|
|
اقتباس:
وبعد السيل باتصبح شروج الخل مقلوبه =وبايشكون من حلو نعم فلوادي المثعوب حقوق الناس في هذالزمن ياذيب مسلوبه=ولاضنيت بايرجع لنا ياعمر ذي مسلوب |
اقتباس:
سمر يالذيب لاتيأس اذا دنيتك مقلوبه= وخل بقعه على المولى اذا كان الزمن مقلوب ولو كل من تمنى باتجيله حسب مطاوبه= معد باقول شي لا غير يافتاح يامطلوب |
عمر لاهزت العليا تنقي الحب من شوبه = وتبقى الحبه العيفه اذا طار الغشر والشوب ولاطفلتها يبقى الثمر كله بعذروبه =ولازم نقي حبوبي ولايبقى بها عذروب |
اقتباس:
خلوفة عاد قال الله فالقرآن منكوبه=ولي حلّو خلوفة عاد كلّه ذريهم منكوب وكسرى صاحب الايوان لا تفرّح بمندوبه=لان ابليس ما يرضى يقع للفارسي مندوب |
انا دي قد بنيت الحصن لاولقيت له نوبه=بنيته قال بو ماجد حجر كله نعم والطوب ودل الشرج نا كله ودل الخط وادروبه=وهذاك الجواد الاصل نا ملقيه لي مركوب |
اقتباس:
غريب الدار يالصاحب آسر قلبي باسلوبه=وفي اسر القلوب الضايعه عنده بصر وسلوب ونا من قلة الحيله مشت رجلي على دروبه=لاني ضعت وآهلي ماهدوني ع طرق ودروب |
اقتباس:
يجيك السيل لا تِعْجَـل وشفها بزغت إطهوبه وخايلت المناشي تِنـْـدِو ِس قنفانها وإطهوب ووادي عمد با يغرق وكل لسوام مقطوبه لأنـّــا قد تقبّضنا بحبل الكذب ذي مقطوب |
رسل لاعندكم ياصاحبي قد جات مكتوبه=ولافكر ياصاحب لافل خط والمكتوب ومن فعله لاياناس حس النفسه متعوبه=دعي ربي شفاء للقلب لي متعوب |
اقتباس:
خلوفة عاد شفها قد سقتني السمن والروبه=ومن عشّانها شفني طعمت التمر ذي مربوب وذلا الوقت يتقلّب وبوقرنين منصوبه=شكى من قحط فلوادي و(ف)الحيد الذي منصوب معي ونّات فلخاطر من الاعماق مسحوبه=ولا شي نفس للمزمار والقطني وللمسحوب على وديان نتحسّف من الضيفان محطوبه=دخلها ضيف وهذا اليوم يقطع نخلي المحطوب |
اقتباس:
دخلها ضيف دعيت الضيف يا عيبون وإنت إزهمت عا صحوبه وجاك الضيف يجعش هو وربعه معتضد مصحوب صِـبـِر ما اليوم في السيله على ضيفك وترتوبه وقدّم كل ما يحتاج ... ما لك غير ذا الترتوب |
اقتباس:
على شرب الصبر لا يامحمد نفس مغصوبه=ولا شي فايده (ف)القوت لنته توكله مغصوب وشفها نار عالماضي في الوجدان مشبوبه=وعا عنتر وفرسانه وعا ولد عمهم شيبوب |
اقتباس:
ومن صدق زليخه لي بطت تلعب ببعقوبه=ونا عرف كذبها الاسود على يوسف ولد يعقوب انا مالي سوى الا في نمر معروف خنتوبه=واسرائيل تعرف من طويل الناب والختوب وانتم مالكم شغله سوى ذمه وتعتوبه=وهو صافي ذهب ما فيه شي لولا ولا تعتوب |
اقتباس:
تـُـرُك من هو يثبّط بك لذي خزبته مثقوبه ودلوه منشعق والطست والكتلي كمن مثقوب عليم الله ما عافاك لا قوته ومشروبه يمن عا الناس لا قدّم لهم لقمه ومج مشروب |
اقتباس:
أبد متفيدك الدمعات يا عيبون مسكوبه وقد قالوا فــ ( لا تبكي إذا صار اللبن مسكوب ) خدم ضيفك وخلك مثل ما نعله ومركوبه وإلاّ عا الفداء فأزحم وخل الثار لك مركوب |
اقتباس:
خويك قال بوفيصل حباله دوب مقطوبه = لمى متى وانته تصلح في ضمير مقطوب وجاك السيل لي مروس وشل النخل واعلوبه = وانا ماباك تتمدح على سمره وعالعلوب |
اقتباس:
حضرنا أمس لاجده وقلت اليوم انا توبه = ودورتك يقول الشيخ ومن كذبك متى بتوب وقلت المخشن صادق بيجيني بترتوبه = ولاشفنا معك عده ولاشفنا معك ترتوب |
اقتباس:
|
اقتباس:
ترى يالمخشني الاحداث عند الذيب محسوبه=وعارف لي حسابه صفر واللي عندهم محسوب ترك منك عجوز ابليس والكذاب وكذوبه=فعايلهم وما قالو محازي فاضيه وكذوب |
اقتباس:
زقيرتكم من القفّاز مدعوله ومرقوبه= ولاحد غير(شتمه)بايداوي علّة المرقوب مهندس صمم المبنى وعارف حد منسوبه=ويقدّر يهدم المبنى أذا قد جاوز المنسوب وفي بُنيان جارك ما تَرك طوبه على طوبه=لأنهْ ما معهْ تصّريح يبنأ بالحجر واطوب |
اقتباس:
وانا عارف نوايا الخاين الكذاب ودروبه = وكل ما صار من عنده علينا ياعمر مكتوب وهو قصر ورخى الحبل من عنده وذاسلوبه = يجامل في حقوق الناس حتى امننا مسلوب |
اقتباس:
من ابنانا عجم وهنود والعربان مرعوبه=وليهو مرتعب بالامس شفته يرتقل مرعوب متى لما متى وعيو نكم بالعصب معصوبه=طلق عصبه على عينك وبا تعرفه لي معصوب كشفنا عمكم هذي السنه مدلبه وعيوبه=عيوبه واجده وانتو تقولو ماعليه اعيوب كشفنا خطته يالواقعي واعرفت ملعوبه=لذي هو حالف الشيطان والعبه مئة ملعوب |
الظاهر أنني جيت وقد طارت الصقور بأرزاقها
بغينا من الواقعي الليله الفصل 0وغير مقبول الأعتذار من الجميع الليله أنا المتحدث الرسمي بأسمهم توكل على الله وقل بسم الله المغنيين والمدرف جاهزون |
اقتباس:
سلمت يا بو رائد لآسباب خارجه عن أردة الكبتن الأجوا لن تسمح للكبتن بالهبوط سوى أضطرارياً |
اقتباس:
مرضها يا رفيقي صعب فيها الكبد معطوبه = ومن كبده مريضه صار كل الجسم له معطوب ومن هو في البلد والقلب عنده تنزف اصوابه = حياته في خطر يوم المعلم ما يداوي الصوب |
اقتباس:
ذلحين بايقرح بومقصين وباتسمع ردوده أه؟نسيت حاجه0 بس ذكرت كنت باسألك هل شي برشوت معاكم ولاّ لا؟ |
اقتباس:
نشوف البرق والراعد على الوديان يتحطرم=وساهن سيل مروس با يبيت يفتك الوديان سيول الخرف لاقد جات تقبض بالجبل تلطم=غواربها تشل وتحط في الوادي من الحنشان |
اقتباس:
علوم اهل البلد ماجت لنا واليوم محجوبه = ولاباتعرف اللي صار لاصار الخبر محجوب ومن عنده ريالات السعودي نال مطلوبه = ومن قال الحقيقه بايبيت عندهم مطلوب |
اقتباس:
سحابت صيف ماشي منها مكسب ولا مغنم= يبات الرعد يقصف في الهوى ماشي قنف وطهوب ولاشي سيل منها ياعمر يوصل لبامهشم= ويسقوبه جواحز أو يسقوا في حجل منخوب |
اقتباس:
مَسَاك الخير يا شاعر لِمَه يا خوك تتبرّم؟ تركها عا الذي خطط لنا الفقـّـوز يا ذيبان إذا شربت وإن تمّت جروبك ذبر جلد أجذم كتب ربي صنوف البوس عا البرصان والجذمان |
اقتباس:
يرفع للاطلاع |
اقتباس:
هلاء باللي وصل عالصوت يتبرع ويتترجم=ويعرف لا طرح وزنه يعدل شوكة الميزان كلامه زين لكنه على من حب يترحم=وعنده ياس في وجه الامل قد قلد البيبان |
أنا أيّدْك بعض الشي وشوف البكر تتوحّم ولاده قيصريه با تقع لا بنت بادحمان عسى راس البنيّه ياخبيري اليوم بايسلم وما المولود ما بي هم يسلم أو يجي عدمان |
اقتباس:
تخيّل غيث مبعد أومسهور ياعمر تحلم=وحاسبها حقيقه؟ والحُلم ميصدقه لنسان ذهن صحصح وقم ياصاحبي من قبل ماتندم=ورتل أية الكرسي واتعوذ من الشيطان |
اقتباس:
كفاها الله مشرطكم لانه حاد ومسمم=عساها عالطبيعه باتجيب البنت والزقران ولا قد جو علي ترباتهم ماباك شي تهتم=كما ربيت الاول بانربي تالي الفرخان |
وانا لاقد سمعت الرعد بسري الليل بتحزم = وبرعضها مطارح دامني واحد من الحرثان ولانخشى مطرها بس خوفي دايماً عالسوم = وبانعبر مجاريها كما من قد اصابه جان |
اقتباس:
سمر يابن مخاشن خلها على الذي يعلم=بكل ماقد خفي على البشر والعول والغربان وهو بمره وتصريفه يدل الفارس الملهم=طرق سهله في الوادي بها بايوصل الصيطان |
اقتباس:
هلا وألفين يا حيّا بــ ( صوت الكور ومْسندم ) أبو رايد لذي يحسب لكل شي عشر لا قدّام ولكن الحساب أحيان قل للمشجري يطهم يضيع الحاسب الحسّاب والحاسوب والكرّان |
اقتباس:
ندم من سلم الحمله لاهل سوط بالعسم=كلوها قبل مايصحى صحاب الظلم والبهتان كلو شي منها واشياءخبوها داخل المخدم=ومولى الحمل منذو شافهم مبعد رقد شبعان |
اقتباس:
بغيت الصدق خلق الله حد يضبح وحد ينهم=ولكن لي مع بو زيد في الحمله طلع كسبان ولي ماهو مع بوزيد راسه ذي السنه ورم=من الدكاس والرفاس والاكثر من الكذبان |
اقتباس:
ولكن الإله العادل الجبّار يا فـَــنْـدَم يعاقب كل من ساء التصرّف وأنهك العربان عسى الفارس يصل سالم وسيفه جـِـعْل ما يثلم وما ملهم وما معصوم غير المصطفى العدنان |
| الساعة الآن 03:38 PM. |
|
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir