|
|
يعطيــــــــــــــــــــــــكم العافيـــــــــــــــــــه ولاتبخلــــــــــــــو علينـــــــــــــــــا بلمزيـــــــــــــــــــــد
|
وينكم يالشعار ؟
|
صدقت السقيفه خاويه يمكن عدهم الناس في اجازه
|
اقتباس:
كنّهم جابوا الرادار وشعاع ليزر = تسمع الضرب يا دنصور بفجع دويّه والعرب كل واحد قال لي: قوم يقشر= وط رأسك وإلا با تجيك البليّه قع كمانا وطول الوقت خطط وفكر = في البقش والكراسي وإنتهاك الرعيّه ورث أبناك من بعدك وخلّك مسيطر = وش تبا بالقباعه والأمور الرديّه ما سمعت النصيحه يوم كوري مدقّر = ماتوا أجواد من فبلي ونا في المعيّه رحت واليوم بيكر عا العرب قد تأمر = ما تنازل يجيهم يرسل ألا البنيه موتنا أحسن كما الدنصور عظمه تكسّر = كبر حجمه وقع عايق وجاب المنيّه محمد بن سعيــد بن مخــاشــن |
اقتباس:
|
يامــــرحبا باقوال من شــــــاعر فهم يعرف اصول الشعر واصول القصيد من عند بوراضـــــــي يعدَل لا حكـــم ويقيم عهـــــد الله والقــــــول السديد شفنـــــــــــا بغيتك فـــــي قضيتنا هتم يـــــوم امنا تبكي مع خــــــوها سعيد دركاه يهل الفكــــر شـــــــو سال بغم والقلب متكــــدر ونا قلبــــــــــي نكيد واليوم شــــــو حسنون ذا بحره لطم لي ما عرف للبحر لايدخـــــــل بعيد |
الليل ياشعر ويييننكم
ياسلامي على الشعارفي كل بندر=وينكم يارجال الطيب وهل الحميه وين خالد وبوفيصل مع ولدعكبر=والدينصوروبن قطمان وباقي البقيه |
من دعاني حضر من عادتي ماتاخر = باسقيكم من الصافي بشربه هنيه باسقيكم عسل بفرش لكم لرض مرمر = ون تعجت علي فك القفول العجيه عاد سيفي معي هو والحصان المشهر= بامشي سعفكم في صبح ولا عشيه بالزور الوطن بلزور كم وادي اخضر = من شحن لاعتق لاحجر لما سهيه |
عالتفاعل انا باقول يلقرم تشكر=با كتيفه في الشعارمافيه زيه ذا سمع صوت من يدعي حضرما تأخر=يوم بعض العرب مايسمعون الدعيه |
جيتكم جيت للزامل وشوني مكشر = بانوطي حسركم لي بطت ملتويه مانهاب الخطر وحنا في البحر نمهر = بانجيب الدرر ليهي بطت مختفيه |
ذا فصل والثاني بصوتي بانهم = والفصل بانبداه شونا بالسلام وسلام لاياهل المعزه والكرم = يأهل السقيفه يالرجاجيل الكرام |
راح شعبان مادامه وصل سبعتعشر = با الرماضين واصلكم بقي له شويه
شهر بيغيب يخواني عليكم ويظهر = يا عرب وش تحقق ما سوى الهومليه؟ محمد بن سعيــد بن مخــاشــن |
اقتباس:
وإنته معوّد با تمر جنب الحرم = ما تعتمر قد لك قدر عشرين عام وإنك ذكي ستعرف أن هذه دعابه أو مزحة |
اقتباس:
يامرحبا اعداد مالطاهب يزم=واعداد مايبرق ويرعد فالغمام رحمه من الله ضاقيه والخير عم=والسيل من دوعن وصل لما شبام |
جات القوافي لي تصم الرأس صم=قد جات والبرّاق في راس الجهام واليوم في الميدان نبغى نلتحم=والكنش والباروت يتكلم كلام |
الصقر ماشفتوه عداء عالرخم = فالجو لاقد شاف شي علا وحام حط المكاوي ناجحه فوق العلم = خطط لهم من شهر ماهو من لعام |
سلام
حيا وسهلا بالمقدم والحكم=والله لهم عندي معزه واحترام انتم رجاجيل الشدايد والهمم=انتو رجال الامن ورجال السلام لاقد دعو في حلها قلنا نعم=جينا على الداعي نلبي والعزام جينا لكم خبه وسيره بالقدم=باخوطها وديان في عز الظلام |
قولوا لبو مخشن كلامك مفتهم = معروف قد حليت مابين الدقام ماليوم يالشعار حضرت القلم = بكتب لمى الصبح حضرت القلام قولوا لبو زايد يزم الحيد زم = معروف باعمران من زامن وزام سبع الليالي جا معدل محتكم = ويقول انا حاضر لتنفيذ الحكام ماليوم في الميدان يابصم بصم = كلن يوقعلي ويبصم بالبهام من مد لي علقم انا بسقيه سم = ومن عطاني تاج قلدته وسام |
سلام
هذا الكلام الزين ويافاهم فهم=ماليوم بانبداء بترتيب الكلام كل من لقاء حجه تفرعن وانتقم=ويقع في التهمه ويوقع في الحرام وين الشهامه والموده والكرم=وين التعاطف وين ذولك الكرام سالت دموع العين ماذلحين دم=والنفس تتألم من الناس اللام لي مالهم في الدين والدنيا كلم=ولا لهم شي فعل في التاريخ هام |
قال بوشيخ نبغى الحرب ماليوم واصل = والمسابت ملانه عندنا بالذخيره لاتتابع قناة الامبسي او فواصل = كل للخبار تنقلها قناة الجزيره |
اقتباس:
شاشة أبليس شفني فوقها نا مواصل = جبركم يومكم لي مصهريه وجيره محمد بن سعيــد بن مخــاشــن |
سلام
بانعيد الامل في مابيننا والتفاؤل =والشمالي نبا له حد يحدد مصيره
عالارض باالمروه والشرف بانقاتل=وكل خين نباه يصحى ويصحى ضميره لامتى بانتمي تحت ظلم التخاذل=بانعيد الاراضي غصب والا بخيره هكذا مكسب الوحده مصايب مشاكل= بعيرهم في الوصر يعصر ويشرب عصيره |
يوم شفت القوافي لي تهز المحافل = جيتكم ياجماعه جيت خبه وسيره عاش رئس جمع ماليوم كل الفصائل = وحد اوطان وأنجازات شوها كبيره لاتصوع الجمل ليهو يقود القوفل = والدواسر لها عاده تقود القطيره وايش سويت يالي دوب طالع ونازل = مانجزتوا عمل ماغير مشروب صيره |
شكرا ياشباب على المساجلات الحلوه بس اهم شي الوزن والقافيه وانتقاء المفردات الجميله
|
سلام
ماسمعنا باصحاب الرشاوي تناطل=والسرق والحراميه تقود العشيره لاتكابر ولاتغتر بهم اوتجامل=مايجامل سوى الا ذي شروعه قصيره وانت أسال عليهم كل عاقل وجاهل=بايدلك على اصحاب النفوس الكسيره |
|
مرحبا مرحبا بالحامدي لي يقابل = مرحبا بالمناضر ارض تعجب خضيره جبت ذيك المناضر من عمد والاسواحل = شف لنا قسم فيها سار برضى و بخيره قال بوشيخ شفني دوب فاهم وعاقل = شرعنا دوب وافي و العقول الكبيره مانحب الهبل والساس لي دوب هامل = مانهاب الخطر ولا الجموع الغفيره |
بانرحب بكم بطلعك غلب البناقل == قل لبو شيخ بلقي لك عزومة كبــيــرة
بـاننـزلك يالجيـد بخـير المنــازل == لاجل لجواد بانشبي العقاب العســـيرة الف حيا وسهلا بالرجال البواسل== لي لهم صيط في الوادي وفي كل ديرة بطلب الله يجمعنا كما البعد حاصل== لان لانسان في الدنيا حياته قصــيــرة |
اقتباس:
يا أمرأ القيس وينك؟ في عدب أو ببابل؟ = وضـّــح القول خـُــصّه في الأمور الخطيره نا بديوي قفا السادات دايم نقاتل = با حُضـُــر لا أطلبوني ليل وألا ظهيره محمد بن سعيــد بن مخــاشــن |
قل لعلوي يخلـّــي السوق ناشط وراقل = يا قمر قد بزغ لي في الليالي الغديره
يا أمرأ القيس وينك؟ في عدب أو ببابل؟ = وضـّــح القول خـُــصّه في الأمور الخطيره نا بديوي قفا السادات دايم نقاتل = با حُضـُــر لا أطلبوني ليل وألا ظهيره
|
قال بوشيخ شونا في المعارك نقاتل = بحفظ العهد باحافظ على حصن صيره من زمن طبعنا مااعرف طريقا التخاذل = قد عبرنا حسر عسره وعقبة حويره |
ذا فصل باندخل بكم بحر العرب = حيث المواج الهائجه تهدر هدير والشهر عاده فوقنا مبعد غرب = اما سيول الروس فاضت عالضمير |
علوي بدأ يشكي و نخله ماشرب = ماحد على ماله يخلي له نشير وأنته تركت المال جمله للعرب = واليوم تبغى قسم في الشعب الخضير ياصحابي شوفك دور عالكرب = تكفيك لو كربه من النخل الشهير ماعرفت بن هاشم بعد ولاقرب = ويقول هذا الوضع ميشجع خطير والمخشني مايوم من ماله صرب = لامعه بقر تعمل ولاعامل بصير واحد يطف بندقه والثاني نضب = كمن عور ميشوف حط في عين بير |
|
متاااااااااااااااااااااااااااابع بهدؤ
|
مسكين بوزايد وعينه عالرتب = عينه على رتبة مقدم أو وزير شوفه بطى ساكت وعاده ماخطب = قد له سنه سهران من فوق السرير |
بعض العرب عدا محمله قصب = ونا سمه كاتبه في راس النضير حبه ولاسخابه وكن مافيه طب = ماباه يتكلف على شمس الهجير ابغاه يتحذر ولايقع في مطب = كمن مطب جاب الصغير والكبير في ساعة الشده تمالكت الغضب = ولاطعن ماهزها وسط الجفير |
|
اقتباس:
هاشمي قبل ما الإسلام شل المعاول = حطّم أصنام في الكعبه خسيسه حقيره راس يعرب بني هاشم ولا حد يجادل = قبل طه ومن بعده ليوث الجزيره إرث لك وسْط مكه إرث ما هو بزايل = ذيه ينكرك ما عنده تقى أو بصيره محمد بن سعيــد بن مخــاشــن |
اقتباس:
والهيج با خطـّــمه وإلقي له قتب = با أخشف مناخيره ... يقع من جيز عير بس هاشمي مشهور وتهب المهب = إبدعوته نبغاه يقدم بالقطير ذي همّل الناقه ونا عندي عتب = ويومني خاله ... عتب عندي كثير محمد بن سعيــد بن مخــاشــن |
| الساعة الآن 11:14 AM. |
|
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir
