|
|
قادة العرب تتوحد وتنهي التخاصم=وبا يحلو المشاكل لي تعاني القبيلة من ليبيا با يجينا الخير والجني المغانم=وبا يتم التوافق على المهاري الثقيلة |
اقتباس:
انت يابو مخاشن في الهوى صرت عالم=وانته اللي تميز ونفرد بين جيله بس أشوفه انا طماع بصيد التهايم =عاد عينه على النخله يقانص لخيله |
اقتباس:
وين راح العمودي وين سارو الاوادم=وين سبع اليالي وين روح زميله ان يجونا والا با تزيد المغارم=با تنيّل لياليهم بستين نيله |
با يشلين عقله لا بسات المقارم=من تولع بعشقتهن تروح رجيله با يسلّم ولا يقدر لهن ان يقاوم= عشقهن هم وا لمسكين من هو يشيله |
اقتباس:
وايش قدر محمد عاطلوع السلالم=والحسر والعقاب النايفه عارجيله المحبه تباء شُبان صلبه تهاجم=مامثيلي ومثلك يامحمد فشيله |
اقتباس:
لو يجتمع الف قايد والف عالم =اهمومهم كثروهم الشعب من يشيله حتى الهويه ضيعوها والمعالم =وابن الشهيد اليوم مالقي حد يعيله |
اقتباس:
الف حياك بوفيصل شهير المكارم=قل له السيل جارف روحّـت ماصليله
شعب لاهي بغاءالا عيشته في المطاعم=قالوا الستر بين الناس ماشي مثيله لكن ابليس غوّز للحكم والملازم=تسعتعشر سنه واحنا نهل في غليله |
اقتباس:
لا تلومون بوصالح ولا بومزاحم=لومكم عالذي خلاء دروبه سهيله طعموه الحلاء ماقصرّوا والطماطم=خلو العاشق المسكين ينسى دويله |
اقتباس:
با صليب يا صليب الراس يارجل فاهم=مرحبا بك وحيا بالقوافي الجميلة لا تزيد هموم القلب بذكر المظالم=لاتقول قادة الامة قيادة عميله |
اقتباس:
قد غيّر السبع في الخطة واصبح مهاجم=جرد السيف حقه وعتلى فوق خيله ونكر العشق وللعشاق شفته يصادم = مادرى ان محمد قد قنص كل عيله |
| الساعة الآن 04:18 AM. |
|
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir