|
سلام الله ياالزين الملثم=فديتك في الهوى باالروح والدم وكل من حب حد باالروح يفديه=بلاني في هواه الله يبليه |
مع الشعار بادخل بكلمه باتكلم =وعاماقول والله ماتندم كلام الكذب ونفاق مافيه =بلاني في الهوى الله يبليه صوات الدان خلتني تنسم =مع بن خال في السمره وبن عم عرف معناي ذي نعرف معانيه=بلاني في الهوى الله يبليه سمر يالذيب لاتتمي مكتم =بغينا يبتني كلما تهدم وحصن العشق نبغاك تبنيه =بلاني في الهوى الله يبليه |
عسى لايمي في عشقتك يعدم**** وربي يحفظك يازين تسلم
لعاشق يرتجي منك وترجيــه**** بلاني في هواه الله يبليــه |
اقتباس:
|
سساك الخير يا شاعر مخضرم = بحور الشعر تعبرها تهذرم ولك عادات تبدع في قوافيـــــــه= بلاني في الهوى الله يبليـــه انا بنشدك من مركب تحطــــــم = قدر سنتين له غارق في اليم وثاني عاده الا في مراسيــــــه = بلاني في الهــــوى الله يبليه |
عمر بالذيب جاني الهم والغم = وجدنا حب مخلط هو وجردم لزم كل من يدق حبه يصفيــه = بلاني في هواه الله يبليــــــه |
اقتباس:
أسد يومه في المركب تهرّم=فجابوا جيش يجعش له عرمرم وغَرْقوا مركب النوخذ وما فيه=بلاني في الهوى الله يبليه ومركب عاد به فيل(ن) مخرطم=من أفريكا وهو لونه مسحّم بغوا عاجه وسنّه ذي وسَط فيه=بلاني في الهوى الله يبليه محمد بن سعيــد بن مخــاشــن |
اقتباس:
وسلك النت يا العائد ملحّم=دوام(ن) ينقطب وإمسي تحطرم وإلاّ كل شاعر با نلبيه=بلاني في الهوى الله يبليه جوابي دوب جاهز ما تلعثم=وعندي بُر هلباء يا المكرّم ومن جانا مغدّر با نعشيه=بلاني في الهوى الله يبليه محمد بن سعيــد بن مخــاشــن |
اقتباس:
سمع للشيخ لا قد هو تكلّم=ووسّع في المجالس لا تحمحم وقدره دوب كل شاجع بيعليه=بلاني في الهوى الله يبليه محمد بن سعيــد بن مخــاشــن |
اقتباس:
يحق لك يا صغيّر بو سويلم=مهر في العشق لا يا شاب وإغنم وخل الذيب ... شايب ضاع في التيه=بلاني في الهوى الله يبليه محمد بن سعيــد بن مخــاشــن |
اقتباس:
وهي أحلى من الشّهْد المختّم=كما لنته في الشّفْتين تلثم تميت العاشق المغرم وتحييه=بلاني في الهوى الله يبليه محمد بن سعيــد بن مخــاشــن |
اقتباس:
واعذروني البارح عصلجت عليه السقيفه مادري عندي اوعندكم كلكم اثناء ماكنت اكتب وعملت ارسال على اساس المعاينه الأخير اراجعها واقرأها خربت السقيفه وعلق الجهاز عندي وحتى والله كنت متوقع انها لم ترسل فأستغربت ظهورها اليوم الظهر عندي وربما تكون كما تقول شي كلمه زائده انا فعلا لم اراجع وحتى تفاجأت بالفصل موجود وعليه ملاحظتك اليوم الظهر لما فتحت الجهاز وجدته شغال واعذروني برضه مشغول ما اقدر اواصل معكم الا يوم الثلوث من كل اسبوع |
خرج فصل با نسمـر وبا نحكّم السمــره=مادام الــهوى والجــو هــادي وقمّـاري بحسب العوايد مابها قــــات او خمـــــره=على قــهوة الدله وعا شــاهي ابخـاري يا طيب السمر نادولـشاعر بني مــــره=سلــيل الاســود اللي بها فلـعرب مــاري يا خالد بنــعطي كــل واحـد هنا جــبـره=وعن طيب خاطر ما تجي حاجه اجباري واهل الســـقيــفه كلهــم عنـدهم خــبــره=وهذا صـحيبـي لـي مــقــرب وذا جـاري انااقول سيف الصدق شوفه كما الشعره=رهيّف ويبقى الصدق مبداي وشعاري وبو شيخ صــابر ما نفذ يا عـــرب صبره=و عا صدق قولي شاهــدٍ ربي البـــاري اعزائي شعار السقيفه جميعاً ارجو مجارات الفصل واصابة المعنى في الابيات والليله الفصل عندي وللعلم فان الابيات على بحر المنكوس لا عدمناكم |
ماتشوفوا الزير ياالشعار عاعجره= من مادريبه انا به ياعمر داري وبن حمد ذي بدا ماريض البتره = وشق عوده بمنشارك ومنشاري |
ويا بن حمد قصدي من الزين بس نظره = مولع بحبه قي الهوى بيتٍ(ن) ساري وحس من فراقه في فوادي كما الجمره = وفي داخلي من فرقته تشتعل نــــــاري تعبنا في العشقه ويا همرة الهمــــــــره = ولما متى في العشق انا حامل اوزاري ولما متى با تستمر عندي القــــــــــدره = ولما متى با كتب قصيدي واشعـــــــاري لمــن بشتكي صاحبي دمي نوى هــدره = دموعي على خدي كما السيل ذي جاري وفزعان من ذالوقت لاطالني غــــــدره = ولصبح من المطلق ولا حارث الضاري بغينا نصيحه منكم مثل ما لـــــــــــــدره = نصيحه منكم يا ذي لكم بحت اســراري |
مالي دخل بفصولكم اللي ماهي مرصصه وقالوا اهل البلاد بهض الفصول خبع لبع .ياسلام على الفصول المرتبه والهادفه ومن على رأسه بطاح يتحسسه .اشكركم على تفاعلكم .
|
اقتباس:
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ ماتشوفوا الزير ياالشعار عاعجرهمن مادريبه انا به ياعمـر داري وبن حمد ذي بدا ماريض البترهوشق عوده بمنشارك ومنشـاري ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ المخشني قال ( فـ ) إبن أحمد معي حيره=راجع قوالك سوى يا ليثنا الضاري منكوس جبته لنا ذي هو صعيب أمره=وآنا معا الحنطبي بابات محتاري ألا إذا الذيب بيصلّح لنا الشفره=إملكلكه ما لها مقبض ومسماري محمد بن سعيــد بن مخــاشــن |
الذيب قد غاب في ليل الدجى الغبره= ترك مشاري .تريض هون يامشاري. نحنا تلاميذ لابد شرح للكسره = والحفظ واجب ومالتحضير اجباري |
اقتباس:
وانا خالد المري معك باعطي طمره=وحل الطلب ماروح واخلق لي اعذاري وفي النحر نطعن ماطعن حد في ظهره=وتسمع بااسمي لاطراء للعرب ..طاري وانته كلامك زين ياشيخ له نبره=بتركيب بردوني واسلوب محضاري معك باسمر لما يفل كوكب الزهره=وتشرق علينا الشمس من فوق لصباري |
لحق يا بن حمد كل من نشب داخل العصره = سرع قم ساعده جره بخبطه مينيباري ومن يتكي على موتر ه باتنكسر صبـــــــره = وبينه وبين النوف بس خمسه امتاري والا يعتذر منك وانا با قبل عـــــــــــــــــذره = والا يجنب موتره لوحه ــ (اجبـــــاري) |
هلا مرحبا بابيات عشرة على عشرة=من العايد اللي في بحور الشعر ضاري ويشكي فراق الخل خنقتله العبرة=ومن فقد خله بات ليل الدجى ساري وبحر الهوى تعّبه مابان له بره =برغم انه امخضرم وفالبحر بحاري وفزعان من غدر المحب باح لي سره= كأنّه قرا ماهو بعقلي وافكاري نصيحتي واصل صاحبك وطفي الحرّه = وخلّي البريه يا صحيبي على الباري ورجّع سهوم الشك وابليس في نحره= وتعرف ضنينك وانت به عارف أو داري وهت لي خبر من تمر بغداد والبصره= مع المالكي أو قسم هو شير زي باري وهل هو صحيح القسم الاكبر مع السحره = وهات الخبر لي ينتفع منه القاري |
اقتباس:
تغنّم زمانك وإنت عادك في الصّغره=ترى الوقت يجري مثل ما جري لنهاري تقبّض وشد يا خوك بيداك في نحره=نظر ما يطفّي جمر في الجوف وشْراري محمد بن سعيــد بن مخــاشــن |
زمن معترف لي فيه نفعه ولا ضره=كتابات ماهي واضحه تتعب القاري ..سياسات وقوانين فيها مائة ثغره=تحيّرك يابو شيخ يابن اسد ضاري وانا ماتعب حالي ولا دير شي فكره=وليش اتعب التفكير وآدير لفكاري وانا مامعي حيله ولاشي معي قدره=وهذا الحياه الا مكاتيب واقداري |
اقتباس:
تغيب الطوارح لا طرح طارح الغبره = ولا قد بدا خالد تخضّر به اصّحاري كما المزن لا قد هل عالطين والجدرة = يخضر ويحلى يوم تسقيه الامطاري ولي ما عرف بايخلط البن بالجبره = لانه جهل قيمتي ما يعرف اسعاري ومن ما معه عالضغط والكهرباء قدره = يجنب ويحذر لا يجي سلكها العاري كفوا يا بو سالم |
اقتباس:
لعلمك سداد الرافضي تم معا الكفره=قطر نجمها آفل كما البصره وساري تقبّض بآذانك هجركم أبو الزّقره=يعينك ربّنا عا صواديف وأقداري محمد بن سعيــد بن مخــاشــن |
اقتباس:
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ يا طيب السمر نادولشاعر بنـي مـره = سليل الاسود اللي بها فلعـرب مـاري ـــــــــــــــــــ أخي العائد ... لم ننشب في العصرة ولكــن: 1) أنظر بيت بن أحمد المقتبس أعلاه. هل يقصد ( يا طيب ) كما هو مكتوب أم يقصد ( يطيب )؟ هذا شعر وليس بيان بمقاضي من السوبرماركت وتفرق فيه الهمزة والشدة فما بالك بكلمة أنت ماتدري هل هي مقصودة أم هي غلطة كتابية؟ لذلك تجنّبت في مشاركتي الأولى بدع بن أحمد ومجرد أنني جاوبت على حنطبه وفقا للبحر الذي إختاره حنطبة وطلبنا من الذيب المشاركة فلم يشارك. 2) بيتك أعلاه الذي يبدأ بــ ( لحق يا بن حمد ..... ) ترى غير موزون إلاّ إذا حذفت كلمة (بن ) وغيّرت كلمة ( أحمد ) إلى ( حمد ) وفي هذه الحالة فإنك لا تخاطب الشاعر الذي جاب البدع وإنما تخاطب شخصا آخر هو حمد!! وأيضا راجع الشطر الثاني من نفس البيت والشطر الأول من البيت الثالث. هل أنت ناشب في العصرة؟ لذا لزم التنويه ولك تحيّاتي؛؛؛؛؛؛؛ |
اقتباس:
وتوزن مع اختلال معانيها والشعر اذا ماله معنى ووزن ماهو شعر اليس كذلك |
الاخ / محمد سعيد بن مخاشن هذه اول محاولاتي معكم في المجلس وانا لست شاعرا وهذه محاولات وقد يكون فيها شيء من القصور وارجو منك ومن الاخوه الشعار اذا فيه اي ملاحظه حول اي بيت قلته ان تتكرموا بالنصح والتصحيح لكي نستفيد وساتقبل اي ملاحظه بصدر رحب. اخوك العائد |
فعلا نبغي بن مخاشن والذيب اي فصل ماهو ريض هم يشيرون اليه للتعديل من قبل صاحبه ومساعدته في تعديله
وكلنا نتعلم الشعر ولاندعي انا شعار والله العظيم انا مانا شاعر ولكن اتذوق الشعر واعرف المجبورمن المكسور بقراءتي الخاصه للبيت فقط وقد اخطئ وقد اصيب والمسأله تسليه ونحن ماندخل المنتدى الا نادراوعلى الفرصه [/poem] |
ونا منكم نبى بانسمع النشره = اذا فيها خبر عاجل وشي طاري خطيت الفيل يامحمد مع الذره = وضربك في الهوى طائش على الساري وانا حذرك لاتوقع في الحفره = تحذر منها شفني بها داري |
خرج ذا فصل والثاني على ذا الصوت والحانه = نبى فيجان من شاهي بخاري شنفوا الفيجان يون القلب من بعد المحب والنفس تعبانه = ولاشي فيش يالغربه خلاف الهم والاحزان طلبت الله يجمعنا بكم هو فرد سبحانه = وعجل بالقاء يابلكرم لا ياعظيم الشان |
اقتباس:
وهذا والله ابداع مابعده واللي ما وفق يحاول وكلنا نتعلم من بعض لاعدمناكم يالغالين |
السللام عليكم اولا اعتذر من الجميع لاني شفت البدع العصر وقلت بعدين بدخل وبا نسمر
ولكن انشغلت لامر مهم ولم ادخل النت الا الا ن الواحده والربع ليلا ورايت جميع المشاركات واشكركم وعلى كل حال هذا مجلسكم ومن حضر يسد عمر الذيب |
[quote=أحمد العمودي أبوفيصل;328804]
خرج ذا فصل والثاني على ذا الصوت والحانه = نبى فيجان من شاهي بخاري شنفوا الفيجان يون القلب من بعد المحب والنفس تعبانه = ولاشي فيش يالغربه خلاف الهم والاحزان طلبت الله يجمعنا بكم هو فرد سبحانه = وعجل بالقاء يابلكرم لا ياعظيم الشان رحب با قوال من شاعر حضر رطله وميزانه=حمد وفى وكفى قلل الشوكه على الميزان ومن بحر الهوى خرج لنا لوله ومرجانه=وجاب الفائده بعد الذهب اربعما ية حنان |
اقتباس:
ونعمك بالعمودي لا تعنّى ... شيخ في الخانه=يجيب الوصف في البندق وأيضا في غصين البان معه برهان في صدره وفي رأسه مَلَك جانه=ولكن ريته ألاّ دوب ملقي غِمْد ( للـ ) إلسان نحبّه لا مشى في الدّرب في حاله ... ركِب تانه=وودّي لو غُنُصْ له ما سلِم منّه ولا إنسان الخانـــــــــــة = المنتدى أو محل تجمّع المسافرين ... إلخ. محمد بن سعيــد بن مخــاشــن |
[quote=عمر الذيب;328832]
اقتباس:
عساه الذيب ذي الليله يشاركنا ( لَدَن دانه )=يحل واجبه من بدري ويحضر للسمر صحيان ولا يحتج يقُل: بن عمرو شف لسلاك عكيانه=وجبت البنقلاديشي ولكنّه طلع كحيان محمد بن سعيــد بن مخــاشــن |
هلمّوا معشر الشعّار شو ذا الصوت مجنانه=ينسّي كل غاوي الزاد وينسّيه أم حمدان دركني يا الوزيري جيب لي خالد ... ودكّانه=صَقَع عا بابه ( الفيرو ) عسى لا جُدْت يا دكّان الفيـــــرو = أقوى وأجود أنواع القفول ( القرصه ). محمد بن سعيــد بن مخــاشــن |
انا متابع وشوف الورد لي يسقيه معيانه=ولكن ماشرب الا كرع من قصبة المعيان احاسيسي رقيقه..والحبيب اتعب على شانه=وشعري له قدر مرفوع عندي يارفيع الشان هو الا قلب بعض احيان يتعلق باانسانه=ويحسبها ملاك من السماء مش من بني الانسان وتملك كل احاسيسه وتفكيره ووجدانه= ونبض القلب لي هو متصل باالروح والوجدان كذب من قال ان الشعر لي يمليه شيطانه=ادب واخلاق وعواطف رقيقه تغلب الشيطان وتبقى خالده ولها قلوب الناس عطشانه=كما الماء لي هو بارد لا شربته وانت له عطشان |
اقتباس:
هلا مرحيب بوفيصل حضر قد جاب فيجـــانه = ونا بسقيه من صافي بغيه من عسل جــردان اذا قلبك يون ياصـــاحبي كم ناس تعبـــــــانه = و نا مثلك وكم مثلي حبيس الشوق والاشجان وكم من شاب في غصه ترك اهله وخـــلانه = صعيبه قل لبو فيصل فراق الاهل والخــــــلان ظروف العيش قد حكمت مسافر ترك اوطانه = ولا ندري متى نرجع عسى في خير يا لوطان ولما يحلها ربك عـــظيم الامر في شـــــــأنه = سجع يابن العمودي بالمغاني وانظم القيفـان |
اقتباس:
رحب يا ضيف شف بو شيخ يتعنى لضيفانه = قلط يا خالد المري قلط يا خيرة الضيفان مدام الصوت هذا زين والاحوال طربانه =مع الشعار بانسري وخاطرنا لهم طربان ولا لي مود يا خالد وشف الاحوال مليانة = ولكن الكلام الزين نسم حالي المليان صحيح الادمي لا حب حب قبره وسجانه = وانا قول ايش هذا الحب لي للقبر والسجان انا قلبي كما قلبك يحب تعذيب خلانه = رضينا قال بن هاشم بما يلقونه الخلان لانه قد تولع في محبة (خود) فتانه = ودمره الهوي من يوم ناظر قدها الفتان خلقها الله رب الكون والخلاق سبحانه = عسى يحمي عبيده من نظرها ربنا سبحان |
| الساعة الآن 03:25 AM. |
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir