وانعم ياالبكري نجومك في السمر=تزهاء على روس البواخر والدقال
انت استمر وحذف بذي هو في الكمر=ماحد مكمل غير لله الكمال
اما الذي هو بايناوط للقمر=قل له سكت خل القواره والبدال
الناس تتجابر وتبني ما اندثر=جبر الخواطر يعطي الشاعر مجال

الكمر مالمسته مكانه مصرور صر ### والميزان وافي شوكته في اعتـدال
دالا مـن راس البيـر بامليلك العبــر ### وباكيل بالوافي ماحـد مــعي كيّــــال
لي ما يعـرف للبير وسطـها طمــــر ### ولي يعرف لها ينزح بالدلي والحبال



البكري

مني سلام الفين وماهل المطر=وما نست العليا من بعد الشمال
يامن لكم في العين يصحابي مقر=وخليت في قلبي لكم فسحه ومجال
من بعد ماكنتو تجيبون الصور= مثل الارت والنار ماغيره مثال
لاذا لمس لاخر سببتو شرر= انت يالبكري مع سبع الليال
واليوم ياصحابي ماشاف البصر =ذا مثلكم اخوان شفت وعيال خال
يالله عسى يديم المحبه في السمر= والود والاخلا ص مابين الرجال

يا عامر لا ضـوى الليل الصائم فطـــر ### وفي منى الحاج يرمي بعد وقت الزوال
ويطوف بالبـيـت في اي وقتن حضــــر ### لي ماعرف يسأل من يجـوّب عالسؤال
الطواف بالبيت ركـن للحاج والمعتمــر ### والسعي والحلق واجب به يتم التحـلال
وبايرجع لاهله في سعاده وذنبه اغتفر ### ومن ربّه منّـه تقبّل يدوم عاخيرلعمـال


البكري

ذا فصل ياعامر سمع بيتين = انته وبن هاشم سمع فالحال
ماشي نعومه في بلاد الصين = ماتعرف الحرمه من الرجال
والصوت قاسي ما سمعت اللين = ماشي مناظر ذي تسر الحال

في الصين قالوا لي لهم وجهين=وكيرانهم باتشبه النيبال
وديارهم ما هي حجر اوطين=ذالا سفر ومن فوقها طربال
من كثرهم بايوكلون الشين=لا عندهم مصراء ولا مكيال
مثل الرضه لي عالستر يشبين=يقضمن في لسهم وفي لقبال

بايغص من يوكل على شقّين ### قلــه تريــض وخـــــل الفـــــال
بالنقـداحســن لــك ولابالديـن ### خلك على الفوطه هي والشال
كذّاب من يعشق وله وجهيـن ### خــل المظاهر لي تغــر والمال
يالسبع ان كانك من الهجرين ### عاصنعــة المولى نشوفك زال
انته مكانـك في خيالي زيــــن ### عدّل كلا مـك لي سبـق ان طال
باتغلـط الرجــل بعــد العيـــــن ### واليـد تتبعهــم على الاهــــوال


البكري

سبحان من حكمه على الثقلين=والامر بيده والعطاء والمال
قادر يجمع بننا الاثنين=ويحقق المقصود لي عالبال