|
|
هذا الموضوع عجبني فيه اكثر من شاعر يتساجلون ويثبتون جدارتهم هنا المتعه والتذوق اكثر من القصائد الطويله شكرا لصاحب الفكره
|
اقتباس:
محمد من يحب مخلوق لايخليه يقتله الوهن = يمسي على جاله شبعنا من محازي كان ياماكان لاني قد درست العشق من قبلك وعاصرت الزمن = لي فيه كان العشق له شوكه وله يالمخشني ميزان |
جزاك الله يالي بعتني بالرخص ومسكت الثمن=قد خنت في خلك وبعته بيع مغرب برخص الاثمان ولاكن بايجي لك يوم ترجع لي وبعلنها علن=باقول ما بغيتك وفلبي له سنه من حبكم قنعان |
اقتباس:
والنعم بك يا بو فيصل. شهادة لله قولك يهف. تستحق لقب شاعر نوفمبر بس ما لها معنى تكون شاعر الشهر لشهرين متتاليين! |
اقتباس:
مــن يـحـب مخـلـوق لايخلـيـه يقـتـلـه الـوهــن وهل يا الشيخ با تنقذه ذا المخلوق مص دمّه دفن؟ = قدها الحْمَـه عمّت ... وجيب المُـغتسل وحرّب الأكفان |
اقتباس:
|
اقتباس:
|
اسمحوا لنا بالفصل جزاكم الله خير بعد اذنكم طبعا
خرج ذا فصل مابين المحب والقلب حنيّه=رشيق القد والقامه قتلنا بالعيون السود وعاد القلب ماتقنع يباء يعلن علانيه=ولكن ماسخى قلبي يباء حبل الهواء ممدود |
اقتباس:
يمنح لقب شاعر السقيفه فورا !! |
تفقد قل لبوخالد حناش أبليس ملويه=يلومونك على ماشي قلال المخيره والجود اذا انت صدق ماتقراء انجليزي قر بعربيه=وبعده باتلاحظ من هو الحاسد من المحسود |
اقتباس:
نعم فالسبع يومه قد بدع ببيات فنيه=وذكرني عرب من بعدهم قدلي سنه مارود ومن هذ البلد يالسبع شفها طابت النيه=بغيت رض اليمن من قبل ماشي عود يصقب عود |
اقتباس:
دحق عالقاع باقدامك وحط ذيه على ذيه=وتم قانع بما عندك وضيق الحال والا الزود عرب يا صاحبي مثلك وكلن لا بس احذيه=ضوو حفيان والسبّه في السارق ورا لحدود |
اقتباس:
لمن حبيت نبض القلب كل نبضه ببرقيه=ولكن الزمن واهله حواجز بيننا وسدود الا ياريت بقعاء مثل ما بيروت حريه=على جال المحب باشوفني كل من عبر موجود |
اقتباس:
( أحمد العمودي أبو فيصل ) لا؛ لا! أنا أسحب ترشيحي لك. وخذ الفردتين معا وهل يا الشيخ با تنقذه ذا المخلوق مص دمّه دفن؟ = قدها الحْمَـه عمّت ... وجيب المُـغتسل وحرّب الأكفان وإنته شيخ ما عندك بصيــــــــره لا ولا عندك تقـَــن=ما تتقن الصنعه ولا تعـــــــــرف قراية جزو في القرآن |
اقتباس:
رحب بابيات من شاعر رحب بابيات ورديه = وخلها قال بوفيصل عمر يالذيب عالمعبود وناماباك تتذكر ليالي أنس منسيه = تناسا ياعمر خلك تناسا العهد لي معهود |
اقتباس:
لي وجهه ينور لاظهر لليل الهوى ضيّه = ولا منه عبر فاحة عطور الورد هو والعود لا ياسبع خلك عالعهد واسرار مخفيه = مادامه وفا بالعهد لي هو بينكم معقود |
اقتباس:
مضى وقت الهويه والهوى هو و الرومنسيه =وجا وقت التفاني في العمل والكسب والمردود حلقت الرأس والعكفه بدلها لبست طاقيه= وطالب في رضاء ربي علي ويتمم المقصود وفي لبنان حاكم كان من اول فرنجيه =وحكموا ناس جم بعده واذكر منهم لاحود وحد مسلم حكم منهم وحد منهم مسيحيه = ولاشئ خير شفنا منهم غير الطرب والعود |
وانا شفرت قلبي للمحب باارقام سريه = وبفرش له ممراته بزل احمر بهي و.ورود رطن يالذيب شف هرجك دواء لكبود محطيه = ترد الروح في هيكل عظامه لحمها مجرود وكم من جيد في الشعار حط فوق العلم كيه = وشخص حالته في بدع مع ذوق العسل معقود وهاجت ذكرياتي في حسر واجبال ملويه = عسى عوده لها من قبل ياتي يومي الموعود وباقبل ثراها والحجر قبلات وديه = ولولا الشرك باالمعبود بسجد للجبال السود |
خرج ذا فصل والثاني نبى بنعدل الميله = عسا الجمال بعد اليوم بيعدل حمول الميل ظلمني قال ابوفيصل كبير القوم ياويله = ولي ساروا معه في ظلمهم ياويلهم ويل |
الله الله يالذيب مجلس راقي بحضور شعار كبار
نفتخربكم مرور طيب بين طرحكم |
اقتباس:
|
اقتباس:
ياويلهم بالويل افضل يابو فيصل والعفو منك لا تقول ملقوف بن بريك |
يقول الشيخ ذا القاضي غلب لا يوفي الكيله=وخلا الناس فيما بينهم يتقاسمون الكيل ولا حس بالمواجع ذي نقاسيها في السيله= ولا زاد المطر من كل وادي بايجيك السيل |
ونا جيت وبتَسمر معاكم هذه الليله=وبانسم على الخاطر وطُل عادك شوي ياليل تعبت من فراق الزين ولا بليد شي حيله=عيوني تسكب الدمعه وزاد الشوق فيني حيل |
ماعليش !! إذا عجبكم هذا الفصل خير :
المسدره الزرقاء زادت في السقيفه = وقلاسها مخفي وياقتها ظريفه وكمها قاصر ولاشئ عالجوانب جيب = يالابسين الحمر صفوا في السقيفه سيب |
الله الله مبدعين شعارنا الافاضل الى الامام
|
اقتباس:
كل مايحصل وجانا من خليفه = ليهو تلاعبي وكثر في هذيفه والكذب والتزوير قل لعيون عيب = يالبسين الحمر صفوا في السقيفه سيب |
اقتباس:
للفعل ردة فعل لو كانت عنيفه = وماحصل مابينكم قصة طريفه والعلم عند الله عالم الاسرار والغيب = يالابسين الحمر صفوا في السقيفه سيب |
اقتباس:
قسموا خريف النخل لي يعجب خريفه=حد قسمه امذنب وحد كربه وليفه من دلهم شيبت شعر الراس ابيض شيب=يالابسين الحمر صفوا في السقيفه سيب |
اقتباس:
كل من ظمي يشرب بحفنه من كريفه = وان جاع يؤكل في مكانه من رغيفه بعد العسل ماحد يفضل في شرابه ريب = يالابسين الحمر صفوا في السقيفه سيب |
اقتباس:
ماشي خطا عا كل من ناصر حليفه=العيب الا في الذي يده خفيفه ان كان عاقل او صغير السن عاده خيب=يالابسين الحمر صفوا في السقيفه سيب |
اقتباس:
كل الخطأ في من يتجاهل سعيفه = ومن شعاع الشمس اختك مش كفيفه تشوف وتبين عصا الرشبه اذا هو بيب= يالابسين الحمر صفوا في السقيفة سيب |
اقتباس:
اهم شي النيه اذا كانت نظيفه=واهداف مولاها واغراضه شريفه مابا نلوم الزير لا عاتب اخوه كليب=يالابسين الحمر صفوا في السقيفه سيب |
اقتباس:
ارفع لك الراية البيضاء واحمد الله ان توقعاتي فيك لن ولم تخيب أنت مدرسة راقية بكل مقوماتها يعطيك العافية اعتقد ان الرسالة وصلت لمن يهمه الامر أليس كذلك ؟ |
اقتباس:
طب الجهر لاياعمر معروف صيفه= هت ملعقه وحده ويبصر بوحنيفه وأنته ولد فاهم وسموك النشاما ذيب=يالابسين الحمر صفوا في السقيفه سيب |
وين الذي كانو يقسمون الرغيفه =وكلامهم بالصدق والكلمه اللطيفه كلن بها يؤخذ ويعطي دون من او ريب=يالابسين الحمرصفوا في السقيفه سيب |
اقتباس:
الليله بغينا فصل جديد من عندك مالك عذر انا منتظر الفصل مع كل التحيه والاحترام |
اقتباس:
ذي مالها شئ ضد مالها شئ رديفه =وكلام جم نسمعه في البنت العفيفه ومن الردود القاسيه عالفمّ لقّت تيب =يالابسين الحمرصفوا في السقيفه سيب |
اقتباس:
|
اقتباس:
يامظفر النواب عندك شي صريفه =كلما نكلم شخص يعطيني صنيفه وكأنني نا من قتل مدرم وقاتل باصهيب =يالابسين الحمر صفوا في السقيفه سيف |
| الساعة الآن 06:41 AM. |
|
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir