وحده وفي عين العدو مسمار = وحدة يمنا السعيده
والعود عاده يتعب النجار = ياعود من تربه عنيده
الحلو نشرب والعدو له قار = بالغصب يعبر في وريده
واليوم دارت والفلك قد دار = هيج الثقل فكيت قيده

صدام بين الصحب والاشــرار = مثل الجمل يرزح بقيــــــــــــدة
جات المـصيبة من امين الدار = ذي قالو افكـــــــــــــارة سديـــدة

ياسعيد ماحد يتبع الغدار=سنين يمغطها كريده
لو خيرونا بينهم بختار=ذي بايخليها زهيده
في حلها وحلولها يعتار=ونسمع اقواله السديده
اما الذي هو بيننا سمسار=ماهو مهياء للسعيده
لايعرف الحشمه ولا المقدار=ولاشفت اخلاقه حميده
يسرح ويضوي بين الامصار=ولادراء ايش في بريده

ماشي مخبي بيننا وأسرار=كل من يشل حاجه بإيده
بيردها بالجزم والمثمار = لاثبتت التهمه أكيده
وإن كانه إلا حكي أو ثرثار=من قال شي الله يزيده
عالذيب قد هتفوا ولاشي صار=من ذي صبح مسروق عيده
والصدق صدقه لابغيت الشار=يالسبع في جمله مفيده

حيا بكم ياحفدة الأنصار = مامات من خلف حفيده
من دار زينه تلفت الأنظار=بالرأي ومشوره رشيده
نوياك قم بانكمل المشوار =من المكلا إلى الحديده
ياباوزير الإثم والأوزار =ماخلت علاقه وطيده
في الأرض مابين المحب والجار=باقولها بلهجه شديده
ياما سمعنا من سقل وكبار=كل من هبد خلص هبيده
وحدة يمنا ثابته ونمار =تحمي حمى الوحده المجيده

يابن سميدع قد شبعنا من خطب =وكلام جم تسمعه من جازع وطيف
شي يستهب منه وشي ماله سهب =ولايجي عالبال للسامع وطيف
كله حزاوي دار ومحازي خيب =والنار ذي ولعت طفت في عظم ليف
نار الفتن تبا لها قلنا وتب =ماليوم وحده خيرها يردف رديف
ولعاد حد يلقي شعب وبني شعب =يامحسن التعبير والهرج الضريف
وحده وبالوحده تساوين القطب =والعتم جاري عالحجل يصلف صليف