المسأله زادت عن الحد حيل والحبل إنفرط= واصبحت انا مجبور في حط النقط فوق الحروف
شغلات واجد وديّ ان تخرج من ادراج اللغط = وتصير اوضح من اشعة شمس من بعد الكسوف
شغل التلاعب والخدع والعربجيه والعبط = ولاّ زمانه واندثر ما عاد له قلب (ن) عطوف
اليوم لابد ان تكون انسان واعي منضبط = تعرف وش اللي يرفعك ويعززك بين الألوف
في وقتنا هذا الوفاء بالمصلحه هو مرتبط = وأصبح لكل موعد وفاء إجحاف وخلاف وعزوف
الحلو بالمُر إنمزج والزين بالشين إختلط= والغالبيه تتجه صوب التخاذل والنكوف
و(كذب التجمل) والمديح الزايف اصبح مُشترط = بالمصلحه لي صارت اقوى بند في عُرف الضعوف
الصاحب اللي لا نخيته يوم راوغ وإختبط = أطمس معالم صحبته وارمي بها من غير خوف
صاحب في السراّء ارتفع اما في الضراّء سـقط= لا فايده مهما إعتذر واسند سقوطه بالحلوف
حتى الحبيب اللي بوقت الجد يعميه السخط = إحذر تبالغ في الوفاء لجله ويظنيك الوقوف
خل التعامل بينكم بالمثل يتجدد فقط = وان جـاوز إحـدود الـلـيـاقـه ما عـلـى مـثـلـه حـسـوف
لأن الغلط مهما استمر يبقى في الآخر غلط= ويجيه يوم يدمر اللي شيده بإسم الظروف

اليوم لابـد ان تكـون انسـان واعـي منضبـط = تعرف وش اللي يرفعك ويعـززك بيـن الألـوف

الهرج للّي يعِرفه أما الحشف ما ينصرط = هذي القصيده كلها أوصافها فوق الوصوف