في صفحة التاريخ سجل ياقلم=عن ماضي الامه وقل كل ماتريد
مستثني الماضي البعيد المحترم=في الماضي الاقرب لنا بيت القصيد
في الاوله سجل عن اعهود الظلم=والبطش والتعذيب والقيد الحديد
واكتب عن ايام الماااسي والالم=من بعد ماضي تركيا عبد الحميد
كل ماانتهينا من صنم ارث صنم=يعبد وهو في الاصل من صنع العبيد
استهرمت اقزام وتقزم هرم=في صورة الشعب الابي يابو وليد
والراي عا واحد وعشرين انقسم=لا منهم عاقل ولا فيهم رشيد
مقد التقوا في راي مابين الامم=الا على استهداف بغداد الر شيد
وتشرذمت الاراض والراي انقسم=وبات كل مسؤول يفعل مايريد
هذا في الماضي واما في الاهم=يالله عسى حاضر ومستقبل جديد
تنهض به الامه عربها والعجم=يكتب لهذا الجيل في حسابه رصيد
والظاهر ان القصد والمقصود تم=فيما تراه العين واضح من بعيد
ماعاد باقي غير سيطان القثم=لي بالعطاء قد خلوا الزايد يزيد
كن العطاء دون المبادي والقيم=اشبهه بالبنج كثره ما يفيد
لاقل عطاء المعطي وقلين النعم=با يلحقون امعاويه وابنه يزيد
=عمر الذيب

كل ماانتهينا من صنم ارّث صنم=يعبد وهو في الاصل من صنع العبيد
استهرمت اقزام وتقزم هرم=في صورة الشعب الابي يابو وليد

شاعرنا واستاذنا عمر الذيب
لاتخطي سهام حرفك عند رميها
انت الشاعر الذي يعرف مايقول
صح لسانك ودام حرفك
تقبل التحية والشكر والتقدير