقلك ضرر
خلك مكانك حيث مابيتت ظل = والعود لي في المنجره قسم النجر
وسوق لسهم لاطلع ساعه نزل = وانته عمدت الحيد يانوب الصرر

يا مصلح الأحوال ومغيث السّبَل=تنظر إلى لِقْلات معْ شعبة عمر
شفهم مشايخنا جميعًا في وحل= ( آبو عمود ) المهتجس ( وآبو وزر )
وإن ما حصل ذا اليوم في الصحه خلل=الموت يا الصمصوم ما منّه مفر
وعاد قدامك كتابك لم يزل=يحوي الحقايق كلها ... وعاد الحفر

سايروا منن خلف . مابغيت صاحبي يخلف=وين راحوا الخلف . بعد السلف ياجماعه
ذي كلفني كلف . ماعذر مااليوم يكلف=بعد هرج الكلف . بقدم وبلوي ذراعه

جيت وادي عرف في كل حي باتعرف=شفت ماشي عترف رديت في طين ساعه
كل من جا غرف من خاذ مطروح عا الرف=من زقل با الكفف ماحقق الربح باعه

المشاركة الأصلية كتبت بواسطة جحدر جيت وادي عرف في كل حي باتعرف=شفت ماشي عترف رديت في طين ساعه كل من جا غرف من خاذ مطروح عا الرف=من زقل با الكفف ماحقق الربح باعه

ذي علينا بلف . داهل على الناس يبلف=قد رأيت البُـلُف . حقه ينِز به فقاعه
قل له البر سلف . فقري ودايم تسلّف=لا متى مستلف . مَمْعك نقود أو بضاعه

المشاركة الأصلية كتبت بواسطة جحدر جيت وادي عرف في كل حي باتعرف=شفت ماشي عترف رديت في طين ساعه كل من جا غرف من خاذ مطروح عا الرف=من زقل با الكفف ماحقق الربح باعه

صاحبك به ترف . وحارس الخاذ مُتْرَف=بخص عا من تَرِف . ولا إستعد للمجاعه
ذي علينا هرف . دايم يكوذب ويهرف=كل شغلك هَرَف . بلّغه ماء المداعه

من رمى با الوضف في الدايره ماتوضف=يزقلوه الطرف ماباتفيده شفاعه
ريضو با المحف من ماحضر بي تحسف=باتصيبه حسف والراس سبر صداعه

باتيس منته مثل سيدنا علي=إنته كما الحجاج تأذي المسلمين
دايم تغالطنا تصلي عا النبي=لكن أمورك يكتنفها جيم سين