ياالهاشمي ذا سيل حزره مانضب=قدله ثمان ايام من شل الربود
الظاهر انه بايصل لما الركب=كل ماسحق طاهب ظهر ثاني يقود
البخص عا منهو ستامن عا الحطب=باتندي الدنيا ولابيشب عود
اما انا برشن وبتشقص لهب=عندي ذهب اسود عرفتوه الوقود

سلام من عندي لكم ياهل النسب=وسلام ثاني عالذيابه والفهود
العز والتقدير من عندي وجب=بدعي لكم في كل صلاتي والسجود
الله يتقبل دعانا ويستجب=ويحفظ الامه من افعال اليهود
كل ما استقام الساس في لحظه خرب=يهوين يوم النفس تغيرها النقود
بعض العرب لاشفتهم عز الطلب=يمشون عالتقوي وعانهج الجدود
مابعضهم كشفان كذابه كبب=يسعون للباطل وتنقيض العهود
الله يحفظنا من اصحاب النشب=اهل الفتن واهل المشاكل والحسود

صيحت في صيحت ما مخلوق هب *=* كل العرب عندينهم صبحوا رقود
ناموا ولا حسبوا اذا الاعصار شب *=*ماعذر يدمرهم سترهم والسدود
سود العمائم بايحلقون الشنب *=* ومسعود في الضيقه كما اخته سعود
لي مالقى من سمح في يده سلب*=*يستاهل الرمحه ولطمات الخدود

جمال يقدم قُدم ما عمره انسحب=يعرف فنون الشعر وتقيـيم العهود
انسان متعلم كلامه من ذهب=يبذل على الشُعار ويرسلها طرود
كل ما طلبته قال أبشر ما غلب=باعد به صاحب وفي مخلص ودود
الله يحقق له الاماني والطلب=ويزهد عليه بالخير والصحه زهود