|
اقتباس:
وحيد عشقي وإرتفاعه=حيد عالي قد تشنطب تحت سفحه ميت قاره=طور سيناء ذي زبن موسى الكليم محمد بن سعيــد بن مخــاشــن |
اقتباس:
دوامي السبعه ودُق عشره وخالد ما صحي=يا خالد المرّي أنا بانام يسعد لي مساك إنته صحيت الآن ماتدري بوضع المخشني=يصحى لصلاة الفجر يحضرها ويصبح في الصراك لملمت لي كم بيت تكتبها شويّه عا شوي=وإنّك معك حاضر دخل وسْط السقيفه في العراك وذيبنا بكيفه يبا يسمر وإلاّ ما يبي=مخلوق منّك يستحي وعْناه ذي هو ما عناك محمد بن سعيــد بن مخــاشــن |
اقتباس:
ياسا معين الصوت قال الذيب صلو عالنبي=وتسمعو من قول شا عر ما لنا منه فكاك مكفاه قاته لي في البندل بغى من بندلي=شكلين بي فذح بها بين المطاحن والحناك يابن مهنا ايش تبغاء بالشقاوه ياشقي=عوذ من الشيطان خلك قال شاعر في خلاك لا جيت بستانك ولا حدك ولا سوق الطري=انت الذي ملقي مشاكل كننا كلنا عشاك عينك على المندي وعالمضبي وعا قدر الغلي=تاكل ثلاثه رباع كل ليله ولا تملي شواك تاكل ونا تفكر يقول الذيب بو طارق صبي=تاكل سمك يومك ما سويلك في المينا شباك ونا سرح وضوي باسنبوقي من الغبه خلي=وبيطلع حالي وبا خرج شحومك من كلاك لول في العشقه يقول الذيب معياني قوي=ومن بعد ما عرفتك صبح يابس بعد ماحد بغاك حن في كلام العشق ما ذلحين يالقرش النقي=وقله من اللي بعد ما قد متت يا قلبي حياك طلي الغصيني لي من افراقه نبيت ننقلي=حافظ مواثيقه وعهده يالغبي مانا كماك تحسد عباد الله عالنعمه وعا الوجه الرضي=هايم كما المغروم ماتعرف صباحك من مساك |
اقتباس:
انته تكلم قل لبو مخشن ولا تعلم بشي=بيني وبين الذيب رطنه وانت ماقربنا قداك وايش لي زعلك ..ماتميت في الدرب البتي=ولا تبانا نبتعد لكن بنتمي وراك لما نجيب الضغط لك ولا يجيك السكري=ولاعبر خرعوب مابايمد ويسلم علاك |
اقتباس:
كل من يحب مخلوق يبقى يذكره ماينتسي=ويذوق مره شهد ..وحياته في اعماق الهلاك نبغى وصوف اللي تحبه ياعمر لاتستحي=وقصة العشق القوي وبدايته من وين جاك من عمد او دوعن ولا من قداء الخبت الخلي=جوب على سوالي سرع وعساك تفهمني عساك |
اقتباس:
لون الهوى والعشق يالمهتوف قصه تحتكي=ان كان خلق الله تحكي كلهم ذولا وذاك كن الهوى في القب يتربى على شويه شوي=ويكبر معك ويمسمس اللحم الذي ستره كساك وكل شي تعطي المحب مافيه حاجه متعطي=ويعطي المحب حتى طلبت العين محبوبك عطاك وصف المحبه صعب ماله حد عند يابني=مابين رمشة عين واخرى متدري الا وغزاك ولا له محل يوصف ولا له حد عا غفله يجي=ولا قد وصل يمشي في اعروقك مع قوتك وماك |
وخل نحنا النام يكفي الليله جا لس تفوح بنا بغيت نحنا معاد ننام
|
اقتباس:
الله لايسامحك يومك ياعمر قهدت بي=وبغيت منك شي خبر لكن ..يمنعني ذكاك جوبت لي بغموض تمى سر عشقك مختفي=ولا بد مايظهر في اقصيدك وزاملك وغناك ارسل لي اللي قلت برسلها بيد المعتني=الاشرطه والدان والزامل..وقل خذها وهاك والوعد وادي العين ياباداس يمكن نلتقي=وانت ذهب صافي وكل الناس تطمع في لقاك يافارس الميدان يامقدام ياالقلب السلي=الكل بك يفخر ويثني بك وانا عندي ثناك |
اقتباس:
اقتباس:
اقتباس:
اقتباس:
لم يرد شاعرنا عمر الذيب على السؤآل المباشر وأورد مبررات غير مقنعة ومنقعة في آن واحد معا ( إن نظرنا لمعاناة الغربة ) التالي غير صحيح ، والعقال وتوابعه مستحدث ، وإن وجدت أولوية فيه فهي لأبناء الشام وأرض الرافدين ، أما في دول النفط فيدخل ضمن مستلزمات الطفرة النفطية ووسيلة تمايز وقهر للأغراب واعتماره من بعض أبناء حضرموت في مهاجرهم وخاصة أولئك الذين لم يدخلوا في نسيج تلك المهاجر ( أقصد غير المتجنسين ) فدلالته التنكر للمنبع والأصل : لعقال رمز العرب وشعارنا الازلـي كانو العرب كلهم عالراس يلقونـه في البيت التالي يحمّل عمر الذيب من ينسى وضع العقال على راسه المسؤلية ( إن هو نسي تقليدا سائدا في المهجر ) وان حد نسي او تخلى عنه ما دخلي باقول غلطان هو ماهو انا الغلطـان وفي تناقض مع جاء أعلاه يؤكد شاعرنا أنه لم يلبس العقال ولم يلامس راسه ( أبدا ) ولا أظنه صادقا في تأكيده : با لرغم انه ابد ما حط عـا عقلـي ولا لمس شعر راسي يوم وقرونـه يعود ويعترف بما أنكره مدعيا أن لبس بلد الإغتراب يحوي رمزية تاريخية وهذا الكلام غير دقيق ولا يمكننا اسقاطه على العصور القديمة قبل وأثناء وبعد الإسلام ، ويحتوي بيته التالي تحايلا على الجغرافيا في قوله : أهل الجزيرة وعرب قحطان كونه يفصل بين رقعة جغرافية وإقليمية واحدة ويجزئها إلى جزئين ( ليس شرطا أن تحمل تقليدا مشتركا ) كديدن شقيقة كبرى في المنطقة تدعي بأحقية في شبه الجزيرة العربية كاملة وتتجاهل الكيانات الأخرى القائمة والموغل بعضها في القدم ::FRlol: لكنه الرمز في التاريخ لي واهلـي اهل الجزيره وما جاور عرب قحطان : يصر أخيرا على أن اللبس لا يحدد أصلا ولا فصلا واستند في قوله حجة مستقاة من مثل سائد في بلادنا ( كل أرض ارمها بحصاها ) :FRlol:واستدرك متعززا أن لبسه لا يملى عليه ويرتديه نتيجة خيارات وقناعات شخصية . اللبس ما با يحدد اصلـي وفصلـي حسب المثل لي من اول لي يقولونه كل ارض بحجارها ترجم ولا يملـي لبسي علي في مهاذر غربتي انسان لأن أول ملكات النقد الذوق ، فالإعتراف بقدرات شاعرنا وملكته الشعرية واضحة وغير منكورة ويكاد يكون فارس ميدان سقيفة الشعر الشعبي دون منافس ، ولا تحتاج لمن يفندها أو يوضحها أو ينتقد ما حوته من سبك لا ثغرة فيه من حيث سلاسة اللفظ والوزن ولكنه أخفق في الرد ردا واضحا على السؤآل المحرج للشاعرة عيون المكلا في رده الأول والثاني ... والغربة عناء وهموم ومتاعب ، وأرضنا تطرد أبناءها لكنها والحق يقال خير موطن وقد قال من وضعوا أمثالنا التي لم تأت من فراغ : سكون حضرموت ولا مغاورة (1) الغربة ... وكل مغترب في مغاورة يومية من أجل لقمة العيش الشريف سنلتمس له عذرا ( لا محالة ) حتى لو وضع العقال على راسه وعوّج لسانه ... ولا نستطيع وضع حواجز بينه وبين وطنه فحب الوطن من الإيمان سلام . (1) المغاورة : التنافس والتخاصم على كسب العيش الوفير في المهجر |
ماشاء الله عليكم ياشباب مبدعين ايش رايكم نييب لكم صوات حق شرق
صوات زينه شوها بدويه باتعيبكم نح كل ليله نسمر عليها |
ظنيني امس ربيته قفى والعاد رباني=وراكم هكذا يهل الهوى تلقون
حمد با حنيص |
اقتباس:
نقش في الدار قيدك والق دكانك بدكاني= وخل الرطل ليهو في الكفف ما زون بحلس الشيبه |
من المجنون في الدنيا ومن هو يا ترى الجا ني=وهل فعلا عوض لعنه صبح مجنون وهل مسرور له في ما مضى عبره وميزاني=والا شيل ذنب الكافر ال///////////////////////// |
وهل مسرور له في مامضى عبره وميزاني والاشيل عالكتفه ذنوب الكافر
الملعووون صح لسانك يابوطارق ماشاء الله في كل صفحه اجد لك قصيده من بحر تغرف كلام رايع جدااااااااااااااااااااااا |
اذا مسرور مايوزن بغيتوني وزن للقاصي الداني = ولكني رشخ ذي مارجع عالشرع والقانون |
ورا الخرمان للقهوه تقهوونه سليماني= حكولي بالصراحه يالذي تحكون
انا من شرق جازع ارض سيباني= ولي مقصد حريضه عند بن هادون عليكم ضيف حل اليوم ي اخواني = عسى بالضيف لاقد حل باتفرحون |
اقتباس:
|
نشد يا الذيب واتخبر علىرمــــــزي وعنواني = وبارحب بكم حيا وسهلا عند ما تضــــــــوون انا في ارض معروفه وشف قد لي زمن باني = وتحمد ربنا وحده على الكائن وذي بيكــــــــون اناجيتك وشــــرفتك وباك اتشـــــرف امكاني = وخل مسرور واصحابه الى حل السمر بايجون لبا سمره تقع زينه بغينا شــــرح شبـــــواني = بغينا الكل يتسمر على المغنى وعا للـــــــحون |
|
سلامي قال ابوفيصل على اهلي وخلاني = وبعض الناس حطه في الصفي والنون كلام الذيب بهذلني عمرلي دوب يشناني = وهاجمني بلاحجه ولاقانون |
وينكم..!!!
|
حجا ني الوقت والا من سمركم ايش يحجاني=وقدكم قال بو طارق عمر تدرون فتحنا الباب بسم الله ما ذلحين يخواني= بغينا معركه بالكنش والمرشون |
اقتباس:
هلاء يا مسهلا عد الورق في روس لغصاني=بلي عائد مكانه في الصبي والنون |
اقتباس:
كلامك يعترف يالجار ماشي امر يغباني=نبا ورقة دواء الرجال لا تنسون |
سألناكم عن الغربه وعن ذي يشرب الراني = ومن بدل تقاليده وغالي مكتسب بالدون اذا قلنا غلط فالعفو منا يوصلك ساني = ترى مسرور له في المعتقد مايثبت المضمون وحال الحضرمي مايحتمل معروف انساني = ومهما طالت الغربه الى الاوطان بيرجعون علينا نعترف رغم الحقيقه لونها قاني = ومر في طعمها والناس منها غصب بايصالون |
اقتباس:
خليق الله يا سالم عقارب هم وحنشاني=إذا عاملتهم قلبك مسى محزون عبر زام الوفاء والجود بلّغ إبن وزراني=وزام المرجله إيقول بن مخشون محمد بن سعيــد بن مخــاشــن |
اقتباس:
نحب أرضي ولاني يا أم عبدالله لها شاني=ويا نود الصباء سلّم على ( إعيون ) ونا لا لبست لي مشلح فما باصير مرواني=حمومي بانظل لمّان ينحشرون وراء الميزان يا أختاه طوّل شطرك الثاني؟=ومن باب الكرم أحيان بتْطيلون سكت شي الذيب ما علّق وقال لي: إنت حقّاني=وقال لي: يا محمّد قل لها سوسون سوسون SO SOON = في الحــــــــــال محمد بن سعيــد بن مخــاشــن |
كاتب الموضوع : عمر الذيب المنتدى : سقيفة عذب القوافي
تنويه \ الخال محمد بن مخاشن خارج المجلس لظروف النت توقيع بن احمد حنآ لها لو يشتد الموقف ولو يحمى الوطيس ****ناقف لها وقفة رجل واحد نرص صفوفـنا عدونا من ضربنا مبهوت ويروح فطيــــــــس ****لنا في الموقف تجملنا فعول سيوفنـــــــــا حنا بني هاشم هل الطولات يتعوذ بليــــــــــس ****منا ويهرب لا سمع بعلومنا ووصوفنـــــا اقتباس:
تبا له حرز من ساحر وإلاّ مرهم ألماني؟=ودقق في كلامك يا الفتى المغبون تقل ورقه ولا إنته قلتها إحبوب ياباني=وإلا زيت بنشر شغل بن شيهون إذا موترك قد بنشر وقد له بضع عيماني=فما ينفع سوى التشليح يا عمرون محمد بن سعيــد بن مخــاشــن |
اقتباس:
ألا يا (( النت )) يا ريتك يقع لك ضرب عيلْماني=لأنك كل سلوكك دوب يتعكّون حرمت اليوم بو مخشن من المغنى على الداني=ومن سمره معا شعّار يعتدّون مثيل الذيب بو طارق وسالم ولْد وزراني=وكم شعّار والخنساء إنكنت بــ ( عيون ) محمد بن سعيــد بن مخــاشــن |
معي فصل لو سمحتوا يااخوان
|
على ذا الصوت جيتك ياعمر من دارنا عاني = بغيت اسمر معاكم كانكم ترضون وصوت الدان لسمعته تراقل كل عضماني = وجا الهاجس وبين كل شي مكنون وانا كم قلت له ياهاجسي خلك بكتماني = بغيت الناس بلي فلحشا يدرون ورد هاجسي وانته لامتى عايش بحرماني = قتلك الجوع والتفاح في لغصون ولاشي عيب فلعشقه اذا مافيه عصياني = ولاتنسى محبينك ولاهم يسلي ينسون |
ودانه دان يادانه لدانه = يادانه دان يادانه لدانه يادانه دان يادانه لدانه = بلاني في الهوي الله يبليه صغير السن في العشقه صديقي = وراه اليوم جنب من طريقي بغاني روح من عنده وخليه = بلاني في الهوي الله يبليه |
سمر ياالذيب هت قولك محكم = وخلك في الهوى عاشق متيم صغير السن ذي جبته توديه = بلاني في الهوى الله يبليه |
ويامسرور ربك بايعينك = انا بشرعي ولك شرعك ودينك ترفع من هنا شو السيل طاميه = بلاني في الهوى الله يبليه |
سمعنا المخشني لاوي صنيفه = يحس انه في الرتبه خليفه وكلمه طيبه مني تراضيه = بلاني في الهوى الله يبليه |
اقتباس:
انا في المملكه ماني هنا عايش بتيواني=لحتى بدل العادات ليتقولون على نفس العوائد كلنا يا عيون واخواني=على حكم الشريعه هاهنا يمشون وفوق الشافعي والحنبلي السنه وقراني=وقاضي عدل تحته كلهم يمسون ولالي دخل في مسرور لنه في بلد ثاني=ولا با قول فيها يمنعو الماعون ولكن سيطرو عا ما بها هندي وايراني=وضاعو اهلها من غير ما يدرون سالتي في العوائدذا جوابي القاطع الاني=حقيقه قاطعه ومؤكده يا عيون واما في المراره والا مور الثانيه ماني=مكذب فيه ياكمن هنا مغبون قوانين الا قامه والكفاله منها عاني=وبيت في سلا سلها اون مرصون |
اقتباس:
أتحفظ على ماجاء في التالي : اقتباس:
خيار وفقوس وأحكام ما أنزل الله بها من سلطان :FRlol::FRlol: http://www.alshibami.net/saqifa/showthread.php?t=47532 سلام على العدل . :FRlol::FRlol: (1) ما بين حيدين مزلّه : ما بين جبلين اختلاف ، وقصدت بها أن دول المنطقة كلها تعاني من مشكلة إختلال التركيبة السكانية :FRlol: |
ويامسرور عجزك في لسانك = بغيت الذايبي يفني مكانك بقية لاشتراكي باتوطيه = بلاني في الهوى الله يبليه |
اقتباس:
للمعلوميه انا جيت عندكم وجلست 15 يوم ورايت ما رايت يا مسرور والله ليس مجامله لاحد هناك فرق شاسع تحياتي عمر الذيب |
ياعني ماتبغون الا كلام عيون المكلا تتفاعلوا معه انته يابوطارق ويامسرور ويالمخشني ....طيب ما ءالرشبه ان عاد حد شارك معكم .
|
| الساعة الآن 01:29 AM. |
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir