سالم يون قلبه من الحسرات=والكسر في ساقه بلا تجبير
ان عاد شي نقذه من السادات=بادحس قد عور على تعوير

الجّيد يترفع عن الزلات= لاقد حصل من صاحبه تقصير
ماشي مثيل الجود والجودات=على السوم طولوا ياوجيه الخير
وانسوا الذي عدا وذي قد فات= لان كل شي قابل الى التغيير

ولمس وقعت في ( الخ... ) هدّات = وابليس شب النار ذي في الكير
وبات بوعطفه على الصليات = وأحيان ماتسمع سوى ( التفج ....)

كله سببه الشيخ بن عبدات=هو ذي دهق جساس فوق الزير
وبات يقرح حاكم الطيات= والسر عاده وسط عين البير

يالهاشمي لاتشجع العثرات=من حبهم والله مافيه خير
الشعب بايحزن على من مات=والمعتدي مدري متى بايغير

بين الجبال الشيخ ليله بات = وحد يقول انه وسط كشمير
برويز يدوّر له بدبابات = والشيخ مايهمه ورأسه تير

عاصوت بوقلعه وشاميات=يابوش زر ضلعك وهت ابلير
لبغا مدافعكم و طايرات=عاصوتكم كم من ولد بيطير

هاجسي ما يدحق على العثرات = يريض خطاه وثابت في السير
لا جته جوده يحسبها عدة جودات = يكرم راعيها ويفضله علغير
يترفع عن راعي الدنيه لو جات = منه كلمه تكدر الخاطر تكدير
هو شامخ مثيل الجبال الشامخات = لي متهتز بتصفيقه والصفير

هاجسي مايدحق على العثرات = يريض خطاه ومنتبه في السير
لو جته جوده يحسبهاعدة جودات = يكرم راعيها ويفضله علغير
يترفع عن راعي الدنيه لو جات = منه كلمه تكدر الخاطر تكدير
هو شامخ مثيل الحيود الشامخات = مايهتز من تصفيقه والصفير

ياهل السقيفه لو معي موضوع=حد بايساعدني بحله
من بايقربني قريب الشوع=قصرين ببناله وفله

حبل الوفاء مابيننا مقطوع=كم من وفي قطبوه حبله
بيت على فرشي كما المفزوع=مثل الذي قد مال عقله

بغدادصابها المرض والجوع = اصوبها تنزف بها مليون عله
كنا نسير والراس بها مرفوع = علوج ذوقونا اليوم كاس الذله

ماشي معك ذلا مسير اسبوع = ان عاد شي في الراس خصله
هذا كلامي والزعل مرفوع = ماشي يجيلك من محله

المشاركة الأصلية كتبت بواسطة طارق صالح بن حيدره ماشي معك ذلا مسير اسبوع = ان عاد شي في الراس خصله هذا كلامي والزعل مرفوع = ماشي يجيلك من محله

ذا فصل والثاني سمعت احلى خبر = الصيعري حط النقط فوق الحروف
بسمر معك ماليوم عا ضو القمر = باشوف افعالك وابا منك تشوف

قولو لبن حيدور معي وجهت نظر=بقولها وفقه تقع ملهوف
قد شفت البارح لقيت البطر=قد جيت متعني وعكيت الصفوف

بن حيدره لقى عالساس المدر=اردف سلامه للعنيه والضيوف
هاجس معه طير رماده والهبر=واعمى عين الشايب المعطوف

قل لبن حيدرة ماهو ذالخبر = بالاذن بسمع والعين با شوف
ياخوي قلي ترى حالي بشر = من مانعاني وحال الظروف

سلام لهل العز والشيمه=اهل الشرف والطيب والجودي
من شانكم بعطي بلاقيمه=مابيننا عادد ومعدودي

يا مرحبا ماهلت الغيمه = وعداد ماحنت به رعودي
بالشيخ لي طبق تعاليمه = حافظ على عادات لجدودي