دي سرق ارض حمير باتقعله حديده = فوق راسه وله شهرين في الموج غارق
ون سمعته تكلم او نشر في الجريده = لاتصدق كلامه قله اليوم فارق

مرحبا قال شاعر فالوقوت الشديدة = وقتنا ليوم مثل الكير بانار حارق
ياصاحاب الفكر ياهل العقول السديدة =مالبى كل خاين في بلدنا وسارق

المشاركة الأصلية كتبت بواسطة بن احمد (المشاركة 423937) يالحمومي سلامك لي ورد ف القصيده=للسعيده عليها النور كل حين شارق دامك انّك على مبداك هو والعقيده=غير باقي بسو الظن مازلت غارق

ريت سالم معي يغزي لوادي عبيده=با يشوف الجزائر لي سكنها الطوارق
قال غوّار حارتنا تبع من ب أيده=والبطل فارضنا كذاب جاهل ومارق

المشاركة الأصلية كتبت بواسطة المخشني (المشاركة 423933) ما دام الشعار الكبار ما فصلوا زهلتها يا وزران با نتوكل ونفصل: رد سلام الحمومي عا البلاد السعيده عانش الله على ظالم وسارق ومارق عانش الله على فوضى ... في اللوح ريده قد كتبها الذي ينشي صواعق وبارق محمد بن مخــاشــن

فالمجله قرينا شي وشي فالجريده=بعض كلمات مقبوله وشي غير لايق
والمصيبه إذا لنسان ضيّع قليده=عند بابه يحصل ميت مشكل وعائق
وأنت يالمخشني قالوا نسيت السعيده=في مراكب بلا ربان ماهر وسائق
ونقطع ريق كل شاجع يبس في وريده=والسبب أنت لاياشخص عاقل وحاذق

لاضحك لك بسنه شه يدور مكيده = بايصافح بيده ون بغيته يعانق
لكن الغدر من طبعه غدر بالقعيده = شلهم كل ابوهم حطهم في المشانق

من عصد بايجي له يوم يلقم عصيده= وان قفز بايجي من فوق ستين طابق
هكذا قالوا التاريخ نفسه يعيده= من تعجل وقع بالله لا حد يسابق

المشاركة الأصلية كتبت بواسطة الواقعي (المشاركة 423979) ريت سالم معي يغزي لوادي عبيده=با يشوف الجزائر لي سكنها الطوارق قال غوّار حارتنا تبع من ب أيده=والبطل فارضنا كذاب جاهل ومارق

الامل كان عندي في رسالة جديدة= ان تصلني بسرعة من بلاد المشارق
يوم عنده بريدي ما عطاني بريدة= كنت ناضر نزول الغيث بعد البوارق

المشاركة الأصلية كتبت بواسطة العائد1 (المشاركة 423987) زاد هرج العرب كل يوم قصه جديده = وايش ذي جاب برقه لحدود الطوارق دام شبل الاسد يلمخ بنايه وبيده=لاوقع بخش, تحته صوب دامي وغامق وان قفز بخص كل من قد قبض في وريده= رتب الفاتحه لا بد له ما يفارق

الف حيا بمن جانا وحقق وعيده = وين قد كنت قلي وين قد كنت غارق
كل منهو سعف بسكود شونا نبيده = مانهم المصاعب لوبها الف عائق