|
|
اقتباس:
أنا المسكين مثل الطلي في وسْط الخلاء راتع=وجاه الذيب با ينخعه قصده في اللحيم الحاف تبانا أغلط في أقوالي يجيني رياض بو صاقع=ويصقعني على المقذاه يصّلني خطا بالحاف؟ |
اقتباس:
حسب حسبتك وتمعن يقول الذيب في الدافع=ولا تحتر ولا تبرد وقسمها رباع انصاف ترى بعض الحراره من قفاها بتمسي جائع=وغير بي لحق في كل لقمه وسطها مغضاف |
اقتباس:
يمين الله تبنا ما نناطح أو نجي نصـارع = عَنِبْداوي ولا يامي ولا وحدين أو غدّاف :FRlol: جماعه كلّهم عُصْبه معاهم نار وِمْقامع = رجع يا الذيب للعشقه ولا حد من دري أو شاف |
اقتباس:
نصيحه قال بوفيصل عمر يالذيب لدافع = على منهو نسي عهده وانا ماباك تلعب هاف وخله قل لبوطارق مع سالم مع مانع = ولك ارض الحبش وحدك وتركها لهم لحقاف |
اقتباس:
تنويه: الشاعر سبع الليل أصله يامي؛ أما وحدين وغدّاف فعوائل ساحلية عريقة. |
اقتباس:
معك شفني في مهبك وفي سعفك معك راجع=عجبني ضربك الليله يقد عاحبة المشواف على المقناص حصلنا ثلاثه انفار تتنازع=وشلو اللحم واعطوني بقايا الديم والاطراف |
اقتباس:
سلام الله عا شيخ العرب ما يوم قع خاضع=مولّد في أريتريا ... كما أسياس قط ميخاف يحارب يوم زيناوي وفي إحنيش شـُـه طامع=وبعض أيّام يحرب عا هل الخرطوم بالحذّاف |
عمر يالذيب لاتمشي معك مؤتر بلاسابع = ولاشي عزم في المؤتر يعديبك حسر وانواف وكل ماجاه مالمؤتر يقول الشيخ من شايع = من الشكمان الا يالذيب هالموتر معد ينشاف |
اقتباس:
قليل البخت في الكرشِه يلاقي عظم وِمْزامع=وهو جالس في أم سهمين جاء له حذف بالأشقاف غِدِه يا الذيب وإتصبّر قبض بآذان وٍمْسامع=ركب فوق الحمار إللي بدون البردعه وِوْكاف |
اقتباس:
رحب بابيات من شايب بغاله قسم في الخاشع = وريته بالحرم صلى وبالكعبه محمد طاف ونا لي قسم في العشقه سمع مني وتم سامع = ونا لاذكرت مضنوني وليهو كامل الاوصاف |
اقتباس:
طماعه في وليد الذيب بيتمّي أبد قابع=يخايل للغنم ترعي بوادي سر وشعب الكاف ولا يكفيه شل غذلب لبن في شهرها السابع=وذلا شـُـه يباها لك أبو ناصر ... أخو نوّاف |
خروج لصلاة العصــــــــــــــــــــــــــــــــــــــر |
اقتباس:
محمد بن مخاشن في الهويه فعله امضارع=وانا لي فعل ماضي ياوزير الحج والاوقاف ولكني معد باصبر على اهات ومواجع=الى شفته بسكينه يقطب في ورك وارواف ابا قسمي وباشله ولو با تحترق يافع=معد بصبر وهو يفطر على مقلقل ونا عاحجاف |
اقتباس:
محمد صاحبك لا قد قبض بالحبل بيناتع=وانا خايف يقع له سحل لا ماراض واستهداف ومن كثر الفزع لي به قسم بالله بيلاطع=قلد عالمال في الخزنه وخبّر نخلة المجراف |
اقتباس:
تجون اثنينكم مره وانا باوزع الطابع=وبعرف من هو الفاعل ومن مفعول به ومضاف اذا انت الفعل لي ماضي مضى والي مضى شافع=معاد له ذكر في الدنيا ولا في مكتبة لعراف واذا هو بن مخاشن قال انا مضارع وباقارع=صبر قل له على قرعة كبير القطع والهتاف |
اقتباس:
عمر يالذيب باتندم ولازم يوم تتراجع = تعدي من قفا داري ولاتسلم كمى المختاف وليهو ماقرا خطي انا بسقيه صبر قاطع = ولابكفيه لويحلف معه سبعه من الحلاف |
اقتباس:
انا في العشق يابو شيخ نجمي من زمن ساطع=وعيني دوب عالفاروح مالي دخل في القراف ولا دعيت في وادي ضوي منه ونا شابع=ولقط في الحبوب الزاحيه ماقارب الشرياف |
اقتباس:
انا قلبي مثيل البفت ابيض ياولد ناصع=وغيري قلبه اسود ايش لي هو فيه ما يشتاف ترك الاول مع الثاني وثالثهم مع الرابع=وخذلك قال بو طارق عمر من خيرة الاصناف |
اقتباس:
ولاشي لول في بحرك عمر يالذيب لي لامع = ولاشفنا سوى كندم بواقي حرب وأستنزاف وانا لذكرت مضنوني وهذا الصدق والواقع = يصب دمعي على خدي ويملي ياعمر مغراف |
خرج ذا فصل والثاني ارى بيرورت محيوسه=ونصف الشرق الاوسط من زمن محيوس من البلمار حس كبدي بنار الحقد مترورسه=وقلبي عا خبيثين العمل مترورس |
اقتباس:
تراهم ياعمر مثل الدباء واخطر من السوسه=كفانا الله شر المدخله والسوس وشي قدامنا ظاهر وجم حاجات مدسوسه=وكم من سمسري لحسابهم مدسوس |
اقتباس:
خطط عدت لها من قبل محسوبه و مدروسه =ترى ماشي طلق كل شئ لها مدروس ولاخذوا حذرهم منها لهم باتضل محروسه= وكل من هو مع الله يقع محروس |
اقتباس:
سعيد اعبيد شف نحن نخب في أرض منكوسه=وراس الحيد لي هو بيننا منكوس مراجع ظالمه وحظوظنا كشفاء ومنحوسه=نحس نحن قليل المعرفه المنحوس |
اقتباس:
في العرض العِسِر لي دار بالبويات مطلوسِه=منوِّرها وحتى حوشها هو والسِّرِه مطلوس تركناها إلى المهجر ونجرع فيه مُرْ كوسِه=ولا لقينا في الغربه سوى لِهبوب هي والكوس |
اقتباس:
حسن لك من ديار العرض ومصالات قسقوسه=وما قسقوسه الا عزها الباير ولد قسقوس معك قصة ولد باني ترك دُفه وقنبوسه=وبطّل في الغناء و اهله حذف بالدُف والقنبوس |
اقتباس:
يحب الدف باني قبل ما تظهر له اظروسه= ولكن الضحك يالسبع يبغى له سلاء واظروس ولا تصدق اشاعه جاتكم من ناس مهووسه= لانه ما يبطل في الغنا من بالغنا مهووس |
اقتباس:
كلااااااااااااام يالعائد |
اقتباس:
ولد صاحبي واصحابه من الترباه مفحوسه=والا ليه بن باراك كبده منهم مفحوس ولكن حسب ظني مابغت كركوس كركوسه=ولكن باتقع زيجه لها غصبا على كركوس |
اقتباس:
|
خويك قل لبوطارق عمر مكسور ناموسه = وترك قال بوفيصل قليل الخير والناموس ولاقد جاب شي يذكر ولاحاجات ملموسه = وكمن رأس بالحيه بغى ياصاحبي بالموس |
غن يالمغني قال بو طارق وزر الصوت زر=طاب السمر في حلها بانخلي الزايد يزيد بعد الحبايب صاب حالي بالمشقه والكدر=من بعد ماكانواعلى جالي صبح خلي بعيد |
اقتباس:
اول نبارك لك بنيل الجايزه لا ياعمر=يالذيب تستاهل لأن فالشعر مالك حد قنيد يا مرعب الشعار لادخلو في ارباع الوصر=يالشهم يالمغوار في بنك المراجل لك رصيد |
اقتباس:
الله يعينك لا وصلك السيل من وديان سر=وايش باتسوي في نصاف الليل في البرد الشديد خلك نسى جودك ومعروفك ودبّر مانتظر=اظاهر انه ما يباء ثوبك يباء الثوب الجديد |
اقتباس:
ثلين من عمري علي فالبعد لا يالذيب مر=وانسيت كم مطرح وكم من حصن له عندي قليد والتاليه ماشي معي مكسب وقد راسي غبر=ذلا ذلحت الحب وصفيته وغيري مستفيد |
اقتباس:
الله يبارك فيك والعقبى لكم ولمن حضر=ماشي عليكم زود يامعدن وسادات القصيد في سعفكم باسير لو لحمي وعظماني طير=من ساير الجاويد بايكسب من السعفه اكيد |
اقتباس:
ماقدر المولى علي ياسبع راضي بالقدر=هو مقدر الاشيء ونحنا تحت ماقدر عبيد لي ما يباني ما بغيته ياجليلين العجر=لان المحبه من طرف واحد بها ماحد سعيد |
اقتباس:
صبرك على مابك وربك بايعوض من صبر=بعد التعب والصبر بايكون اللقاء جمعه وعيد مهما يغيب الادمي يبقى لحد عنده مقر=داخل حجاب القلب لا تذكره جف ريق الوريد |
قد كانت الجملاه من شق صيف لا ام الهجر=ساعات سويها ومن ذمرون لا بدو الرشيد ماهمها وافصل وحمل في رجب ولا صفر=عاضهر كمن دوسري يشقع على كمين حيد |
ما حب انا القاصر ولا هرجه ولا خبّر بشر=وانشد على الرجّال وعلومه وكل من كان جيد من زام جدي قد عرفت الناس وطبوع البشر=نعطي ولا نحسب على الاجوادفي العهد المجيد |
اقتباس:
يقطعه ذاك الليل بو طارق عبر ليله سهر=شرقت عليه الشمس واسعيده سرتّ تتبع سعيد ما عاين الجنوه كسر جبحه وخلّا النوب فر=والظبي با يشرد اذا الصيّاد ما يعرف يصيد :FRlol::FRlol::FRlol: |
| الساعة الآن 04:19 AM. |
|
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir