اليوم تم مقصودنا والمراد### الكلام ذا معنا بديله
وفي بحركم اليوم با صطاد### باجيب قياسه وميله

من ذا الذي جاء من بحور بعاد=أظاهر أن نفسه بخيله
لا حول لا قوه ردي الاعداد=لابد علي حتماً نزيله
ياراعي الجرذان خذ الامداد=من سبع بايثبت دليله
هت مامعك من مال وايراد=ان كان في راسك حليله
وان كانها هنجمه وعرباد=خل الشطانه يالفسيله

ذهن تهرول لقلك لقلك رفاد### ماسار من قطّب رجيله
وسأل عالعمودي وآل باعبّاد ### مشايخ مقامهم ماتطيله
لي عمدواشرق وغرب البلاد ### وتاريخهم ماتقد ر تزيله
آه يالسبع باحسبك مع الاولاد### ونا فارس شاد عاخيله



البكري

شوف التجاره نائمه وكساد =في السوق والحركه مهيله
والبيع وشراء ذا السنه مافاد=نسبة مكاسبها ضئيله
لا جمعت عشراتي مع الآحاد= ماتطابقت لي ياعويله
والفرق بين السين هو والصاد= غايه تبررها وسيله

مرحبا ألف حيا بالوزيري ومعبد =بانرحب بكم ترحيب حسب الأصولي
في لقاهم نسم شوني ونفرح ونسعد =يومكم تفهموا هرجي وتوعون قولي
باسكن عندكم ماباك يالغارلسود = كلما ذكرك ماسارت تجاهك رجولي
باعطي القلب عاكيفه يحدر ويصعد =عند ذي بيفرح لاجيت ساعة وصولي

ابديت بك ياحاصي الاعداد=يامنزل اسبال المخيله
وش لي حصل ياحاملين الزاد=حد با يدلنا بديله
وين الذي لاقال قوله حاد=جاب الصليبه والثقيله
مبعد زرع ليهوا علنها حصاد=قله حذر حل الهميله
لاقد سعفنا نقود ماننقاد=نبقى جبل وسط الغليله
ياعارفين العرف يا رواد=نيران باتظهر شعيله

تجاره بلا علم ولا ارشاد### والتجار امانتهم قليله
بالكذب والغش عاستعداد### و دايم الحلف ياويله
يابونمر من صدق استفاد### والكذّاب لازم نزيله



البكري

بن مهناء يقول اهلا مكرر مردد=يالصليبه واهلا ياقشاع الوعولي
عدما ماقال شاعر يالقوافي وسدد=عدما في بحور الشعر تذكر فصولي