طالب حسن عينه على مولا مطر = قد حط عاهالباب مالليله قليد
بنصك ياطالب من هذا حذر = والحكم للمعبود خلاق العبيد

الطيح ذا واقع ولامنه مفر = لابد ماتنهد يامحسن فريد
ريته صبح مبناك كله بالحجر = هذا الذي نبغاه وهذا لي لريد
ولعاد شي مفتاح حتى عالوصر = قد شله الشيطان ذا هرجي أكيد
وأنك بغيت الصدق ياوعل النتر = الشور مالليله معا واحد عنيد

يابن العمودي جيت والهاجس حضر=احسن وهد والا وقدناها وقيد
شفني محاذر ناس في شعبة عمر=والا قطبنا ذيل (... ) وام سويد

شوفك دخلت اليوم لاغبت قمر = حاسب حسابك يارفيقي لاتزيد
مبغاك تتعسس تجر الليل جر = والا جبناها من حبل الوريد

هت لي خبر ياصاح من وسط المقر = لا شفت انا الجندي ولا شفت العميد
لا بان واقعنا ولا ابن احمد ظِهر = والمخشني قد نام في الفرش الرغيد

هت لي خبر ياصاح من وسط المقر = لا شفت انا الجندي ولا شفت العميد
لا بان واقعنا ولا ابن احمد ظِهر = والمخشني قد نام في الفرش الرغيد

انته قور راسك وانا راسي قور=والله علم من بي كرد راسه كريد
يالشيخ احسن لك ترسي فوق بر=من قبل ماضيعك في الخط البعيد