لاعاد تتندم على مافات= واللي مقدر يارفيقي صار
شارون بالقوه سجن عرفات =وارض العراقي تحت الاستعمار
فوضه وماحقنا نعـد الاموات= بغــداد يصلاها لهيب النار
(والكرخ) (والبصره) تئن أنّات= والظلم عم خص (تكريت ) و( الاهوار)
والعالم العربي يغـط بسبات= نايم وله عقدين مبعـد ثار
يشكي بلاه الله بقيادات= ماشي لهم حشمه ولامقدار
حتى وان ظهروا في الشاشات=مانسمع إلا شجب واستنكار

بالطلب الله واسع المدات = يلطف بعبده من حريق النار
والساعيه تلعب بها الموجات=ربانها في وسطها محتار

رغم الـعـدد وكُبر الامكانات = ياللاسـف مافادو الملـيار
من ماحَزُر والمسلمين أشتات= وحكامهم يتناتفوا الاشوار
هاموا وضاعوا بين خُذ وهات= واعداءنا يتبادلوا الادوار
يارب تحفـظـنا من النكبات= تلطف بنا من هجمت الكفار

عدت يا طالب وعادة لنا الابيات= الحبكه وجمال الوزن حير الشعار
كل من كتب شطرين صاح بالآهات= المضمون واضح لروادنا الاخيار

بنشد على ذي داهل الجؤدات =لاوين روح وين هو قد سار
مبروك قله ينضم الغرات = والخصم دقه عند عقر الدار
والفرض قم صله على لوقات = وبعدها سر واصل المشوار
للحج باتحرم من الميقات =خذها نصيحه واستمع لشار

كل ماجرى كله من اهل القات=ذي يخلطون الحلوا فوق القار
من ضلمكم قد زادت الافات=عشرين افه عند باب الدار

ماتاب بوطارق من السوقات=عايب وفي عيبه كما غوار
بالعكس الشبرم على العادات=وانته قره يالعايب المكار

قولو لبوعامر على العادات = بدخل معك لاحجربن دغار
كل ماحصل كله غلط فالشات = باحذرك وانته عرف لنذار

ياغـبن كل من ما قرأ الايات = ولاآآآآ خَشِي من نقمة الجبار
بِيقابل اللهْ بيش لاقد مات= والله آ ماينفعه الاستكبار

للشرح والزامل معي حنّات= ياليته ألا دوب بإستمرار
المشكله في قلة الهوكات= كلن ورى الدنيا الدنيه فار

المضلعه تتحمل وتتلقف الصدمات = والماء يتسرب وينخرها كما المخدار
والناس تتفرج وتتقاذف التهمات = ماحد تبرع وحط ايده يصلح الاضرار

سلام وافي للرجال الوافيه=لاهل السقيفه ذي حضر واللي غياب
هاجس معي يبدع لكم بالقافيه=يبغا يشارككم على بدع وجـواب

يامرحباً واهلاً بمال العافيه = شاعر وصل بالشعر هامات السحاب
جيت السقيفه والخواطر صافيه = كلن يرحب بك بها. شيبه وشاب

بديت بالمبدئ للكلم الشافية = والصلاة على طه سيد الاحباب
سلامي لاهل القول والقافيه = شعار السقيفه طوال الاشناب
الرعد جاكم وصل وهو بعافية = نحمدالله على الرجوع بعد الغياب
باقوال منه على زمل شافيه = للصدور الضيقه وهي باسهاب
فتحوا لنا بواب الغزل لي كافيه = وتسلي الخاطر من الاكتئاب
خلوا زاخيها بعدما كانت طافيه = عالي وسط السقيفة والسحاب

بيتين من عندك فلا هي كافيه = نبغاك في العشقه لنا تفتح بْواب
وتولع الانوار لي هي طافيه = ونقلّب الصفحات في وسط الكتاب

حيابكم ياهل الشروع الوافيه=ماحنت الرعدان في روس السحاب
والصيعري ذي هو بدع بالقافيه=قله سال لنته تبا منا جواب

مبروك مالعشقه سفتها السافيه=خليتها للي يطالبها طلاب
ذاليوم من قد كانت ايده لافيه=قصرت وهي كانت تلوا عالرقاب

ذا فصل والثاني بغيت اشعار=ياهل المغاني والزوامل
من شان بسمع منكم لخبار=موجز مع التفصيل كامل

المشاركة الأصلية كتبت بواسطة ابوعامرالنعماني ذا فصل والثاني بغيت اشعار=ياهل المغاني والزوامل من شان بسمع منكم لخبار=موجز مع التفصيل كامل

رحنا ضحية جيش قوة مافيه=من عقب محنا رقم واحد في الحساب
عاد الرجاء بالله برحمه ضافيه=ويعود الاسلام لايام الصحاب

يقراء لك النشره ولد (بلقار)= له (عـقـد)* في الاعــلام عامل
الوضع في بغداد يشعل نار= والامر له عـدة عـوامل
الكل يرفض بطش الاستعمار= اللي فقد فن التعامل
يبغى حكومه أمن واستقرار = دايم. لكل الشعب شامل
ويريد من (علاوي) الاعمار= هذا الذي يرجو ويأمل
وأهم شي هو (قلعـت) الكفار= في طردهم لاحد يجامل
سوو كما بو مصعب المغوار=سيفه من الاعناق آ، مامل

جاك الخبر ياللي تقول اش صار=واضح على ماكنت تامل
النار شبت في صميم الدار=فيها احترق عامل وهامل
شعب العراق اصبح لنا تذكار=من بوش واذناب التحامل
واليوم روس القوم للجزار=زادت في عداد الارامل
مافرقوا مابين عيب وعار=حتى النساء تذبح حوامل
وان عادشي رجعه قدا ذي قار=خلو شعارات المجامل

ماحد يحافظ ع حقوق الجار= والكل في حقه تجاهل
مبغيتكم تتناتعو لشوار = تتفرجو ع خيب جاهل

بشكي لكم من وقتنا المكار= اللي كثر فيه التساهل
ولاعاد شي حشمه ولامقدار=كلن على التقصير داهل

ثعلب بفعله والطبع مكار= يصعب مع مثيله التعامل
الصدق ضايع و معه تحتار= حزاياته مافيها تكامل

ذا فصل والثاني لنا طاب السمر = لما حضر بديارنا (سيح المرار)
حياه ربي عـد زخّات المطر = وعـد اد كل من طاف بالكعبه وزار

هت لي خبر ماسار في بندر عمر = لهل الميازر والفلنطات القصار
من ينقذ التعبان ذيهو في خطر = يحسب حسابه عيدها جنه ونار

يامرحبابه ذي على الداعي حضر =وسط السقيفه بايشارك فالقرار
وان قد دعيته صوت مابايعتذر = في كل حجه مايقدم لعتذار

الله يعطي لك يبو طارق عُمْر= ياماوياما باتجيك إمن الخْبار
والبرد ماشي عُذر مايعقبه حرّ=والليل مهما طال واظلم له نهار

كل ماجرى لي هو من اصحاب الغتر = ذي خلو الربان يوقع فالقشار
واليوم شفهم بايلفون الثمر = كل من زرع ماعذر يجنا فالثمار