|
|
اقتباس:
وقالواحصتك هي البرق والراعد=وخوكم حصته هي السيل والامزان وذا القسمه ابد ما ترضي الوالد= ولا يرضى بها الصاحي ولاالسكران |
يعين الله على بعد المحب ايام وليالي=لان بعد المحب شي من جهنم يا صلاب الروس وقربه جنة الدنياء الى بيت على جالي=واحيانا احس اني معه في جنة الفردوس |
اقتباس:
تركنا العشق قل للذيب ما يخطر على بالي بنات آدم جميعا عشقهن مثل المهب والكوس يخلنـّـك كما المرضان والممذوه وتـْـصالي ولا بك شي مرض كنـّـك مثيل الصّعمر المنكوس |
سنين وشهور متعذب واحس الحال مش حالي=وكلّه من جفا خلي وحظي العاثر المنحوس ولا خلّي رحم حالي ولا عمي ولا خالي= وانا المجروح والمذبوح بحد المقطعة والموس |
اقتباس:
غلط منك تذم النخل كله وانته الوالي=ومولا العرف لي منه اخذناها عبر ودروس انا المسؤول عن نفسي ونا عارف ثمر مالي=لانه حب ماتجيه الشوائب والغشر والسوس |
اقتباس:
هلا باللي شكى من لولي واشكى من التالي=وخلانه مع الدنيا مشو به لاورى معكوس سمع يالمستقل مني وترك كل بطالي=وخذ صافي مصفى من ذهب لا تقارب المغموس |
اقتباس:
جانا الزير ابو الليل المهلهل شيخنا الغالي=ويوعظ من على المنبر وحط السيف هو والفؤس وهذا حلم ولا علم ولاهو شك وخيالي=ولاهو شات متبادل ودق الطبل والقبوس |
وانا قد جيت للمجلس وباصدّر من اقوالي=وباجيب الجفل والبن وباجيب العسل مدبوس قفاكم بانجي لوتطلعون احسور وجبالي=وهذا الصوت هيّضني كلفتو الهجس والمهجوس ومقدار المحب عزّه كما ماعز دسمالي=وعينت بدو (ف)الخطمه لهم عشقه في المخموس |
شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية .
|
صبرنا عالسفر غصبى ولا به راضت اجمالي=تبات الليل عا حنّه قتلها الشوق والتنهوس وذكري للوطن دايم على الخاطر ويطرالي=وتخنق حلقي العبره ونغديلك كما المكبوس زمن غدّار ولبّسني في الملبوس والبالي=ولانا قط متعوّد على شيذر وهو ملبوس |
عمر ما جاء على بالي اشوف الزين ذا قبالي = ونخل اليوم يالصاحب مصيبه قد اكله السوس وكل من شافني الا سألني وش على بالي = وضاعت حيلتي واصبح نهاري يا عمر منحوس |
ووعل الحيد يسرح عالوكل بس يحذر الالي=ويحذر من شباك الصيد لايصبح بها محبوس عسى بس تشرب اشعابه يجيها غيث همّالي=ولاشربت يزين الرعي وباتحيى عروق يبوس |
تصبحون على خير
|
اقتباس:
انا ماسك بنفس الخط في صحراي وجبالي=وفي الطلعات انا هدي ولا الارض استوت نا دوس ولا انته ريتني قد ملت وقف خوك لامالي= وانت استاذنا الغالي وانت الأب والناموس |
اقتباس:
انا من حب وحبيته اشوفه شمس وظلالي=وحبه مثل ما حبة صلاله رمزها قابوس احبه وافخر ابعشقه في المطلع ومنزالي=لان عشقه من اول في فؤادي من زمن مغروس |
اقتباس:
مصيبه لا سقط ذا الوعل من عاليه للوادي = وقد اصبح فريسه بعد ماقد كان له ناموس وقلبي قد تعب لا ياعمر من حب متعالي = بغيت اهل التواضع يا عمر باحطهم عالروس |
سمرت اليوم بالوادي وهو مازال عا بالي = وقلت اليوم باشوفه امامي ذلك المحروس وقاطع مسمري كله وخلاني كما حالي = يعذبني ويتلذذ وراسي قد صبح منكوس |
معي قوة معي قدرة معي ثروة معي رجالي=ولا اخشى قوة امريكا ولا لطليان هم والرووس وحب السلم وسعى له وانشد خير لعمالي=وذيهم وقدوا الشمعه لهم با وقد الفانوس |
ورديتو لنا ذيك السنين اللي بها الوالي=ومن هذا الزمن ياصاحبي خذلك عبر ودروس لاشي خير في مصلح ولاقد جا من الدالي=قم حط الحمول المثقله عل فاطر الدقموس |
اقتباس:
هلا مرحيب بالغالي وذي هو منزله عالي صدَق من قال شاعر ... بالقوافي صدر له مكبوس بغيت الحق يا صاحب؟ أنا معْرفت مكيالي! مغنـّـم في الهوى ساعه وساعه في الهوى محيوس |
اقتباس:
كبّرنا الخط لإظهار حركات التشكيل عمر يا خوك لتـْـجامل ولتـْـكن غِــر ومْثالي ولولا أنـّـني نعرفك با ظنـّـك ولـَـد كركوس بكل نخله وكل بقله يجيك السّري طوّالي إذا حاولت تبغا لك مذنّب يشبه المدبوس |
اقتباس:
ألا يا ذيب انت النون ذي غطيه با سبالي=وانت الصقر وانت النصر وحسنك فاق عالطاؤوس وانت النيل والدجلة ومزن الغيث وشلالي=وانته نجمنا الهادي وانته لي قمر وشموس |
الله الله أبداع منقطع النظير أمتاع لحد الأشباع وين باقي المبدعين ولامسافرين من سافر يرجع لنا بالسلامه معافى سالم أنشاء الله
|
اقتباس:
انته رجل ذو خبره طوال الوقت جمالي=ولا بيتوه في الصحراء من مثلك معه تقيوس قده فاطن ملاويها معها دوب ترحالي=وانته تعشق الترحال والتاجر هواه افلوس |
بغينا فصل
|
فصل أن أعجبكم أسمروا عليه
عمر شوفه بلا معنى نسغ فاسه وشاكوشه=مع أهل الجنابي مايفيد الفاس والشاكوش عساكر فالبلد كل(ن) برشاشه وطربوشه=وبدله فاخره وأحزام ناسف يحرس الطربوش وعلب المشرقي راسخ معد حد شخص بي نوشه=غسل قلبك قنع أن عاد يدك في الركن بتنوش |
اقتباس:
رحب ببيات من شاعر ذهب والماس منقوشه =عمر ياسعيد لتلومه وخل اللوم عامنقوش خرج من داره البارح وخلا الدار مفروشه = دخل صاحبك وتمكن بوسط البيت لي مفروش |
تصبحون على خير
|
اقتباس:
ضحك شفني ضحك من شخص يتنتع بفشفوشه=معد حد خلق تفزع ياولد من قرحت الفشفوش طلعنا للفضاء0 ون قد نزلنا لرض مقروشه=كنسناها بخطه محكمه زايد ذهب وقروش |
سمر يا صاحبي والدار لك بالعطر مرشوشه = وشفت الجرب ذي امسى مذنب قد صبح محشوش واذا تبغى عسل صافي حرس العلب من النوشه = واذا الشاري حضر يا صاحبي مايقبل المغشوش |
اقتباس:
صناعة متقنة اصلي مش تقليد مغشوشة=يوردها ولد سيبان ولا قد ورد المغشوش صنعها هو على يده مش خبرات ملطوشة= لأن هذا الزمن قد زاد فيه اللطش والملطوش |
اقتباس:
ترى منته لحالك جم عرب يا سعيد مغشوشه=ونا مالي سنع بكره الى جاء يشتكي المغشوش عمر كانت طريقه من زمن بالشوك مفروش=ولكن ذي السنه بالورد شارع قرطبه مفروش ترى ماشي مصالح من بشر كلن بعطبوشه=بنصف ريال بايبيعك الى حصل ملا العطبوش |
ولا شفت المتاجر ياعمر ليله ملا حوشه = حذر منه ومن صنعه تراه يكرتن المغشوش ولي صاحب معي حاضر بغيته لا طرت نوشه = يجيني في الشدايد ياعمر والحصن له مفروش |
اربش لك مع الرباش كل الناس مربوشة= حتى العقل ذي راجح انا شوفه قده مربوش وحيرني فتى شا طر ابو غرزين منفوشة= ينوش مثل ذي نوش وغره جعده المنفوش |
تصبحون على خير
|
اقتباس:
سمع يا المستقل بيتين في من حب قرقوشه=وقله شف مرضكم والبلا ء من عمكم قرقوش قطركم بنت كذابه ولعابه ومحشوشه=وابوها وامها والجد اكبر ادمي محشوش ونا من شغلهم لقبع على كبدي مست حوشه=وكل منهويحس من شغلهم كبده كماي اتحوش |
وانته يا عمر شوفك ملقي للعرب دوشه = وعقلي طار من قولك وخلاني مسي مدووش طرحت العين لا يالذيب ع محروس وقروشه = ولا ملحقت شي منه تفحس ديمك المقروش |
الجميع وبدون أستثناء مبدعين لله دركم أمتاع مابعده أمتاع
|
اقتباس:
|
اقتباس:
كل انسان وهو مسؤول عن نفسه وعن بوشه=ونا حب اليمن وانته تردد دوب يلعن بوش وذو لخلاق يكسبنا مش بالفرد وقروشه=ومحلى الحسن لو تجمع مع الحكمه ومعها قروش مثل بلقيس نعشقها حكيمها جم ودردوشة= ألا ياريت لو الرائس كما بلقيس يقع دردوش |
| الساعة الآن 05:04 PM. |
|
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir