المشاركة الأصلية كتبت بواسطة سبع الليل (المشاركة 303494) بعد اذنكم يامعشر الشعار اسمحوا لي بفصل جديد يابن مخاشن قد عبر ذي هو عبر=والشاهد الله بان ماحد مستفيد لا ذا ولا ذا كلنا خذنا العبر=واليوم بانوخذ ونعطي في المفيد حجاج بيت الله في حفظ القدر= واحنا معاهم كلنا لله عبيد

حيا بسبع الليل منطوقه درر = في حج بيت الله كل مسلم يريد
طالب مسا مارود عسا ماجاه شر = من جو نزل قارس خلق الله شريد

ادحق بها يا المخشني ادحق وسر=محسوب يا شجره ظليله من الجدود
شفني معك في نورها ولا غدر=وندحق سوى وديانها ولا حيود

يمكن صبح يسهول في الوادي عور = يامامعه شي عرف صاحبنا بليد
شوفه قبال العين يقفز عالستر = ماشي معه قبضات بابيات القصيد
سبع الليول اليوم شف حالي بشر = الوزن بالميزان ينقص مايزيد
والمخشني شوفه بغى قسمه كثر = قالوا رفع شكواه لاعند العميد

بأقوالكم يا أصحاب قد زال الكدر=والشيخ بو صالح أخو معليه زود
جواب منّه لا قدانا قد صدر=بيّن لنا إن ماشي جفا وألا صدود

ملحوظة: بنيت على قول يسهول.

المشاركة الأصلية كتبت بواسطة طالب النعماني (المشاركة 303466) وينك ياعم محمد وينك افتقدناك

ما با إنقطع عنكم وبركب كل خطر = ذلا حجتني قل لبو راضي سدود

ملحوظة: بنيت على قول يسهول.

المشاركة الأصلية كتبت بواسطة الغازي 2007 (المشاركة 303482) ليهو أتصل بك يامحمد هو بله = قصده ومقصوده يفرق عالوعول مادام بوصالح لكم فاتح وله = ياصاحبي من قال شي خله يقول

المشاركة الأصلية كتبت بواسطة المخشني (المشاركة 303517) ذي هو إتصل بي ما يطا له أي شر = ما شفت من ربعه سوى جوده وجود محمد بن سعيــد بن مخــاشــن

المشاركة الأصلية كتبت بواسطة المخشني (المشاركة 303517) ذي هو إتصل بي ما يطا له أي شر = ما شفت من ربعه سوى جوده وجود محمد بن سعيــد بن مخــاشــن

انته تلوم يارفيقي عالبشر = وضح كلامك يامحمد من جديد
لو كان له صوره وتفرق عالصور = أشر على الصوره وحتى من بعيد

معذرو لو الصاحب معدوم البصر=لا ضاع عليه العود ماجبتو جديد
ولكم بصر سته ع السته النضر=يعرف اصول الاصل ومن ذي هم عبيد

المشاركة الأصلية كتبت بواسطة الغازي 2007 (المشاركة 303524) انته تلوم يارفيقي عالبشر = وضح كلامك يامحمد من جديد لو كان له صوره وتفرق عالصور = أشر على الصوره وحتى من بعيد

أنا نخاطب ناس ما خاطب نْـشر=خاطب قبايل جيد جاء من بعد جيد
ولعاد با وضح وخرّب في السمر=والغازي أعرف من محمد بن سعيد

المشاركة الأصلية كتبت بواسطة سبع الليل (المشاركة 303531) السيد يسهول والسيد بن مخاشن الرجاء اتباع ماورد في الفصل الجديد الله يحفظكم نرجو التصحيح و بدون مأخذه لكي يتمكن لبقية الشعار المشاركة حسب الطريقه المتيعه ولكم جزيل الشكر وعيدكم مبارك وكل عام وانتم بخير

السمع قل يا السبع مرّه والبصر=وألا أنا برقص على شرح العبيد
وألا دحيفه وإن تبا قطني ظـْــهَـر=وألا على مغني الصعيدي في الصعيد

ياناس هاتوا لي خبر غير الخبر=كل ما طفيناه مست توقد وقيد
يابن مخاشن لا تزر الحبل زر= نسم شويه مقبله عالناس عيد
وان باتمي هكذا زر الكمر =شف ذي سماء من فوقنا ترعد رعيد

سلام للغازي ميه والفين كر=من عند سبع الليل وطلب ماتريد
ماباتشوف الأ العوافي والمسر=ذي باتسرك يالمقدم ياالعقيد

المشاركة الأصلية كتبت بواسطة يسهول (المشاركة 303535) معذرو لو الصاحب معدوم البصر=لا ضاع عليه العود ماجبتو جديد ولكم بصر سته ع السته النضر=يعرف اصول الاصل ومن ذي هم عبيد

ثعْـين معا لِـحْـموم شفهم كالتتر=ماحد قدر فيهم ولو عبد الحميد
ونا تبعت البدع حقك ذي إنسطر=زعلوا علي شفهم دهم وبلعبيد
ما عننا والله لو وصلوا القمر=وإن حن تراجعنا ... رضاء لهل القصيد

والقانص المحشوم قصاص الاثر=من باسه الحيدين لانت والحديد
يشهد له التاريخ لاقد كر كر=يرسل مراسيله بصندوق البريد

كل من بناء عالنيس بيته في خطر = ويذوب تمثاله مصنوع الجليد
كانك صلاح الدين هزّام التتر = تطمع تبا مثله على مثلك بعيد
ذيب الخطم وينه وين المعتبر = قوله حكم والله والراي السديد

المشاركة الأصلية كتبت بواسطة البكري (المشاركة 303540) من ذي خفا باقول ياساتر ستر = لسرار لاكتشفت فمن هو المستفيد والصدق خلط الكذب ماتفند ببر = باينكشف باكر لنا في يوم عيد

سلام للبكري خلط دجره ببر=والحرف رومي له كما ذلق الحديد
قم نسق أبياتك ومالك من مفر=من حكم ربك ذيه يفعل ما يريد

المشاركة الأصلية كتبت بواسطة المخشني (المشاركة 303537) أنا نخاطب ناس ما خاطب نْـشر=خاطب قبايل جيد جاء من بعد جيد ولعاد با وضح وخرّب في السمر=والغازي أعرف من محمد بن سعيد محمد بن سعيــد بن مخــاشــن

عاثور شور لاتشور عالبقر = وامسك خطام الثور يامحمد بليد
مادام ماعندك درايه بالصور = اليش ترسلي رساله بالبريد
شفني انا في الناس لي وجهة نظر = ومن قرب نعرفه واليهو بعيد
ابغاك تتاكد وترجع لي خبر = من قبل لاتخسر وغيرك يستفيد

الله يكفينا مكنونك وشر=يا شيخ للمجلس و الكور العنيد
لولك و مرجانك ع الساحل ظهر=و المركب المنكوب ما طرش بصيد

حيابكم يااهل المعاني والفكر=بكتب لبوكم شيك مفتوح الرصيد
والمخشني شاعر وفي قوله عبر=وحمد كما جعفر وهارون الرشيد
المشكله في شخص عاده مااحتزر=ماحد عطاني العلم والهرج الاكيد
هل هو من البحرين ولا من قطر=اومن قداء صنعاء اليمن او من زبيد

المشاركة الأصلية كتبت بواسطة سبع الليل (المشاركة 303541) سلام للغازي ميه والفين كر=من عند سبع الليل وطلب ماتريد ماباتشوف الأ العوافي والمسر=ذي باتسرك يالمقدم ياالعقيد

قولوا لسبع الليل ياوعل النتر = قصيد قد جاني ولامثله قصيد
لاقلت حن ياصاحبي قلت انكسر = وانا معك بن خلي الزايد يزيد

المشاركة الأصلية كتبت بواسطة سبع الليل (المشاركة 303544) والقانص المحشوم قصاص الاثر=من باسه الحيدين لانت والحديد يشهد له التاريخ لاقد كر كر=يرسل مراسيله بصندوق البريد

لازود عامثلك حروفك من درر = رمز الكرم والجود وتاريخك يعيد
لا ص ب شفته ولامنك صدر = مرسول جاء منك تبارك لي بعيد

الشيخ بكري في زواملنا حضر=حيا وسهلا بانريض في القعيد
فين الكلام الي يسر القلب سر=ياصاحب الافكار والراي السديد

خلى الغطاء مستور يا مول الدرر=ما ينفعوك عبده و الصحاب العصيد
لي يشترون بلقرش منشور الخبر=تعبر عليكم يوط يا الفكر السديد

المشاركة الأصلية كتبت بواسطة يسهول (المشاركة 303548) الله يكفينا مكنونك وشر=يا شيخ للمجلس و الكور العنيد لولك و مرجانك ع الساحل ظهر=و المركب المنكوب ما طرش بصيد

جينالكم بن خلي الحالي يقر = وباجيبها ماليوم من حبل الوريد
والي بطى خسران ماباينتصر = لمان يلقي فوق كل سده قليد

المشاركة الأصلية كتبت بواسطة الغازي 2007 (المشاركة 303547) عاثور شور لاتشور عالبقر = وامسك خطام الثور يامحمد بليد مادام ماعندك درايه بالصور = اليش ترسلي رساله بالبريد شفني انا في الناس لي وجهة نظر = ومن قرب نعرفه واليهو بعيد ابغاك تتاكد وترجع لي خبر = من قبل لاتخسر وغيرك يستفيد

على قليل الخير قصدي با ستر=ذي ما يحب الستر دايم لي يكيد
أنا معه طيب وهو عقرب حمر=داخل جراب أبليس لابد لي لبيد
الكذب عنده عينة السكر حجر=والنخوله يطعم لها طعم الثريد
ولعاد با دحق عمل وألا شجر=ولعاد بستامن مـ . . ــم عا القليد

ويسهول قد وفاء وشرعه ما قصر=يزمل بصوت الدان ويشل النشيد
هو عامد البحرين والا في قطر=صوته بلغ بين الحناجر والوريد

خلى الغطاء مستور يا مول الدرر=ما ينفعوك عبده و الصحاب العصيد
لي يشترون بلقرش منشور الخبر=تعبر عليكم يوط يا الفكر السديد

المشاركة الأصلية كتبت بواسطة خالد سالم بن مهنّا المري (المشاركة 303549) حيابكم يااهل المعاني والفكر=بكتب لبوكم شيك مفتوح الرصيد والمخشني شاعر وفي قوله عبر=وحمد كما جعفر وهارون الرشيد المشكله في شخص عاده مااحتزر=ماحد عطاني العلم والهرج الاكيد هل هو من البحرين ولا من قطر=اومن قداء صنعاء اليمن او من زبيد

في ظل وحدتنا مرعي منتصر = لاتفرقه مااليوم ولا حزبي يكيد
مجلس بلا دستور ولاشي يتنكر = نا شوف خلق الله تفعل ماتريد

اللوم لاتحطه علينا يالغبر = دور على غيري وبتحصل بليد
لمى متى وانته على هرجك تصر = تقرا في الدفتر وكل صفحه تعيد
سنيت سكيني ومن جاني بشر = بذبحه بالسكين في عنق الوريد
يالي بلا معنى تدفر عاستر = شفني بحد الموس بكرد لك كريد
ماعذر لك يالثور جر الحلي جر = واعمل سوى شفها عصا شوحط بليد

المشاركة الأصلية كتبت بواسطة سبع الليل (المشاركة 303559) ويسهول قد وفاء وشرعه ما قصر=يزمل بصوت الدان ويشل النشيد هو عامد البحرين والا في قطر=صوته بلغ بين الحناجر والوريد

شعار جم با أيدك لو بِتـْــدهر=إبهم في التنار أو بخ المبيد
من فوقهم ... وإعط العمودي كم إبر=من سم لفعى أو سموم الساينيد

ماهمني إن كان مايشوف الخطر=باكبله وبعقل فيه رجلاً و أيد
ساكن في ارضي ولاعني خبر=تنزاعني المخموس صوته من بعيد

المشاركة الأصلية كتبت بواسطة المخشني (المشاركة 303568) شعار جم با أيدك لو بِتـْــدهر=إبهم في التنار أو بخ المبيد من فوقهم ... وإعط العمودي كم إبر=من سم لفعى أو سموم الساينيد محمد بن سعيــد بن مخــاشــن

تبغالي الا الموت لنته بتقدر = لوكان بيدك يامحمد بن سعيد
لكننني اراضي بماجاب القدر = والله يفعل في عبيده مايريد

يا خس صوره صورة العيف الوضر=ذي هو نشرها عا الملأ إبدون ( نيد )
ذا وجه ربي با يقوده لا سقر=لا شاهدوه السكن با يمسوا شريد

هاتوا لنا موضوع منه منفعه=ولاحكم من عهد لقمان الحكيم
اشياء كثيره مالبوها فائده=من بعدها نستغفر الله العظيم

ياعم محمد باتقفل بابها=من قبل ماتفتح لك ابواب الجحيم
وابن العمودي خذ نصيحه عاجله=عوذ من الشيطان وابليس الرجيم

المشاركة الأصلية كتبت بواسطة الغازي 2007 (المشاركة 303578) تبغالي الا الموت لنته بتقدر = لوكان بيدك يامحمد بن سعيد لكننني اراضي بماجاب القدر = والله يفعل في عبيد مايريد

أبدن ... أباك إتعيش لا أرذل عُـمُـر=عشان تتعذب في العمر المديد
دايم تهاجمني ونا شعبة عْمَر=مصخى بهم حلانها يا بو حميد