|
|
اقتباس:
قبل بن عمرو والغازي انا باجيك عانيه=على داعيك انا بدخل قبل لثنين ماياتون معك بوخذ وبعطي قبل معلنها علانيه=وبايمشي السمر ياخوك عا لعاده وعا القانون ترى بعض العرب يسعيد له رزه وشخصيه=واغلبهم يجيبون المرض والمغص ف القولون تعش صيدتك يابهفيف وحسب لدغة الحيه=تراها قاضيه ماشي نسم من بعدها وسكون |
اقتباس:
هلا بالسيل ذي جانا معمّد وسط واديّـــــــه=سقى لحجال في دوعن ووصل للمبعده سـيــون وصل شفت الغوارب مثل ماموجات مطويّه=وفرحوبه جميع البدو ذي هم في الخلا يرعون وانا ياخوك عالوطان معي في القلب حنيّه=يفز القلب لا تذكّر عرب في صيف مع قيـــــدون فسحنا في السفر ولعاد نبغاها السعودّيــه= عشان البعد والغربه تهدّم في فلل وحصــــــون |
اقتباس:
سلامي قال بو صالح على شعّار نشميّه=لهم أقوال موزونه تفرّح خاطر المحزون
سعيد المشجري هو والوزيري يا العصاميّه=وجاء عيبون معكم با يفنـّـد كل ما تقولون ولا ننسى العمودي شيخ له برهان ومْزيّه=ولا هو يغبط المطلق وعيسائي وبن شيهون ونا ألاّ با سُـمُـر طارف لأني بوجه سفريّه=ولا تظنوا قدا تنزانيا خبّه قفا عبدون مجرّد با نصل يثرب لنا ساعات مقضيّه=في الروضه وبا نعوّد قداكم حيث ما تكونون |
سلب ملقي على كتفي قنص بااشعاب محجيه=وللغبشه معي شيذر سرح به حيث ماتسيرون ولا ناضر هل الاحساء ولا مولى النعيريه=في العشقه وميز صفرها والماس والعرجون |
كل الناس تتجول ونا في ارض قفرية= اتعذب واتألم وروحي وسطها مسجون متى الوقت يرحمني يعاملني بحنية=واركب يوم طيارة واتعرف على ذا الكون |
اقتباس:
هلا بابيات من شاعر على العلّه يحط كيّه=ولا يمزح مثيل الناس لي بالنت يتسلون صمد في معركه شرسه وصد غارات ذريه=وكان الله في عونه هزم جعجع وحارب عون تمنيته بجنب الذيب يتكلّم بحريه=ويتنفس هوا منعش وفالغزلان يصطادون مسابتهم ملانه والمخازن دوب محشيه=وحد بالكنش با يظرب وحد بالخارق المرشون |
اقتباس:
كلامك قال ابوفيصل لقى في القلب حنيه = وذكرني زمن عدى وريته يرجع المضنون لقولي ياعمر يالذيب لقوا في الحبل كم ليه = وصكوا عالمحب بابه لقو قرصه مع الكيلون |
اقتباس:
ألآ يامرحباء بلي رما غتره وطاقيه= وشل الشال قال المشجري والشيذر المقرون ويقنص فل الخبوت الخاليه ماهو بمحميه=ولايقرح من الميزر سوى في بوثنين أقرون ولاجابه كرم به ما ختبابه فل القويعيه=صلاب الروس يتغدوا ونص الليل يتعشون يحق للفارس القنّاص خنجر وألف جنبيه=ويستاهل جوايز منكم بل ألف والمليون الخنجر في العرف يختلف عن الجنبيه ولو حبيتوا التفسير احنا مستعدين |
اقتباس:
كما لمطار لا قد جات فالميعاد وسميّه=ينب عطر الخزاما والبوادي من كرع يروون سعيد المشجري ماهو سحُب وامطار رعديه=برد يسقط في القيظه وحوله فالشتأ يدفون انا عارفه عاشق عنده ألاحلام ورديّه=يحب ليلى يحب عبلى بقلبه عشقهن مظمون عسى بعد العواصف تنقلب لنواد بحريّه=ونرعظ من قداكم سيل له عندي سنه مسهون |
اقتباس:
زماني ما نصفني حطني بحلام وهميه=وخلاني تخايل بنني تاجر كما قارون وحتى فالهوى والعشق عشمني بنجديه=طويله فارعه خضراء مثيل العنب والزيتون ولما قمت من حلمي لعد هذه ولاذيه=ظغاث أحلام منها مامعي قرصه ولا كيلون وخلق الله فل الغبه وحد في ميج حربيه= وحد فاليابسه يقنص وضواله ملاء كرتون |
شفتهم في الملعب مع الحمران لعبو كره بفنها السحري
شغفو قلوب الناس بلمسات جزائريه روضوبهاالحمران |
اقتباس:
مجرّد با نصل يثرب .......... طلبتك يا إلهي تب على والديّ وعْـليّــه طلبتك جنب قبر المصطفى ذي في الثرى مدفون محمد في الثرى دفـْــنوه ... ويش إملوك طاغيّـه ورؤساء كلـّـهم سرقان يا بليون هت بليون وشعبك يا اليمن جايع مضت عشرين حوليّه ولا شي في النفق شمعه تضاوي للذي يمشون وعود الكذب يا عرقوب نقـّــص منـّــها إشويّه وقل للشعب موتوا لنّ كل الناس بيموتون |
اقتباس:
أخي أبو صقر عفوا وللغبشه معك شيذر تسرح به حيث مايسيرون . يطلق مسمى الشيذر في عدن على عباءة من صنف أو تصميم قديم شبه منقرض لا يزلن النسوة كبيرات السن يرتدينه حتى يومنا هذا . هل هناك معنى آخر للشيذر ؟ سلام . |
اقتباس:
المعذرة معاد كمّـلت السمر البارح ودخلت اليوم ( عصرية الآثنين ) بعد الدوام ....... رحب مليون يا صقر الحباري والصّخيريّه أنا منسيتكم والعذر منـّـك قال بن مخشون قوالك تعجب السامع كما شعار ياميّه ولكني غسلت القلب بالديتول والصابون تباه الصدق يا صاحب ... عجزنا في السنافيّه خدمهم حظي العاثر ... وساندهم كمن شارون وولـْـد الذيب عندك با يفك إرموز جبريّه وعادهم با يخِـتـْـنوا له ... ولا حد يختن المختون جبـــــــــريّة = نسبة ً إلى علم الجبرة |
اقتباس:
رحب بالقول من شاعر يحط عالصوب والكيه=ويكوي عالبخص كيه يجي متقون ولاشي وسط جوفه دوب يعلنها علانيه=ولابه خوف من مسعد ولابه خوف من سعدون ومولى المصنعه منهار شلوها القديميه=مذمه دوم عا خصره وعالشيدر وعالصارون |
وين عشّاق السمر
وين محبي ابوطارق ربنا يرده سالم غانم (يااااااااااااااااارب) السمرات ما تكتمل الا بصوت الدان |
اقتباس:
|
اقتباس:
حبيبنا الواقعي الظاهر بوطارق يعجبه اللون الداكن يقولون أنه مسافر لابلد أفريقي شي خبر عندك قل لي وبارسل له حد يجيبه فص ملح وذاب المهم قمنا في المجلس وماشفنا منه تجاوب قلنا يمكن الرجال مايحب الغراب(الغراب ) أقصد الضيوف وليس ذاك الطير الأسود00 أسأل عنه ولوشي خبر قله يرجع لمجلسه عيب يقفل في وجه الرجاجيل ولاتفهمني خطاء تقول بورايد يهمز ويغمز على أهل الوادي بأنهم لايحبوا الغراب(أي الضيوف) لك التحيه والتقدير عزيزي الواقعي وأسأل ونا با أسأل والمفاهمه عند الأتفاق |
اقتباس:
سوي دعاء صديق وأخر خبر جاني من عنتر يقول انّه في ..... النعمه ويا ويلنا ويا ويل عياله عليه لو صدقت الاخبار |
اقتباس:
سمر يالواقعي هتلي قليلك وأردفه بالجم = وكل كلمه تجي منك لها عندي ميت حسبان يقولون الدوى حطوه يادكتور فوق السم=وهل تدري وتعلم أو كمانا دايماً غلطان إذا تدري مصيبه ونك يادكتورماتعلم=مصيبه ثانيه أعمى وأيد دحقت العميان |
اقتباس:
انا سلطتي ما وصلت لبحر الروم والقلزم=ولكن عارف ايش الوضع في بيشه وفي نجران معي لصقه وفي شنطتي لوجاع الركب مرهم=وجاهل مهنة التجبير ياصاحبي فالعظمان |
لامامعك دكتور فوق الجرح حط بلسم=بت ضل دوب لاياصاحبي خسران مصيبه جاة من الصربي على المسلم=ولا خلو له حاله عيال الصرب و البلقان |
اقتباس:
|
|
اقتباس:
رحب ببات من شاعر طرحت الكي علمعلم = ولاانته من صحاب الزور والتظليل والبهتان مثيل الغيث قولك فوق كمن شعب لادلهم = يرد اليابسه خضراء وتروى منه العضيان |
داء الملوك عندك تزداد اوجاعه ولألم= خل منك الكبره تقبل علاجك ودفع له ثمن
يابو شحوف شفتك طمرة طمره بالقدم=تخطيت كل المقالات كانك حرب عليها تشن |
اقتباس:
حسافه فاتني ذا الصوت ما ظنيت يا هيثم بأنك بعد نص الليل با تنذخه صوت الدان جميع الأمر كله مختلط ولعاد با نفهم من الصادق ومن هو ذي يكوذب عا بني سيبان وصار الطب تجاره كل مستوصف ولا يرحم يزيحوا المويه البيضاء ولكن شفك مــ العميان |
اقتباس:
وجاهل مهنة التجبير ياصاحبي فالعظمان خوالك يجبروا المكسور ... بن كوّر طبيب أفهم وإنته لا بغيت العلم دوّر له وقع فهمان ولكن المصيبه لا وقع مسعود كالأبكم وقل لي كيف تتفاهم معا الصقعان والبكمان |
اقتباس:
نته سلطتك عا شوال والقعده ومامحرم= وفبراير وأكتوبر لنا يامقصع العمدان قبضني كل شي لاعاد تتغشمر وتتنقم=معي عيوه وبدره والعند والشامخه شمسان |
سلام الفين من عندي يصل لاعندكم ويعم = على ذا الصوت قد جينا سمعنا ضربكم حنان ابا بيتين بنظمها وباغني وبترنم = كذا والا بلا ياناظمين الشعر والالحان بغينا قايد الكفره على يدي هنا يسلم = كفا بس لاهنا حدك لعنه ابليس والشيطان |
اقتباس:
انا اشهد جيشكم جبّار فالميدان مايرحم=وفرقة صاعقه عندك جميع افرادها شجعان وجو من عندكم عبّود في سعف البطل مدرم=يقودو ثورة التحرير من قمة جبل ردفان |
فصــــل الجمعــــــــــــــــــة سلامي قال بو صالح لبو رايد معا الشعّــار جميعــا ما نفرّق بين خو وألاّ بن الأعمام سعيد المشجري هت لي خبار الذ ّبْر هو والدار معاين رحمة المولى تهل يا خوك هذا العام |
اقتباس:
ثنـــــــــــــــــــــــوى نبا الإصلاح بالحسنى بلاشي معركة ذي قار ونحنا يا سعيد اليوم نشبه دغش مـــ الأيتام هلمّوا الحين يا الشعّار خلـّـوها علي سنجار وجيبوا الواقعي لو هو شرد هانوي بالفتنام وجيبوا الذيب خلاّ مجلسه مهجور فيه إغبار ولو كانه معه عذره فهو مخلوق ما يلتام |
اقتباس:
رحب ببيات من شعار عدد ما دونعت لثمار=كلامه مثل صافي شهد ذي هو يبري الاسقام لعاد تنشد على ذي هو سكن في حجر بن دغار=من اهل العرسمه مضلوم ياصاحبي مايلتام |
اقتباس:
هلا بالهرج من شاعر عدد ما حطّت الامطـار=وعد الرعد مابيّت يدمدم فوقنا دمـــــــــدام هلا ملفاه بوصالح عدد ماقد خطا او ســــــــار=على شانك نجي نعبر تهايم او شبي بدقام منين الصوت ذا سوى وسط كبدي كما الحفّار=وسط ارضي وودياني يخلينا ذكر ايـــــــام انا والخل عامعيان نشرب من زلل مـــــدرار=غصيبه فرّقو ياخوك مابين الحزم وشــبام |
اقتباس:
على اصحابك نشد يالمخشني نقح بواب الدار=ونحن الله لنا ماحد نقح عادار بوهمام ولاكن جيتكم لجل السلا يامكرمين الجار=وعاني عادها عالجوهره ذي هي براس الهام |
اقتباس:
سمانا تعتكر ياخوك ماشي صفو واستقـــــرار=يبات الذيب عاينهش في البقري معا لغـــــــــنام ووعل الشعب ناخايف يصيبه الرصاص الحار=وقولوله تحذّر من رصاص الخصم شوفه سام |
اقتباس:
تراذيب الخلا ياصاحبي عامد على لصبار=ولا سنحت له الفرصه دغر سرح خبر وعلام وذلا مشكله فالعود ذي هو مزعج النجار=يبا حسبه دقيقه مايبا له عنف وتهنجام |
اقتباس:
في النجّار ماشي عيب زهدي العيب فلمنشار=برد حدّه ولاهو مثل ماقد كان قبل اعــوام ولكن الامل باقي صبر باتسمع الاخبــــــــــار=وظني ذا هدو لي هو يجي قبل المهب وقتام |
بانتغدى وراجعين
|
| الساعة الآن 11:42 PM. |
|
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir
